اقتباس المشاركة الأصلية كتبت بواسطة RimonWagdy مشاهدة المشاركة
طيب طالما مافيش فرق بين الأصلى و ال kyb .... ليه حضرتك فضلت الkyb ؟؟
اولا لانهم يابانى و الاصلى كورى و ان كان فيه مجال اكبر للغش فى حوار الاصلى بعكس الـ KYB
انت كل ما تروح تشترى قطعة غيار لو البياع محترم يقولك عندى الكورى تقوله الاصلى يعنى؟
يقولك لأ هى كورى بس مش اصلى
ثانيا الاصلى عندى معمروش يعنى انا مغير المساعدين الاصلى فى النوبيرا و العداد عامل 60.000كم مع ان فى اللانسر مغيرهم وهما عاملين 150.000كم يبقى كدة معناة ان الاصلى فى النوبيرا مش بالكفاءة اللى تخلينى اجرى وراه و اقول هو احسن حاجة
ثالثا ان KYB مش شركة صغيرة بل بالعكس هى اصلا بتورد مساعدين لبعض مصنعى العربيات و بيستخدموها على انها المساعدين الاصلى زى مثلا رشاشات بوش او دينامو بوش اللى موجود فى الـBMW
اعتقد ان الواحد مع الوقت و بمساعدة الاعضاء هنا بقه عندة خبرة ايه اهم عيوب العربيه و ازاى تقدر تتفاداها. لان اى عربيه فيها عيوب بس لو عرفت تحلها مش هتبقى مشكله و الدليل على كدة كتير زى الرشاشات بتاعت الـ BMW اللى محمد ممدوح اكتشف انها احسن حاجة تناسب الدايو
و المقصات الاسبانىRemsa اللى احسن و اغلى من الاصلى وغيرها حاجات تانيه كتيررررررررر