واحد عايز يلف عربية هدية زي كدا مثلا
المطلوب افكار شيك، بسيطة، ومش مكلفة..حد عنده افكار يقول لنا نعملها ازاي وعند مين والسعر التقريبي لو ممكن
أنا اقترحت عليه يروح لبتاع ورد ممكن يلاقي عندهم حاجات تتعمل
عرض للطباعة
واحد عايز يلف عربية هدية زي كدا مثلا
المطلوب افكار شيك، بسيطة، ومش مكلفة..حد عنده افكار يقول لنا نعملها ازاي وعند مين والسعر التقريبي لو ممكن
أنا اقترحت عليه يروح لبتاع ورد ممكن يلاقي عندهم حاجات تتعمل
مش مكلفة :dzey:
يعنى جايب العربية ومش عايز تكلفة عالية للف الهدية :10D5C8w1107:
انا عندى افكار حلوة بس مش عارفة اشرحها بصراحة:B4_033:
يقصد مش مكلفة يعني آخرها 150 او 200 جنيه..مش الأرقام الغريبه إللي بنسمعها..هي الفيونكات الكبيرة دي بتتباع فين في مصر؟؟؟؟؟ أنا وجهة نظري فيونكة كبيرة على الكبود أو السقف هاتؤدي الغرض..ولا ايه؟؟؟؟
اى واحد بتاع ورد شيك ممكن يعملك الفيونكة دى
مافيش جاهزة!!! عموما أنا شاكر ليك
أنا جت لي فكرة تانية..يحط مفاتيح العربية في ميدالية شيك وفي علبة شيك..علبة صدف مثلا..وشكرا على كدا
المشكلة إن الشخص دا رومانسي حبتين وجايب العربية لمراته..وبصراحة أنا خايف الفيوتكات تعمل فضايح في الشارع ويتحسدوا ويطلقوا :-)))))))
ممكن يعمل قلب من الورد عالكبوت لونة احمر كبير
سلسله مفاتيح شيك عليها اسمها او حرف من اسمها و علبه محترمه و خلاص
اى حاجه تانيه هتبقى ملفته جدا و بعدين هو عايز يعمل حاجه لمراته مش لازم الناس كلها تعرف ؟؟
بس لوعملها كدةيا شريف هتبقى رومانسية اكتر و هتفرحها اكتر كمان
هقولك علي فكرة
بس يا ريت مايعملهاش :)
علبة زي بتاعة الخواتم والسلاسل
ويحط فيها مفتاح لقفل ( مفتاح مصدي )
ولما تلاقي المفتاح وتتصدم ... يجيبلها العلبة التانية ويكون عليها قفل مصدي برده ( بتاع المفتاح ) هي هيجيلها أكتئاب ... تفتح القفل ومنه العلبة تلاقي مفتاح العربية :) ويكون متزوق حلو وكاتب ورقة رومانسية
يطلعوا يوريها العربية
يكون بوكيه الود علي الكبوت وورد علي البيبان
بعد اللي حصل في الأول ولغاية ما تلاقي العربية ... هيجيلها صدمة... تحبه أكتر :)
واحد ساكن في مجره درب التبانه
حيقول ايه غير كده
افكار فضائي فضائي يعني
افرض طلعت عصبيه ومن اول قفل مصدي راحت مطلعه الطبنجه بقي
وطااخ
يعملوا فيك ايه
:) :)
اسمع بقي
حيشتري عربيه صغننه بالريموت كنترول
ويزوقها عند اي واحد بتاع هدايا ويربط فيها المفتاح
وكارت فيه كلمتين حب
ويخليها في اي اوضه ولا حاجه ويشغل العربيه
حتروح العربيه رايحالها وفيها المفتاح
تقرا الكارت
يغمن عليها
يشيل بقي مش هوا بتاع مفاجات
يجبلها تورتة ويخبى المفتاح جواها ويديها الحتة اللى فيها المفتاح....بس اوعى تبلعه :)
شكرا يا على الأفكار..بس أنا عندي سؤال خارج الموضوع..ليه الرجالة لما بتكلم عن الرومانسية بياخدو الموضوع بشيئ من الاستخفاف..او نقول الهزار؟!!!!!
