مين مهتم بالدراجات (البسكلتة)؟؟

**aliabutaleb** · 01-10-2010 07:31 PM

بالنسبة للأسعار:
لسة شاري Mountain Bike Peugeot Wave XXL من بسكلتة من شهرين وكان تمنها 2200 جنيه

**Eslam.Elrefaey** · 01-10-2010 07:38 PM

المشاركة الأصلية كتبت بواسطة funnymickey

فرنساوي خد بالك
في gitane
وفيه giant

giant دي صيني
انما اgitane فرنساوي

ودي حتلاقيها عند محل بسكلته في جسر السويس

وسعرا يبقى فى حدود كام واجيبها من بسكلته ده احسن ولا من بره

**FunnyMickey** · 01-10-2010 07:42 PM

بص مش عاوز افتي
بس اسمع انها اعتقد ب6000
ومعلش يعني لو حتجيب من بره يبقي هات بقي حاجه انضف

ايه اللي يخليك تجيب حاجه موجوده في مصر
وحتبقي ارخص طبعا
بس متدخلهاش بكرتونه عشان متتحاسبش جمارك

**FunnyMickey** · 01-10-2010 08:09 PM

في عجله عندنا اسمها شيربا العجله دي محترمه جدا جدا
وفرق بينها وبين الستالايت الفرامل الديسك بس

وب2800

من بره حتلاقي كتير اوي في رينج السعر ده بس الفكره انك تبقي عارف وزن اد ايه وتتكلف شحن والكلام ده اد ايه

هوا انتا بتفكر من بره فين يعني
؟

**amr mokhtar** · 01-10-2010 11:55 PM

محتاج مشورتك يا funnymickey

انا عايز أغير العجلة
روحت لمحل عندنا إسمه محمد عبده و ده من أكتر المحلات المتخصصة فى الإسكندرية

لقيت عجلة ماركة Phoenix
البراند صينى طبعآ
فيها سرعات شيمانو و العجلة الومينيوم بالكامل
سعرها 1000 جنيه و تقدر تقول ده أخرى تمامآ
انا الفترة اللى فاتت شفت عجل كتير فإلى حد ما أقدر أفهم فيهم شوية
هى شكلها نضيف جدآ و خاماتها كويسة بس وزنها مش خفيف اوى زى ما كنت فاكر بس طبعآ أخف من اللى معايا دلوقتى

إيه رأيك؟ و لو تعرف بديل أفضل يا ريت تقوللى

**FunnyMickey** · 02-10-2010 11:43 AM

طب هيا دي مستعمله ولا جديده

وخد بالك موضوع ماركات العجل ده لا حصر له
يعني صعب تعرفه

اهم حاجه ميكونش شيمانو مضروب
وده غالبا 90 %
لان مفيش عجله صيني حيكون فيها شيمانو اصلي ب1000 جنيه

احنا بردو مستوردين عجله المونيوم اسمها بيرليس نفس النظام اللي انتا بتقول عليه ده بس شيمانو صيني

ب1000 جنيه بردو
لو عجباك توكل علي الله اهم حاجه يكون الراجل ده كويس ويعرف يصلحهالك

**FunnyMickey** · 02-10-2010 11:46 AM

المشاركة الأصلية كتبت بواسطة Eslam.Elrefaey

أنا هخلى قريبى يجيبها من التشيك او المانيا ,بس قول انهى انواع تبقى نضيفة وبنفس السعر ده والشحن هبقى اشوفه

اللي يفيدك في ده النت
اعمل سيرش علي العجل مثلا

trek اللي مشهوره اوي
ممكن تشوفلك حاجه منها

لان احنا م بنشتغل في الكلام ده خالص احنا واخدين توكيل ماركه واحده بس

**mazagngi2010** · 02-10-2010 12:04 PM

المشاركة الأصلية كتبت بواسطة funnymickey

لازم تعرف حاجه مهمه اوي
ان فيه فرق بين اركب وخلاص ايام ما كنا اطفال
واللي بيهمنا في العجله مثلا اللون - الفتيس - المساعدين ورا وقدام

وولا كنا بنفكر في وزن العجله مثلا
ايه اللي يفرق بين عجله وزنها 30 ك وعجله وزنها 15 ك

الفرق في المجهود المبذول

ممكن يجيلك اكتئاب من العجله الحديد لانك بتبذل فيها مجهود خرافي مثلا عشان توصل من مدينه نصر لمصر الجديده

في حين ان اللي سايق العجله الالمونيوم بيبذل نص مجهودك عشان يوصل واحتمال يوصل اسرع

هل طقم السرعات اللي راكب في العجله ماركه محترمه تعيش معاك من غير مالتروس تتاكل او تبوظ

هل الكاوتش اللي محطوط في العجله ماركه كويسه معمول بمواصفات قياسيه ميقعدش كل شويه يتخرم منك بقي وتلحمه

او ميبقاش مثلا شايط ويقرفك كل شويه

كل دي حاجات كتير تفرق معاك في سواقه العجله

بص بصه عالسايت ده كده
دي عجله احنا واخدين توكيلها

ABOU EL GOUKH

وانزل شوف اي محل عجل بص علي شكل العجله عنده ووزنها عامل ازاي

سواقه العجله الالمونيوم اعتقد لو شخص عادي ممكن متفرقش معاه ويستكتر فلوسها

بس فعلا لو حب الموضوع وساق المونيوم وساق الحديد

هناك فرق شاسع بين دي ودي

ودي شركه بسكلته بردو عندهم عجل المونيوم

بس واخدين توكيل ماركات تانيه

Bescletta.com, The bike house

دول اكبر محلين في مصر ممكن تلاقي عندهم عجل محترم بمعني الكلمه

شكرا لاهتمامك ياغالى
على فكره انا لسه جايب عجله بلاستيك من عندكم فى شارع السودان لبنت اختى ب50 جنيه تقريبا ولسه شغاله لحد دلوقتى

خلينا فى المهم
لو عايز اجيب مثلا ال revel ياترى الميكانيكا بتاعتها ايه نظامها وقطع غيارها عامله ايه فى الاسعار
يعنى صوابع الفرامل بكام ومجموعه التروس اللى شكلها يقلق ورا دى بكام؟
وصيانتها سهله ولا لازم متخصص؟
وابقى ادخل هنا وقوللى رايك
http://www.nilemotors.net/Nile/185227-a.html