- المساحة الداخلية للركاب صغيرة.
2-قطع الغيار غالية وغير متوافرة بالخارج بشكل كبير.
3-التوكيل اسعاره مبالغ فيها جداً.
4-مش اي ميكانيكي ممكن يبدع فيها بس طبعاً طبعاً هيقولك انا محترف.
5-موتور 1000cc يعني لو 4 أفراد وتمشي في الشوارع عادي ومشغل التكييف أكيد أكيد هيبقي الموضوع فيه جرافيك.
المميزات
1-موفرة جداً جداً في البنزين لانها 1000cc و كمان injection.
2-نسبة استجابة العربية ممتازة من تسارع وفرملة.
3-مساحة الشنطة ممتازة بالنسبة لحجم العربية.
4-الثبات علي الطريق معقول (أفضل من الكوري).
حضرتك متأكد انك بتتكلم على التريوس 99 - 2000 !!!

اول نقطه موتورها 1300 سى سى وليس 1000 سى سى مفيش اصلا تيريوس موتورها 1000 سى سى !!!

تانى حاجه نسبه استجابه العربيه عاديه فى التسارع والفرمله .. انا شايف انها حتى التسارع بتاعها مش حلو اوى اصلا ..

تالت حاجه حضرتك بتتكلم على الثبات فى التريوس 99 ؟؟؟؟؟ وبتقارنه بالعربيات الكورى .. يعنى معلش حضرتك بتقارن يابانى ب كورى اه .. لكن تريوس 99 بالذات اصلا الثبات بتاعها فى الضياع جدا جدا واسأل اى حد يفهم فى التريوس او ساقها وهتعرف يعنى ايه انها ثبات ضايع ده كفايه عربيه بالارتفاع ده وزنها 1045 كجم فقط !!! وبلاش نتكلم ان احنا هنركب كاوتش عريض عشان تبقى ثابته والكلام ده .. العربيه مش جيب عشان العفشه تستحمل اوى !


من رأى هيه حلوه جوه المدينه للنقط التاليه :
لأسره صغيره وشكلها حلو واقتصاديه بنزين وليس كقطع غيار و عاليه عن الارض لتفادى المطبات وحلوه لاى حد مش غاوى جرى اوى


اعذرنى بس انا الكلام ده كله قلته لانى كنت ناوى اشترى العربيه وفى الاخر حمد لله ربنا وفقنى وزودت الفلوس واشتريت نوبيرا ( وزنها فاضيه 1250 كجم ) وثبات ممتاز جدا ( كورى ) ثبات متستحملوش عربيه زى التريوس خالص !
وكلامى عموما لا اقصد بيه ان التريوس وحشه لكنى فقط حبيت اوضح نقط معينه عن ا لعربيه ..