يمكن حضرتك تقصدني ؟
كفكرة رومانسية نفسها فأنا لا أستخف خالص
بس في الوضع ده مش رومانسية ولكن مفاجئة
المفاجئة لازم يكون فيها نوع من الحاجة الغريبة اللي لا يمكن تتوقعها
الرومانسية بقي بعد المفاجأة وتجرب العربية وكدة
انما وقت المفاجأة نفسه مينفعش فيه رومانسية ( معلش في اللفظ بحسها شحاتة )
فعلا احسن حاجة انه يديها المفتاح في ميدالية شيك بس اهم حاجة انه يكون مفأجاة كده هتفرح اكتر لكن موضوع لف العربية كهدية ده مبيحصلش عندنا في مصر وهيلفت نظر الناس والناس عندنا مابيصدقوا يتكلموا علي اي حاجة وانا لو مكانها مش هبقي عايزة حد يعرف حاجة خاصة زي دي وربنا يوفقهم
1+
او بسيناريو اخر
يتعشوا فى مكان رومانسى ويكون سايب العربيه الهديه فى بارك المطعم او قريب منه وهما خارجين يديها المفتاح...
بس... معرفش ممكن يغمى عليها ولا حاجه :F_eyeb1[1]:
من غير لف ورود ولا حاجه بس يركنها فى مكان فى اضائه حلوه... لما يكون جايلك عربيه هديه مش هتبص على ورود ولا قلب احمر ولا الكلام دا هتقول فييييييييين المفتاح :B4_007:
ميفهمش ايه معنى الرومانسية الا الشخص الرومانسى وانا كبنت واحط نفسى مكان الزوجة دى هحب انة يقدمها بشكل حلو ملفت دة بالنسبة ليا هيفرحنى قوى اكتر من العربية نفسها تقديم الهدية اهم من الهدية نفسها
ومش هفكر ساعتها فى الناس هفكر فى حبيبى اللى بيحاول بسعدنى الناس كدةكدة بتتكلم هقعد بقى اعقدنفسى عشان فلان وفلانة ولو خايفة لا نتحسد ممكن يعملها فمكان بعيد عن البيت
انا عندي فكره مش بطاله. يجيب ورد ويفرشه في العربيه من جوه وعلى الطابلوه ويكتب ورقه كده في كلمتين حلوين ويحطها على الطابلوه. ويغطي العربيه عشان ماتعرفش نوع العربيه وكمان ماحدش يشوف الي هو عامله (عشان في ناس مش لاقيه عربيه اصلا والحسد يشتغل يامعلم). ويعمل برضه موضوع الميدليه بحرف من اسم مراته او يعمل ميدليه مخصوص مكتوب عليها اسمها. وطبعا مع طريقة تقديم الهديه (دي الي يفرق فيها شخصية صاحب الموضوع).
وربنا يوفقهم ويسعدهم يارب.
