بليزر موديل 1980

**ahmedeihab** · 21-06-2012 01:48 PM

المشاركة الأصلية كتبت بواسطة ahmed_nasr66

السلام عليكم
كنت عايز اسأل هو فى منتدى للبليزر انا مش عارف اوصله . لانى عايز اشترى بليزر وكنت عايز اعرف معلومات عنها وعن اسعار قطع الغيار لان ناس كتير بتخوفنى من قطع الغيار انها قليلة وبالتالى غالية هل الكلام ده مظبوط ولا لأ
ارجو المساعدة

قليله الكلام ده مش صح

انزل عند سيد فى مسطرد هتلاقى هناك عربيات متقطعه بلهبل

و اسعار قطع الغيار مش غاليه و فى متنوال الجميع و فى اى حته

شوف انت عايز ايه و نقولك اسعاره

^_^

**Ahmed_Nasr66** · 10-07-2012 08:34 PM

انا متشكر ليك جدا جدا على اهتمامك لكن انا رحت مسطرد وسألت ناس كتير عن صابر او سيد لكن ماعرفتش اوصل .
كنت عايز اعرف لو فى منتدى للبليزر ولا لأ علشان كنت عايز اعرف معلومات كتير عنها.
وعندى سؤال مهم :- ايه الفرق بين ال جى ام سى والشيفروليه الاثنين بليزر؟

**ahmedeihab** · 11-07-2012 02:10 AM

المشاركة الأصلية كتبت بواسطة ahmed_nasr66

انا متشكر ليك جدا جدا على اهتمامك لكن انا رحت مسطرد وسألت ناس كتير عن صابر او سيد لكن ماعرفتش اوصل .
كنت عايز اعرف لو فى منتدى للبليزر ولا لأ علشان كنت عايز اعرف معلومات كتير عنها.
وعندى سؤال مهم :- ايه الفرق بين ال جى ام سى والشيفروليه الاثنين بليزر؟

الاسم الصح شيفروليه ده شركه التصنيع

جى ام سى بليزر موديل العربيه

يعنى العربيه اسمها شيفروليه جيمس بليزر

^_^

**geo** · 22-09-2012 09:36 PM

قطع الغيار حتلاقيها في شامبليون عند حسن عبد اللطيف (امريكان ستار) او لو استيراد حتلاقيها في الوكالة عند اشرف الصعيدي...ابعد عن فوزى الخواجة لانه اصلا حرامى و عليه قضايا عشان بيجمع عربيات عنده و بيرخصها من المرور بورق مضروب... و بالنسبة للميكانيكا انصحك بميكانيني اسمه محمد الابيض في اول فم الخليج و لو عايز رقمه حديهولك

**ahmed_eng2001** · 23-09-2012 01:40 PM

المشاركة الأصلية كتبت بواسطة ahmedeihab

الف مبروك يا ابو حميد

انا كنت من ملاك البليزر ال k5 باب واحد

بجد عربيه متعه جدااااااااااااااااا و مريحه جداااااااااااااااااا جدااااااااااا

كفايه انك مش خايف من اى حمار ماشى فى الشارع اللى يدخل فيك يدخل مش مهم

لسه بايعها من قريب

لانى كنت اشتريت هوندا بريليود

اعلى عربيه فى الدنيا و اوطى عربيه فى الدنيا دلوقتى ابتديت اعانى من المكروباصات الحمير اللى منطلقيش فى الطريق من غير عربجى يسوقهم

عندك سيد و صابر بتوع مسترد ناس فى قمه الاحترام و اسعارهم هايله جداااا جداااا

و عندك فوزى الخواجه فى فيصل بس اسعاره نار هو و سمير الامريكانى

عندى ليها حاجات كتير بس مش للبيع

لانى محتفظ بيهم للذكرى بعد عشره اكتر من 25 سنه مع الحاج و انا افشتها من بعده

ربنا يديك خيرها و يكفيك شرها

^_^

السلام عليكم

بالرغم من انى الى كاتب الموضوع بس ما اخدتش بالى ان فيه اعضاء ابدوا رايهم فى الموضوع بعد ما كنت نسيته

انا ليا بعض الاعتراض و الاتفاق مع حضرتك على البليزر بعد سنتين من امتلاكى لها ..

