الموضوع: المال ام العلم ...........ايهما احق

المشاركة الأصلية كتبت بواسطة fadod

الكلام دة بس في مصر ، برة العلم ليه مميزات تانية خالص ..ودلوقتي ابتدي يكون في مصر ناس شغاله في القطاع الخاص وبتعمل فوق ال-5000 في الشهر معاهم شهادة عالية ..

انا معاك ان برة مصر الى معاة شهادة هندسة دة حاجة تانية خالص .....اما بالنسبة للقطاع الخاص دة عامل زى كوباية الحظ وبواسطة كمان ويعالم لو الشركة خسرت مثلا يبقى عايزين يخففوا ناس كتير ....انا قريبى كان شغال فى شركة خاصة محترمة جدا جدا الشركة دية جات فى يوم وخسرت شوية صغيريين بالنسبة للارباح بتاعتها راحوا
بقة بالطريقة مشوة من الشغل مع انة ملهوش سبب فى الى حصل لانة الخسارة جت من الشركة مش منة وراح واشتغل فى شركة تانية المدير بقة الى كان واقف علية مش طايقة راح مشاةوبعدين راح لشركة تالتة واهة ماشى الحال بالعافية معاة

المشاركة الأصلية كتبت بواسطة dr_mido

اة العلماء ورثه الانبياء فى كل حاجه معامله وماديات و ادبيات وكل حاجه

مرتب الدكتور على معرف يعنى 220 جنيه القهوجى بياخد مابين 600 جنيه ومابين 800 جنيه

احد المطربين اللى مش عايز اغلط فيه خد حوالى 220 الف جنيه فى ساعتين غناء عندى فى الجامعه يعنى خد تقريبا مايوازى مرتب 100 دكتور بيطلع عينهم 30 يوم فى لشهر فى ساعتين هز وسط

مرتب الدكتور دة حكاية يعنى راجل متعلم جداا ويتعامل بالطريقة دي فى الزمن دة بصراحة حاجة تضايق جدااا
ونشوف الناس بتاعت الهلس بياخدوا قد الى بياخدو الدكتور والجامعة كلها دة بس عشان طلع قال فى المايكرفون بحبك انا والى يضحك انة فى الاخر يقولك الحمد للة انة ربنا وفقة (هو ربنا بيوفق الوحد فى المعصية !!!! )

المشاركة الأصلية كتبت بواسطة m.almaghraby

انا لو معايا مليارات و جاهل

حكره نفسي اشد الكره طبعا

الحمد لله علي نعمة العلم

طب انت معاك علم تمام وشىء كويس جداا بس العلم الى بندرسة فى مصر مفهوش تقدم واساليبة تقليدية للغاية ومفيش ابتكار ولا ابداع والعلم بقة عامل زى وسيلة نجاح عشان تخلص جيشك وتلاقى مثلا مدير فى شركة ولا صاحب شغل واقف عليك على الواحدة ومش معاة نص الشهادة الى معاك و لقيت ان الحياة قفلت معاك هيا مش قسة انك جاهل (حكم النفس على النفس وحش )
بالعكس دة فى ناس مدخلتش مدرسة ودماغها دية بصراحو بسم اللة ما شاء اللة فى التجارة
هيا قسة الشهادة الورقية الى بتستنى 16 سنة عشان تاخدها وفى الاخر مش بتلاقى المجهود الى انت عملتة طول حياتك

المشاركة الأصلية كتبت بواسطة dr_mido

شهادتى هعلقها فى صالون بيتنا واتعشت على كدة انت اما بتتسئل بتتسئل هتجهز شقتك ازاى وشقتك فين ويافرحتى ببكالريوس ومفيش اى حاجه تنفع هيبقى الزبال احسن



كنت لسه بهرج مع واحد صاحبى دكتور بشرى هو بقله البلد اللى الرقاصه فيها فى السنه بتاخد قد مرتب الدكاترة مجتمعين او على الاقل القهوجى باتنين دكاترة وكسر فى مرتبه

فعلا لو انت معاك اية مش هتلاقى الى يسال فيك ولا حتى هايبصلك على اكنك متعلم بالنسبالة 1جنية=جنية
لا الراقاصة دي اوعى دة ممكن فى الرقصة الواحدة تجيب جيوب الناس كلها

المشاركة الأصلية كتبت بواسطة a7med_pharma

أنا لو معايا مليارات ...
هشتري شهادة بفلوسي

هيا يعني الشهادات كانت عملت لينا إيه؟؟!!!!!!!!!