تجربة شخصية
اول عربية جبتها لزوجتي
اول ما استلمت العربية وطبعا هي كانت مش عارفة اي حاجة
كلمتها ع الموبايل وقولتلها انا جاي دلوقتي .... بصي عليا م البلكونة وقوليلي ايه رأيك في العربية
طبعا هيا فاكراني باتكلم على عربيتي انا .... وتوقعت اني ركبت فيها زينة او حاجة جديدة
وطلعت تنتظر في البلكونة ..... واول ما جيت ع الناصية قدام البلكونة ..... انوار وكلاكسات بقى ....هي عارفة طريقة الكلاكس بتاعي .....مش عاوز اقولكم انها كانت ح تنط م البلكونة ..... مع انها كانت 128 مش زي اللي ف الصورة
لكن لغاية دلوقت مش ناسية اللحظة دي ودايما تفكرني بيها
انت اللي تقدر تختار الطريقة اللي تعجب الشخص اللي ح تهاديه .... اكيد انت عارف هيا بتحب ايه
لكن الفاجأة بتبقى عامل مؤثر جدا في هذه اللحظات
ببساطة ممكن تتعمل بنفس الطريقة دى
وتستبدل خامة الكرتون الابيض بقياس 40 * 40 سم مثلا
وتستبدل خامة الشرايط دى بفنيل شرايط احمر ( 200 سم * 10 سم مثلا ) ودا بيتباع بالمتر
ممكن تجيبه من عند خطاط - حد بتاع يفط فنيل وفليكس
وهتعمل نفس الخطوات دى " منقولة من الانترنت "
وجربها بردوا على مقاس صغير علشان تكون فهمت الفكرة ماشيبة ازاى
وهدايا سعيدة ان شاء الله :)
----------------------------------------------------
هذه طريقة عمل فيونكة بالخطوات
تحتجين شرايط ابرة وخيط وهذه الاشكال الي في الصورة اصنعيها من الكرتون او اي مادة
http://q8msk.com/imgcache/5112.imgcache.jpg
http://q8msk.com/imgcache/5113.imgcache.jpg
http://q8msk.com/imgcache/5114.imgcache.jpg
http://q8msk.com/imgcache/5115.imgcache.jpg
http://q8msk.com/imgcache/5116.imgcache.jpg
http://q8msk.com/imgcache/5117.imgcache.jpg
http://q8msk.com/imgcache/5118.imgcache.jpg
http://q8msk.com/imgcache/5119.imgcache.jpg
http://q8msk.com/imgcache/5120.imgcache.jpg
http://q8msk.com/imgcache/5121.imgcache.jpg
النتيجة
http://q8msk.com/imgcache/5122.imgcache.jpg
اعتقد فيونكه على الكابوت او السقف
وبعدين الناس اللي بتقول الناس هتتكلم معلش يعني هتتكلم تقول ايه بالظبط
واحد جايب هديه لمراته مال الناس بقه اسف يعني توووووووووووووز في الناس بجد اللي هتقرفني في عيشتي وهتخليني مش عارفحتى افرح مراتي وافرح معاها
طالما مبعملش حاجه حرام ولا عيب ايه المشكله يعني مش فاهم
وفعلا دي حاجه جميله اوي
كنت لما بشوف عربيه ملفوفه كده وعليها سحب علشان حد يكسبها بنقعد نقول مين المحظوظ ده والموضوع بيبقي مثير شويه "مع اننا عارفين انها اشتغاله"
هو ممكن يعمل كده ويوقفها في أي مكان عند مطعم كويس ويعزمها فيه وطبعا العربيه هتلفت نظرها وهم داخلين ويتكلمو عليها شويه وكده ، وهم خارجين بقي يقولها ويديها المفتاح مع شويه أكشن
المهم عايزك تعرفني علي صاحبك ده علشان عيد ميلادي قرب
و يحجز معاد عند دكتور علشان لما سنانها تتكسر يقولها "متقلقيش يا حبيبتي عامل حسابي" ،،، ويا سلام بقي لو كانت بتتقرف هتقوم ترجع عليه في ساعتها :))
مش لازم تليفهالى هديه انا راضى بيها كده
خدو دي
يعزمها في مكان حلو وهما نازلين يركبو عربيته ييجي يدور يلاقي العربيه مش بتدور(يبقي يشيل قطاش البطاريه مثلا)
يحاول ويحاول ويحاول لكن العربيه مش راضيه تدور
ياخدها ويروحو تاكسي ويتعشو ويروح يبع العربيه ويعيشو في سابت ونبات ويخلفو صبيات وبيات وبتمن العربيه يعزمها كل اسبوع علي خروجه حلوه مدي الحياه
لا بجد لما العربيه مش هتدور يقوم واخدها ويروح علي عربيتها ويقولها كلمه حلوه ويخليها هي اللي تسوق ويديها العديه ويطلع ينام بقي