صيحة تحذير

**abf-nassar** · 30-09-2010 08:04 PM

المشاركة الأصلية كتبت بواسطة most_wanted

تقريبا الهوندا مش من العربيات الرفاهيه الي مش تعتبر تبذير
لا حول ولا قوه الا بالله

ومين قال انها مش من العربيات العالية او اني بنتقد اي شخص راكبها او راكب عربية بثمنها او اغلي منها انا بناقش الاخ اللي بيعتبر ان كل ده رفاهية تدخل تحت بند التبذير وفي نفس الوقت هو نفسه جايب عربيتين ( يعني بناقش مبدأ - اتامرون الناس بالبر وتنسون انفسكم - ) مش بناقش انهي عربية تعتبر رفاهية من عدمه
واذا كانت الهوندا رفاهية فانا فعلا اشترتها للرفاهية والراحة اللي انا مقتنع بيهم
انا راكب سيارة تعتبر رفاهية وليست رجس من عمل الشيطان

**Sindibad** · 30-09-2010 10:39 PM

أولا أنا أشكرك على ردك و لكن واضح انك لم تقرأ كل كلامى لأنى لا لأمتلك سيارتان و قد قلت ذلك فى مداخلاتى ولا حاجه لى , انا عندى هوندا ستى مستعملة مو 2004 تمنها 60 الف
بالأضافه اننى لم أعمم فى كلامى لقد ضربت أمثله وواضح أن سيادتك فهمت كلامى بطريقه خاطئه أو أنك لم تقرأ الموضوع من الأول أو للأخر
ولم أحرم أمتلاك الرفاهيه الأ اذا كانت ضروريه , لا أريد أن اكرر كلامى , اقرا المداخلات السابقة من فضلك
وشكرا

**el7enshan** · 30-09-2010 11:18 PM

الكلام ده مش تمام

**most_wanted** · 01-10-2010 01:18 AM

المشاركة الأصلية كتبت بواسطة abf-nassar

ومين قال انها مش من العربيات العالية او اني بنتقد اي شخص راكبها او راكب عربية بثمنها او اغلي منها انا بناقش الاخ اللي بيعتبر ان كل ده رفاهية تدخل تحت بند التبذير وفي نفس الوقت هو نفسه جايب عربيتين ( يعني بناقش مبدأ - اتامرون الناس بالبر وتنسون انفسكم - ) مش بناقش انهي عربية تعتبر رفاهية من عدمه
واذا كانت الهوندا رفاهية فانا فعلا اشترتها للرفاهية والراحة اللي انا مقتنع بيهم
انا راكب سيارة تعتبر رفاهية وليست رجس من عمل الشيطان

يااستاذabf-nassar انا مش قصدي عليك بالعكس انا متقف علي كلامك انا بتكلم علي صاحب الموضوع انه عنده هوندا سيتي ومش معتبرها من الرفاهيه وجااي يكلم علي الناس المبزره

**ahmedsamir5edr** · 01-10-2010 01:36 AM

هو أنتو يا جماعه عندكم مشكله في النقاش الهادي الهادف ؟؟

صاحب الموضوع طرح وجهه نظر .. لكم كل الحق في الأتفاق أو الأختلاف

انما هوا بيتكلم بصوره عامه .. ملوش داعي بقي تمسكــوه تحللوه و تقولوا منتا راكب هوندا ..

الهوندا سيتي دي امكانياتها فعلا في حدود المعقول .. و السعر غير مبالغ فيه

صاحب الموضوع يقصد اللي راكب بي ام تالته و بالعاااااااااااااااافيه و هيموت و يركب فئه 5 مثلا .. مع ان الزيادات مش هتفرء خااااااااااااالص .. في حين انه من الممكن يوجه الفلوس ديه في حاجه تانيه .. خصوصا انه المرحله اللي بعدها هيجيب فئه 7 .. و عينه مش هتتملي و هيفضل طول عمره يجررررري .. و مش هيشبع

**ahmedbeirut123** · 01-10-2010 01:46 AM

انا مش عارف ايه الهدف الفعلى للموضوع

موضوع فمنتدى سيارات بيقول للناس متشتروش سيارات و مش مهم التكنولوجيا

يعنى على كده اللانوس زى الفولكس باسات ههههههه

مثال بسيط لو واحد معاه 20 مليون مثلا

ليه يركب عربية حقيرة ب 60 الف

و هو يقدر يركب عربية بمليون او اتنين

باختصار شديد

موضوع شرا العربية بيقف على حاجتين الحرية و القدرة المالية

**ahmedbeirut123** · 01-10-2010 01:49 AM

المشاركة الأصلية كتبت بواسطة د.محمود صلاح

كلام سليم بدليل في أوروبا لا يركبون السيارات الفارهة في الغالب , ولكن يستبدلونها قبل مضي 10 سنوات .

يادكتور

مفيش اساسا عربيات فارهة فمصر

العربيات مابين ال 200 الف لغاية 500 الف

ديع عربيات عادية مش فارهة

و شوف هى برا بتتباع بكام و ازاى ان عامة الشعب بيشتروها

هتعرف انها غالية بس عشان الجمارك انما مش فارهة ولا عربيات سوبر ولا حاجة

**SeiffoZ** · 01-10-2010 03:06 AM

المشاركة الأصلية كتبت بواسطة د.محمود صلاح

كلام سليم بدليل في أوروبا لا يركبون السيارات الفارهة في الغالب , ولكن يستبدلونها قبل مضي 10 سنوات .

السيارات الفارهة فى أوروبا ... مش زى عندنا ..

هناك عادى يبقى معاك بى إم ... مرسيدس ... جاجوار ... ده الطبيعى !

لكن السيارات الفارهة .. بنتلى ... فيرارى .. رولز .. مايباخ ...

هو الراجل صاحب الموضوع بيتكلم على فئة البى إم و المرسيدس و الباسات ...

**rompo10** · 01-10-2010 03:33 AM

اولا يا جماعه الموضوع ممتاز جدا والكلام صح مليون في المائه ثانيا مفيش حد معاه كام مليون هايطلع زكاه مال لان دا كلام ربنا المال هايعمي عينه وعاوز اكتر دي اول حاجه حرام ثالثا ثلاث ارباع سيارات مصر بالقسط ودا حرام عشان الربا وانا ليا راي مش هاعرف هانتقد فيه ولا لا نسبه الحوادث كتير عندنا كتير عشان العربيات قسط يعني الربا داخل فيها طبعا تعتبر فلوس العربيه حرام فدا يبقي عقاب من ربنا وعلي فكره انا قريت اول كام رد ماكملتش الموضوع للا خر وعلي فكره انا زيكم مش هاقول اني ملاك وصاحب الموضوع كمان لكن عشان نتغير لازم الشعب كله يتغير وربنا يرحمنا

**power** · 01-10-2010 06:41 AM

جمله واحده من حكم في ماله فما ظلم
طبعا بشرط انه يكون من حلال ورايح للحلال وبس
وفي حكمه بتقول ان لو وزعت مالك علي فقراء الارض يبقي انت معملتش حاجه الا انك زودت الفقرا واحد