بلد تقرف أساسا

فعلا الفلوس بقت تقدر تمل حاجات مكنش الواحد يقدر يتخيلها مع انها حتت ورقة متتساوش بتعريفة بالنسبة لنظرنا اما بالنسبة للوسائل فهى تساوى اكتر ما كنا نتخيل

المشاركة الأصلية كتبت بواسطة horas3000

ما هو ده اصل المشكلة ان الشهاده مش دايما تساوي علم
و في الحالة ده صديقك عنده حق
المال اهم من الشهادة و بفارق كبير لكن عمره ما هيبقي اهم من العلم

العلم فى الدول الاوربية بيجيب فلوس عشان كدة بيستفادة بية انت عارف لو عرضت على الدول الاوربية دية كنوز مش هايفرطوا فى التكنولوجيا الى عندهم لانهم عارفين قيمتها اد اية وهيا الى هاتجبلهم الكنوز الى كانوا يحلمو بيها اما احنا فى دولة لا تعرف يعنى اية تعليم صحيح ويعنى اية نعمل ابتكار او فعلا نقدر الناس الى بتفكر
عشان كدة احنا عندنا الفلوس اهم لانة محدش هايبص علىالابتكار قد ما يبص على الفلوس الى تحقق كل احتياجاتة

المشاركة الأصلية كتبت بواسطة hazoom2006

بص يا باشا مصر دى حاله خاصة بره حاجة جوه مصر عكسها على طول

بره مصر العلم اهم جوه مصر المال اهم ومتقوليش رايح اخطب واحدة وانا متعلم لو ممعكش فلوس مش هتخطب خالص حتى لو كنت زويل التانى

اهة دة الى كنت بقولة ان فعلا برة طريقة تعاملهم مع العلم طريقة تانية خالص ومش عارف اية السبب وراء ان التعليم يوصل بالشكل دة مع انة اهم حاجة لية ميكنش فية حاجات الواحد يفرح بيها او ابتكار او اى شىء لية مايسعدوش الناس الى بتفكر صح او تخترع مع انة كدة كدة هايعود بخير كتير لو كان زويل التانى ممكن بس لو معاة شوال فلوس ههههههه

انا شايف ان مش شرط الواحد يكون أحمد زويل في العلم ولا ساويرس في الفلوس

ممكن برضه الواحد يكون متعلم كويس يعني بكلريوس مثلا او ماجستير
و يكون عايش علي مستوي كويس يقدر يعيش في مكان كويس و يركب عربية كويسة و يتفسح و يعيش هو و اسرته علي مستوي كويس.

مش لازم اكون احمد زويل في العلم و مش لاقي ااكل او ساويرس في الفلوس و مش متعلم

و انا مقتنع جدا ان لو الواحد اجتهد لازم يلاقي حتي لو في مصر و لو مرت سنين و ملقتش مقابل للمجهود لازم هتلاقي بعد كده يعني لو الواحد اجتهد في شغله و طور نفسه و في العلم لازم هيلاقي فلوس و برستيج.

مش افضل موظف مبعملش اي حاجة في حياتي و اروح اشرب كوباية الشاي الصبح و امشي بعد ساعتين و اقول هو انا ليه مش معايا فلوس و ليه و ليه وليه مع اني متعلم و خريج كليه محترمه.

ممكن الواحد يمسك العصاية من النص و يحاول يكون معاه الاتنين يعني تعليم كويس و فلوس كويسه