مين مهتم بالدراجات (البسكلتة)؟؟

**nouranwar** · 30-09-2010 12:46 PM

علي ما اعتقد فيه عجل بيجو و bmw مضبوط الكلام ده ولا لأ ؟
و الموضوع لعب في دماغي والله و هفكر في موضوع الكرنفال بس مش اكيد :)
و مشكوووووووووور لصاحب الموضوع علي الموضوع الجميل ده

**FunnyMickey** · 30-09-2010 01:06 PM

المشاركة الأصلية كتبت بواسطة mazagngi2010

ماطول عمرنا كنا بنركب العجل الفونيكس الصينى والافون والاطلس الهندى وكان حديد
ممكن توضحوا لنا ليه الحديد مدمر وايه مميزات الالمونيوم لانى قديم شويه ومركبتش ومعرفش الالمونيوم خالص وتاعبكم معايا ياجماعه

لازم تعرف حاجه مهمه اوي
ان فيه فرق بين اركب وخلاص ايام ما كنا اطفال
واللي بيهمنا في العجله مثلا اللون - الفتيس - المساعدين ورا وقدام

وولا كنا بنفكر في وزن العجله مثلا
ايه اللي يفرق بين عجله وزنها 30 ك وعجله وزنها 15 ك

الفرق في المجهود المبذول

ممكن يجيلك اكتئاب من العجله الحديد لانك بتبذل فيها مجهود خرافي مثلا عشان توصل من مدينه نصر لمصر الجديده

في حين ان اللي سايق العجله الالمونيوم بيبذل نص مجهودك عشان يوصل واحتمال يوصل اسرع

هل طقم السرعات اللي راكب في العجله ماركه محترمه تعيش معاك من غير مالتروس تتاكل او تبوظ

هل الكاوتش اللي محطوط في العجله ماركه كويسه معمول بمواصفات قياسيه ميقعدش كل شويه يتخرم منك بقي وتلحمه

او ميبقاش مثلا شايط ويقرفك كل شويه

كل دي حاجات كتير تفرق معاك في سواقه العجله

بص بصه عالسايت ده كده
دي عجله احنا واخدين توكيلها

ABOU EL GOUKH

وانزل شوف اي محل عجل بص علي شكل العجله عنده ووزنها عامل ازاي

سواقه العجله الالمونيوم اعتقد لو شخص عادي ممكن متفرقش معاه ويستكتر فلوسها

بس فعلا لو حب الموضوع وساق المونيوم وساق الحديد

هناك فرق شاسع بين دي ودي

ودي شركه بسكلته بردو عندهم عجل المونيوم

بس واخدين توكيل ماركات تانيه

Bescletta.com, The bike house

دول اكبر محلين في مصر ممكن تلاقي عندهم عجل محترم بمعني الكلمه

**FunnyMickey** · 30-09-2010 01:08 PM

المشاركة الأصلية كتبت بواسطة nouranwar

علي ما اعتقد فيه عجل بيجو و bmw مضبوط الكلام ده ولا لأ ؟
و الموضوع لعب في دماغي والله و هفكر في موضوع الكرنفال بس مش اكيد :)
و مشكوووووووووور لصاحب الموضوع علي الموضوع الجميل ده

مظبوط ياباشا بس خد بالك ان ماركات العربيات اما بتعمل عجل بيكون للدعايه مبيكونش للاحتراف

يعني السباقات العالميه مثلا مبيكونش فيها عجل بي ام ومرسيدس والكلام ده

في ماركات اشهر بكتير زي بيانكي وتريك مثلا

وطبعا البيجو اللي في مصر صيني مش فرنساوي

**FunnyMickey** · 30-09-2010 01:39 PM

مفيش صيني ليه توكيل غير زي عندنا كده مثلا
بس العجله اللي هيا غاليه

انما عجل حديد عادي وفي اي محل ده العجلاتي بيصلحه عادي

يعني العجل الالمونيوم مثلا اللي عندنا في ابو الجوخ ده احنا الوكيل بتاعه
اي قطع غيار اي صيانه بتجيلي وعليها ضمان سنه والكلام ده بجد مش هزار

نفس الحكايه بسكلته بردو
وكيل ماركات معينه في العجل وبتروح بردو تلاقي صيانه والكلام ده

بس طبعا السعر بيفرق

العجل العادي كبيره اوي 1000
العجل الالمونيوم من اول 2000 وانتا طالع بقي زي مانتا عاوز

انما العجل العادي لا بيكون فيه ضمان ولا صيانه عشان بيكون حديد عادي بقي زي اي عجله بتشتريها كده

**amr mokhtar** · 30-09-2010 01:42 PM

المشاركة الأصلية كتبت بواسطة askafrawy

طيب انا ليا استفسار انا عندى عجلة كنت شاريها من زمان و ولا عارف نوعها و لا عارف ازاى اوضبها لان حالتها لسة زى ماهى لكن محتاجة صاينة و خصوصا للنقلات
لكن الحمد لله مفيش اى صدأ عليها او كدة
ياريت لو حد يعرف واحد كويس فى الاسكندرية يقولى عشان اروحله و اشوف تكلفت صيانتها ايه

فيه ناس كتير كويسين جدآ فى الإسكندرية

محمد عبده فى محطة الرمل و ده من أقدم الناس اللى شغالة فى موضوع العجل فى الإسكندرية و عنده قطع الغيار

لو انت ساكن ناحية ميامى او السيوف فى واحد إسمع الشيخ عصام برضه من الناس القديمة فى المجال ده و على فكرة هو بيبقى موجود فى الرايد بتاع يوم الجمعة لو حد عنده إستفسار او عايز يظبط حاجة فى عجلته

إدوارد سايكل له كذا فرع
على البحر جنب المحروسة و بنك hsbc
و فى باكوس فى شارع الإذاعة و ده محل كبير برضه

**amr mokhtar** · 30-09-2010 01:49 PM

المشاركة الأصلية كتبت بواسطة mido777

طب نيجى للكلام العملى
مين من اسكندرية ناوى يطلع !!!!!!!!

يا أهلآ و سهلآ
انا بما إنى فاضى الأيام دى و مستنى ورق الجيش و الحوارات اللى بعد كده
فأنا بنزل بإستمرار و إن شاء الله رايح بكرة الرايد

**FunnyMickey** · 30-09-2010 01:52 PM

المشاركة الأصلية كتبت بواسطة nouranwar

بصراحة بقي لما جيت افكر فيهم فكرت اني ابقي راكب عجلة bmw او بيجو مش علشان اي حاجة غير الماركة فقط

تعرف حضرتك تعمل كام البيجو و البي ام ؟ فعلا زي ما اتذكر كانت ب 9000 ولا ايه ؟

ولا 9000 ولا حاجه

ليه ياراجل

البيجو علي فكره ملهاش علاق خالص بشركه بيجو الفرنسيه

الكلام ده كان زمان

بعد كده بقت تركي

وبعدت بقي عن شركه بيجو

وبعدها بقت صيني

الاشتراك في الاسم فقط

انما البيجو الفرنساوي غاليه جدا

ومش موجوده اساسا في مصر

-

-

-

الموضوع: مين مهتم بالدراجات (البسكلتة)؟؟

LinkBack

أدوات الموضوع

عرض

-

-

-

المواضيع المتشابهه

مهتم جدا بالبروتون

فرصه لكل من هو مهتم بالبورصه

محدش مهتم بالسبارك

محدش مهتم بالبيكانتو

سؤال مهم:ليه عز مش مهتم بالبروتون؟

الكلمات الدلالية لهذا الموضوع

المفضلات

المفضلات

ضوابط المشاركة