العربية بعيدة تمامة عن الراحة و النعومة ... العربية ناشفة جدا جدا ...
انا كنت بحب البليزر الكى 5 .... دلوقتى حضرتك تقدر تقول ... متعلق بيها ... مش بفكر انى ابيعها
لو ربنا كرمنى بفلوس .. ممكن اجيب عربية تانية ... بس مش بفكر ابيع البليزر
انا اشتغلت فى الميكانيكا بتاعتها بنفسى
و كنت سعيد جدا و انا بشتغل فيها
موضوع الحجم الكبير مفيد جدا احيانا .... و سيئ جدا احيانا اخرى

و فى نفس الوقت ساعات كتير بكون مكسل جدا

فوزى الخواجة و سمير الامريكانى ... مش كويسين .. و مش بروحلهم الا مضطر

انا شاكر ليك مشاركتك

**ahmed_eng2001** · 23-09-2012 01:51 PM

المشاركة الأصلية كتبت بواسطة ahmedeihab

الاسم الصح شيفروليه ده شركه التصنيع

جى ام سى بليزر موديل العربيه

يعنى العربيه اسمها شيفروليه جيمس بليزر

^_^

اسمحلى اخى اخبر حضرتك عن الى اعرفه عن الموضوع ده .... من مهندس كان يعمل فى جينرال موتورز فى امريكا

شركة جنرال موتورز من اكبر الشركات الامريكية بصفة عامة ... و هى تمتلك شركة شيفروليه و شركة بويك و شركة اولدز موبيل و شركة كاديلاك ... و بعض شركات السيارات الاخرى

جنرال موتورز هى العقل المدبر لكل هذه الشركات .. و هى ايضا واضعة السياسات العامة لكل هذه الشركات
من الحاجات الى جى ام سى بتعملها ( و ده اسمها المختصر ) انها بتاخد عربيات من على خط انتاج اى شركة و تضع عليها علامتها الخاصة ... جى ام سى

فى حالة البليزر .... بتاخد بعض العربيات من على خط انتاج الشيفروليه و تحط عليها علامة جى ام سى ... اما العربية من الداخل ... هى هى الشيفروليه

**ahmed_eng2001** · 23-09-2012 01:54 PM

المشاركة الأصلية كتبت بواسطة geo

قطع الغيار حتلاقيها في شامبليون عند حسن عبد اللطيف (امريكان ستار) او لو استيراد حتلاقيها في الوكالة عند اشرف الصعيدي...ابعد عن فوزى الخواجة لانه اصلا حرامى و عليه قضايا عشان بيجمع عربيات عنده و بيرخصها من المرور بورق مضروب... و بالنسبة للميكانيكا انصحك بميكانيني اسمه محمد الابيض في اول فم الخليج و لو عايز رقمه حديهولك

بعد اذن حضرتك ......

انا عاوز اعرف فين الناس بتوع مسطرد !!!! انا محتاج اشترى شوية حاجات لعربيتى و اسال عن حاجات تانية

و فين الميكانيكى ده و ياريت نمرة تليفونه لو سمحت

**MaNoLa** · 02-11-2012 03:47 PM

دخلت أرد بس لأنى بحب العربيات الحلوة دى
لقيت عربيه موديل 1989 و كانت K5

مكتوب فيها بالنص الأعلانى كدة
شيفروليه بليزر K5 موديل 89 لايت بار غرز زجاج كهرباء فرش جلد
تحتاج ضبط الانجكشن

لمنطقةمدينة نصر، القاهرة
السعرجنيه مصري 35,000

و رقم صاحب الأعلان 01115111495

طلع سعرها كويس أوى و كمان شكلها حالتها نضيفة من بره لأنى لما بشوف عربيه الموديل دة بشوفها طالع عينها لكن دى شكلها بتلمع و فيها جنوط

و بعد الفصال ممكن توصل لـ 32 ولا حاجه

**MaNoLa** · 02-11-2012 04:08 PM

صورة تانيه لقيتها تحسسك كدة أنها مقطورة مش عربيه

**ahmed_eng2001** · 02-11-2012 05:44 PM

مواصفات العربية الى حضرتك ذكرتيها كويسة جدا .....
بس فتيس الغرز شغال و لا لأ ؟؟ فيها تكييف و لا لأ ؟؟
و حالة الموتور عاملة ايه ؟؟ فيها فتيس اوتوماتيك و لا مانيوال
فى الغالب دى اهم حاجات لازم يتبص عليها فى البليزر .... ده غير حالة الصالون الداخلية
اما عن التظبيط الخارجى .... انا شفت عربيات على النت شكلها تحفة
انا ركبت عتب حديد جانبى و اكصدامات حديد امامية و خلفية
و ان شاء الله حعملها قفص حديد من الخارج

الموضوع: بليزر موديل 1980

LinkBack

أدوات الموضوع

عرض

-

-

-

-

المواضيع المتشابهه

عايز اركب بليزر موديل السبعينات

شيفروليه بليزر موديل 1997 اوتوماتيك,فابريكة....استخدام السفارة الامريكية.نادرة.

مطلوب شيفروليه بليزر 1980

بيع بيجو 504 Sr-موديل 1980

رينو 18 موديل 1980

الكلمات الدلالية لهذا الموضوع

المفضلات

المفضلات

ضوابط المشاركة