الموضوع: عملت صيانه 10000 ك -تكنو وان

المشاركة الأصلية كتبت بواسطة timtim77

الحمد الله روحت مركز تكنو وان-تكنو بوش عملت صيانة 10000 ك قابلت المهند س تامر والمهندس عمرو وللاسف المهندس احمد الشحات كان مشغول معرفتش اقابله وكمان كان فى مهندس فى الاستقبال رجل ظريف جدا وسالنى اذا كان فى اى شكاوى من العربيه بس بصراحه مش فاكر اسمه
بصراحه مقابله ممتازة من بدايه دخول المركز
هم ابتدوا فى العربية وانا قلت اطلع اشوف الاستراحه اللى كان الاعضاء بيشتكوا منها وبصراحه لقيتها استراحه نظيفه وممكن تشوف العربيه من فوق وهم شغالين فيها معرفش هم غيروا فيها حاجه عن زمان لما الاعضاء اشتكوا ولا هيه كده اصلا انا عن نفسى محسيتش بضيق قوى من الاستراحه رغم انى مقعدش فيها غير 10 دقايق فقط ونزلت تانى وممكن نديها تقييم 8 من 10
بالنسبه للعربية غيرت زيت شل هيلكس و فلتر وزودوا مياة خضراء وربطوا العفشة وتنظيف فلتر هواء و فلتر التكييف وقبل استلام السيارة م عمرو وصلها بجهاز كشف الاعطال والحمد الله كانت كل حاجة تمام
كان عندى صوت وم عمرو جرب العربية معايا ولكن للاسف العربية خافت ومظهرش الصوت خالص والراجل كان مطول باله معايا انما نقول ايه الحمد الله
طبعا نجم الشباك هناك كان ابو ليلى ربنا يديله الصحه والعافية ويصبروا على العربية وتتحل مشكله ان شاء الله كل الناس هناك عارفينوا كويس وعارفين موضوع عربيته وطبعا اقطعت فى فروة معاهم
انا مكملتش ساعه الا ربع واخدت العربية
الحساب كان عبارة عن 250 بندق تمن الزيت 33 فلتر مصناعية 150 بندق الاجمالى 433 جنية خصم نايل موتوز 20 % 30 جنية الاجمالى بعد الخصم 403 جنيه
ملحوظه صغيرة اثناء الحساب كان المحاسب عامل خصم 10 % فقط ولما قلتله اتاكد انهم 20 مش 10 راجع على الكمبيوتر وقاى اه فعلا هم 20 % وعمل الواجب
شكرا نايل موتورز شكرا كريم منير شكرا تكنو وان
اتمنى لكم دوام التوفيق والتقدم
اه كمان شكرا للوكيل انك مدخلتش العربيه عندك علشان نتعرف على ناس افاضل زى تكنو وان

الف مليون مبروك وعقبال يارب صيانه المليون ان شاء الله
كلام جميل وتقرير رائع بالنسبه لموضوع الصوت متشغلش بالك بيه لو ركزت اوي هتلاقي العربيه كلها اصوات زي صوت تكه الفتيس الي كان احد الاعضاء بيشتكي منها وبعد فك الكونصول وتشحيم الجزئ المسئول عن التكه برضه الصوت كما هوا وكان بيقول انه زاد كمان وعلى فكره التكله دي موجوده في كل السيراتو بس بنسب متفاوته منها المسموع ومنها المحسوس فقط
اشكرك على الكلام الجميل الي حضرتك كاتبه عني واشكر بالنيابه عنك المهندس احمد عبدالمعبود (اعتقد نسيت اسمه ) هوا الي استقبل حضرتك
بفرح اوي بالتقارير الي بتشكر في المركز بترفع من روحي المعنويه

المشاركة الأصلية كتبت بواسطة raedegypt

اعتقد ان موضوع الصيانه فى اول سنتين مربحه جدآ لاى شركه لما يغير لك زيت وفلتر ويقول لك 450 ج وطبعآ جنبها شويه شغل لزوم البسزنس يعملك مهم ويربط كام صاموله ال يعنى ويوصلك بجهاز الاعطال والعربيه اصلآ شغاله واصله لغايه عندة ومالهاش لازمه دة غير الدخان والسؤال وانا مش خبير فى مصر لو غيرت الزيت والفلتر بنفسك برة كم تدفع؟؟؟؟ وفلتر التكيف مش قصه لما بتاع الزيت ينفخه بالهواء ال عندة

اعتقادك مش في محله خالص لانك اولا العميل وهوا رايح التوكيل او مركز الخدمه عنده كم اسئله واستفسارات كتير جدا (مين هيجاوب عليها في البنزينه )
ثانيا الموضوع مش زيت وفلتر بس زي ما حضرتك متخيل جهاز كشف الاعطال تمنه ب 24000 جنيه ولو عالزيت والفلتر انا شفت عربيات طبه الزيت مفوته من الحل والرباط السئ جدا لانه ببساطه بيغر زيت في اي حته
ثالثا دخان ايه حضرتك رحت توكيل قبل كده هوا حد بيطالبك انك تدفع مليم زياده غير الفاتوره
انا معاك ان فلتر التكييف مش قصه بس هوا بند صغنن جدا من بنود الصيانه وملحوظه كتير جدا في السيراتو بالذات كانو قبل الصيانه بيشتكو من ضعف التكييف وبعد ما الفلتر اتنظف بيكون راضي تمام عن اداءه وكمان احيانا بيكون ناقص فريون وبنزوده اعتقد ده مش هتعمله بنفسك لازم عند متخصص تكييف
رابعا حضرتك اغفلت ان التوكيل او المركز بيكون فيه مهندس استقبال ومهندس ورشه وميكانيكي وكهربائي وسمكري احيانا كل دول بيشتركو في الصيانه ولو حتى بالمشوره او الرأي
خامسا صيانه ال 1000 و 5000 وال 10000 كم من وجه نظري كلها صيانات خفيفه من ال 20000 كم وال 40000كم الصيانه بتكون متوسطه لكبيره يعني لما تغير زيت فتيس وفلتر زيت فتيس وفلتر بنزين وطقم بوجيهات وفلتر هواء ده غير الكشف على التيل الامامي والخلفي ومعاهم الزيت والفلتر ( الموتور ) وكيد لا يخلو الامر من بعض الشكاوي من اصوات العفشه يبقى اكيد حضرتك محتاج على الاقل لمركز خدمه او توكيل
سادسا حضرتك مش بتروح تعمل صيانه كل يوم ده كل 10000كم يعني كل 3 شهور لو حضرتك بتمشي 100 كم في اليوم وده معدل كبير جدا في ناس بتعمل بالكتير 30 كم في اليوم يعني لو قولنا المصنعيه مثلا 150 جنيه على 3 شهور حضررتك بتدفع جنيه ونص في اليوم ثمن الصيانه بس المهم انك تكون مطمن ان عربيتك تمام

المشاركة الأصلية كتبت بواسطة yasso0101

انا بتفق معاك في حاجه ان الصيانات الثقيله هيه بس اللي بتبين الشغل عامل ايه

حد عمل صيانه 20 الف او الثلاثين الف في تكنو وان

في تقريرين عن صيانه ال 20000كم اتكتبو عن المركز
طبعا عندنا عملنا صيانه 40000 كم كمان للسيراتو والموضوع بسيط