الموضوع: أختيار المدارس المناسبة لأولادنا *** بين نارين!!!!!!!!

موضوع مهم فعلاً , بستغرب جداً لما ألاقي الأطفال بتتعلم الإنجليزي وهما لسه في حضانة , فين لغة القرآن ,
وموافق الأستاذ أبوعبدالله والأستاذ كريم في اللي قالوه وأزيد رأيي إنه أفضل حل معهد أزهري خاص مع متابعة الأطفال برضه بره المعهد .

فعلا موضوع مقلق جداااااااااااااا
بس انا ناوي ان شاء الله اني ادخل مدرسه لغات لان فعلا الشغل في المستقبل لازم يكون في لغه او اتنين و هحاول و ربنا يقدرني أأقسم الوقت بتاع اليوم كويس يعني لو حتي المدرسة مبتعلمشي قران كويس اعلمها انا لان حتي المدارس العاديه حصه الدين فيها مبقاش ليها لازمه
شوفت بنت زمان عندها 8 سنين كانت بتاخد كورس في سنتر كنت شغال بدي كورسات فيه ماشاء الله عليها

باباها و ماماتها مقسمين يومها ازاي بقي ( في الاجازة)
من 9 الصبح بتاخد كورس كمبيوتر وورد و باوربوينت و مامتها بتقول مش مهم تتعلم فيه كل حاجة بس تخرج باي حاجة
بعد كدة بتروح النادي تتمرن سباحه
و بليل كورس فرنساوي او انجليزي و الايام العكسية تحفيظ قران و بتلعب رياضة تانيه في النادي مش فاكرها

البنت ماشاء الله عليها وقتها كله مشغول بحاجات مفيدة و بتلعب و بتتعلم لغات و دين ربنا ييسرلي و اعرف اعمل مع بنتي كدة

بس مدارس اللغات ضروريه لاني خريج مجارس حكومه و اللي نفعني اني كنت بحب الانجلش من زمان غير كدة كنت هتعذب في حياتي علشان الاقي فرصة كويسة

السلام عليكمطيب نحاول نمسك العصاية من النصف ونعمل عملية موازنة على قدر الامكان.وده ممكن يكون عن طريق المدارس التجريبية الحكومية " العادية وليست المتميزة "كيف يتم ذلك؟التمسك باللغة العربية موجودلغة انجليزية موجودة كما هو الحال في البرنامج الحكومي العادي + كتاب لغة إضافي.وبكده ممكن نحقق اكثر من نتيجة:1- فرق المصاريف بين المدارس التجريبية والخاصة وهو فرق كبير يمكن استثماره في تعليم الطالب القرآن " حتى لو درس خصوصي " + دورات تعليمية " لغات + كمبيوتر+ مهارات اتصال " + معسكرات تدريبية " معرفش هل ده موجود في مصر حالياً ام لا يوجد".2- في حالة عدم الاستثمار السابق ذكره في الخطوة 1، هيكون لدى الطالب الاساسيات الجيدة في اللغتين الام والاجنبية، وحتى يتم تطويرهما لاحقاً، بطريقة او بأخرى.ملاحظات:* صعب على نفسي جدا أن الطالب يدرس ادب انجليزي وقصص اجنبية وخلافه وبتعمق كبيرعلى حساب تعلم دينه ودراسة القرآن.* المدارس التجريبية في منها نوعين: لغات عادي متوسط مصاريفه مع التبرع في حدود 350:500 ج " وده اللى قصدي عليه"، وفيه يتم تدريس رياضيات وعلوم باللغة الانجليزية، وكتاب اضافي في اللغة.* وفيه تجريبي لغات متميز مصاريفه في حدود 1200 ج وده صورة كربونية من المدارس الخاصة لغات.