الموضوع: مين مهتم بالدراجات (البسكلتة)؟؟

طالما لسه بتتعلمي يبقي اشتري عجله عاديه بدون سرعات تتعلمي عليها الاول
حتبقي في حدود 500 600
بس اهم حاجه تكون ممكن يضاف ليها سرعات عشان لما تتعلمي تبقي تركبيها براحتك

بالنسبه لجروب بيعلم معتقدش
هوا كان فيه جروب اسمه cycle egypt
كانوا اول ما بدأوا عاملين كورسات تدريب عالعجل
بس معرفش دلوقتي ايه النظام

وممكن تتعلمي لوحدك
عادي
تجربي لحد ما تتعلمي توزني نفسك وبعد كده الموضوع حيبقي سهل
وعالعموم حقولك علي سر :)
هاتي ودنك
.
.
.
.
.
.
.
.
.
عندنا سنادات بتركب عالعجل الكبير :) :) :)

الله عليكم
انا بموــــــــــــــــــــــ ـــــــــــــــــــــت فى العجل
نفسى اشترى واحدة كل ما اقول لمراتى تعد تضحك على معرفش ليه

المشاركة الأصلية كتبت بواسطة adel1414

طب لوسمحت انا كنت عاوز اعرف اماكن بيع دراجات فى اسكندرية لانى عاوز اشترى عجلة عادية فحدود 400جنيه مثلا؟؟؟

ده اكونت احمد الحيطي عالفيس بوك
اللي اعرفه في اسكندريه ليه علاقه بالعجل واسمع ان عنده محل
ممكن تتواصل معاه وهوا يدلك
احمد صاحب جروب
cycle egypt alex

المشاركة الأصلية كتبت بواسطة AFTAM

الله عليكم
انا بموــــــــــــــــــــــ ـــــــــــــــــــــت فى العجل
نفسى اشترى واحدة كل ما اقول لمراتى تعد تضحك على معرفش ليه

ممكن في الاول تضحك عليك
انما لما تلاقي صحتك وشكلك اليومي وروتينك اتغير
انتا شخصيا حتحس باختلاف
نشيط رياضي
حد طايل

المشاركة الأصلية كتبت بواسطة marwa333

مرسي جدااااااااااااااااااا على الرد السريع
و بصراحة حلوة قوى فكرة السنادات ديه , بس أعتقد انها هتزود التريقة شوية كتيييير :)))
طيب سؤال كمان هو فرع أبو الجوخ الفى شارع الجمهورية بيبيع عجل و أجهزة رياضية و لا أجهزة فقط , عشان عاوزة اشترى العجلة و أتفرج على الأجهزة و يا ريت تقول نوع العجلة الحضرتك تقترحها ايه

هوا مفيش انواع محدده
زي ما اتفقنا هيا عجله صيني عاديه طالما بتتعلمي
بالنسبه للتريقه فانتي كده كده طالما نويتي تركبي عجل يبقي حتسمعي تريقه
لان احنا دماغنا كده
حتي الولاد بيتريقوا عليهم
فمش فارقه بقي
وطالما بتتعلمي لا يفضل انك تمشي في اماكن عامه
الافضل شوارع جانبيه لحد ما تتمكني من السواقه

المشاركة الأصلية كتبت بواسطة besso

انتو كبرتوا الحكايه فى دماغى

طب انا كان نفسى اشترى موتوسيكل
وانا بعرف اسوق عجل
هاه اعمل ايه؟ انهى الافضل مع العلم ان الموتوسيكل هستخدمه فى كل حاجه. فهل العجله هتبقى مريحه زى الموتوسيكل

يعنى الوقت والصيانه وكده والمشاوير اصلى مجربتش اروح مشوار كبير بالعجله
وانا عندرى عجله كنت جايبها زمان وكنت بحرق بيها وبفرك وكل حاجه ههههههه
وعمرها ما باظت غير ان الكاوتش بيتخرم بس

دلونى...

ااكيد الموتسيكل اسرع وبيوفر وقت
العجله مش وظيفتها انك تروح بيها مشاوير
العجله بتروح بيها المشاوير بس الفايده الاولي ليها انك تحافظ علي صحتك
يبقي فيه مجهود رياضي يومي بتقوم بيه
انا اعرف شباب بيجولنا يشتروا قطع غيار
حياته عباره عن عجله
بيروح بيها كل حته واي حته
شغل بالعجله جامعه بالعجله
دول قربوا يروحوا الحمام بالعجله

فممكن تبدا الاول بمشاوير مش مهمه
وبعد كده تبتدي تتعود عليها لحد ما تبقي جزء من حياتك