صيانة ال5000 للبرافو

**dodger111** · 30-09-2010 01:53 AM

السلام عليكم ورحمة اللة

بجد التوكيل زبااالة..رحت امبارح معاد حجزى 9 و تلت و اعدت شوية طلع معايا مهندس خالد جرب العربية..انا كنت بشتكى من(زن عند الكاسيت و زن عند الجنين اللى عند الحزام-وتزييء فى حسم العربية من الجنب لما اخد مطب-والتعوييم-الفرامل والتيل بيصفرو والكاوتش بيعمل صوت مع الاسفلت)نقول كفايا كدا دى الحجات الملحوظة مع ان كان فى مشاكل فى التكييف بس مش بتظهر غير فى اوقات معينة

المهندس جربها سمع الزن و جرب الفرامل قال كويسة!!! مع ان لما خلصت صيانة لقيت دى الحاجة الوحيدة اللى حسيت انها اتعملت..والعربية عومت منو وهو ماشى قالى دة عادى عشان معندكس جنوط!!

العربية قلتلو على الملاحظات اللى كتبتهالكو دى فقالى متقلقش انا هظبطلك كل حاجة وطلعت فوق فى صالة الانتظار..معاد خروج العربية 12 و تلت و هى دخلت 11 و تلت ..خرجت من التوكيل 8 و نص بليل...ودفعونى 100 جنية!! ومحدش قالى ان فيها فلوس ..عشان فك وتركيب الكاسيت و ظبط زوايا والمهندش مقاليش ان هيعمل ظبط زوايا و بفلوس

المهم بعد ما بهدلو العربية بهدلة تمام يعنى وجربوها فى المطبات والموتور لما استلمتها كان مولع نااار والتكييف كانو سيبينو على 4 ...صلحوا اية بقى؟؟؟؟ التزييق سمعتو للمهندس وهو مروح معايا دى اول حاجة مع ان كان بيقولى دى اول حاجة صلحناها..وصوت الزن اللى فى الكسيت موجود واكتر اللى اخد علية فلووس..وزن اللى فى الجنبين زى ما هو..الفرامل بتعمل صوووت و بقى فى صوت فى الدواسة نفسها لما ادوس بس مش باين..والغريب ان مفرود فى صيانة ال5000 بيزودو الزيت والكلام دة فتحت الكابوت لقيت كل حاجة زى ما هى واللى كان ناقص زى ما هو ناقص..حسبى اللة ونعم والزكيل

**Dr. Halawa** · 30-09-2010 04:01 AM

يا رب يتغيروا فعلا على أول االسنة

**yoko** · 30-09-2010 07:07 AM

إيه ده دول بيستهبلوا بس فعلا الزوايا ب100 جنيه

**CryptonX** · 30-09-2010 09:46 AM

عادي جدا . دنت كدة برنس كمان و طولوا معاك !

معرفش ليه لغو مركز امير و جوزيف الي مدينة نصر انضف الف مرة و اكتر احترافية رغم انه اضيق .

الصيانة الوحيدة المحترمة الي عملتها لعربيتي كانت هناك .. اي نعم هم ماعملوش اي حاجة غير شيك اب كامل على العربية و اي مشاكل عندي بس الموضوع اخد 45 دقيقة كما ذكرلي المهندس هناك و شرح وافي لكومبيوتر ال obd ده و لا اسمه ايه وايه وظيفة كل حاجة و ايه الاعطال و لا كاني باخد درس خصوصي عنده ... وربط عفشة و مدفعتش شلن واحد !

بس للاسف يوكو قالي انهم مبقوش معتمدين ... و من كام يوم عديت لقيتهم شاله فعلا علامة فيات( كان فيه علامة كبيرة جدا بالوجو الجديد لفيات فوق المركز ) .

تاني انضف ناس بعدهم كانوا النيل الهندسية قبل مافرع جسر السويس بتاع اوماترا يفتح ... بصراحة هما طولوا جدا معايا بس على الاقل كنت اعرف 2 هناك كانوا معايا في الجامعة و ظبطوني .. و اتغيرت حاجات في الضمان رغم انف مهندس التوكيل الي كان بيقول على " ماستر دبرياج " انه عيب استخدام في عربية عاملة 2500 ولا 3000 كم ! اقول ايه بقى مهندس نص لبة !