الموضوع: النوبيرا مش راضيه تقفل بوقها..ارجو المساعده

العربيه كل لما اصلح فيها حاجه تظهر حاجه جديده ..لدرجه اني والله كرهتها ..بقالي اكتر من شهر بصلح فيها واستنزاف وقت وفلوس ومجهود ..

لو تفتكرو موضوعي بتاع http://www.nilemotors.net/Nile/182663-a.html

النهارده انا لسه مغير المقصات لمقصات اسباني ..وبعد لما غيرتها لقيت نفست صوت الطقه بيطلع من تحت رجلي لما امشي في طريق مش متسفلت
روحت اضبط الزوايا عند هنتر اللي في كوبري القبه وقولتله على صوت الطقه ..كشف عليها وضبط الزوايا ورا وقدام وقالي ان العفشه والمقصات سليمه ..وقالي انه لقى القنطره مهويه وربطها واخد 50 جنيه !!!! (اول مره في حياتي ادفع 50 جند في ضبط زوايا ) المهم اخدت العربيه وجربتها ولقيت نفس الصوت ورجعت للميكانيكي وخليته يجربها ..وبعد لما سمع الطقه قالي دي من القنطره وقالي انها ممكن يكون فيها شرخ (بسبب المطبات ) وقالي اجي بكره وهيكشف عليها

قولولي يااهل الخبره ايه الحل ؟؟ وايه نظام القنطره دي وهل بتتغير ؟؟ وايه الضرر منها

ده غير ان خرطوم الباور (الكبير ) ضرب عندي والزيت بينقص ..لو حد يعرف سعره ياريت يقولي

طيب انت ليه محير نفسك كده لازم تروح عند حد كويس وبيفهم
لان كده مهما عملت برده هاتلاقى حوارات كتير فى العربية
لازم تروح عند واحد امين يعرفك بالضبط فيها اى

بدام انت فى حدائق القية روح عند ورشة مصطفى هو كويس وامين
ووريله العربية واسمع منه ومش تعمل حاجة غير لما تستشير برده الخبرة فى المنتدى