السلام عليكم ورحمه الله و بركاته
الفيديو دا لمخترع محركات للسيارات باقل استهلاك ممكن للطاقة
الراجل دا الى عرفوا يوصلوا له اكيد صفوة اى اعدموة
اسيبكم مع الفيديو
[youtube]http://www.youtube.com/watch?v=T8WZD11alb0[/youtube]
السلام عليكم ورحمه الله و بركاته
الفيديو دا لمخترع محركات للسيارات باقل استهلاك ممكن للطاقة
الراجل دا الى عرفوا يوصلوا له اكيد صفوة اى اعدموة
اسيبكم مع الفيديو
[youtube]http://www.youtube.com/watch?v=T8WZD11alb0[/youtube]
جامد جدا ومع شويه تعديلات من المصانع المنتجة للسيارات هيبئا حاجه خرافه
فية حاجة غلط
الطاقة بيتم تحويلها من نوع الي نوع
يعني من طاقة حرارية الي كهربية او من طاقة كهربية الي طاقة حركية
انا مش فاهم هوة جاب الطاقة منين ؟؟ يعني اي مصدر الطاقة اللي شغل بيها الالكترو ماجنيتيك موتور اللي قدر بية يولد 120 فولت يشغل بيهم موتور كهربي
و بعدين انا مش مقتنع ان عمر المحركات الكهربية ما تحل محل محركات الاحتراق الداخلي (البنزين) لان عمرها ما حاتقدر توفر العزم و القوة اللي بتوفرها محركات البنزين
يعني سيارة كهربية دي لشخص واحد او شخصين و خفيفة و صغير (سيتي كار) لكن قوة و سرعه و حمولة و سفر مسافة طويلة لأ مش حاتقدر
لان في الاخر دي موتور غسالة
من واقع التجربة محركات الكهرباء تقدر تكتسح محركات البنزين فى الاداء بفروق خرافية , لكن المشكلة حتى الان تكمن فى المساحة المستغلة من البطاريات ووزنها والمدى القصير اللى تقدر تمشيه العربية بدون شحن
يكفى انك هتستخدم محرك بيديك كامل القوة والعزم من لفة واحدة فى الدقيقة ( 1 rpm ) وبدون فتيس يزود الوزن ويضيع الوقت بين النقلات ومعاك لحد عدد لفات مكنش نحلم بيها يوصل ل 20 ألف لفة فى الدقيقة زى عربيات الفورميلا 1
ايوة انا معاك ان موتور زي موتور مترو الانفاق يأدي أداء جبار
بس حاتجيبلة كهرباء منين دة
حاتمشيلة كابل فوق الشوارع ؟؟؟
انما مواتير الغسالات اللي هيه تقدر تشغلها بدينامو او بشحن طاقة شمسية دي أدائها ضعييييف
تصدق الحل يبقى في مفاعل نووي صغير بدل موتور العربية
و تبقى الاجيال القادمة نيوكلار كارز ههههههههه
هو دلوقتى الشركات بتعمل محركات بنزين صغيرة بجانب الكهرباء تشحنه ويبدلوا مع بعض لتحقيق مدى اطول للسير
او لسه امبارح جاجوا منزله كونسبت جديدة فيها توربينتين من تطوير بريطانى بيشحنوا البطاريات ل 4 مواتير كهرباء كل واحد فيهم راكب على عجلة والمحصلة اداء من 0 ل 100 كم فى 3.4 ثانية ومن 0 ل 160 فى 5.5 ثانية وسرعة قصوى 300 كم فى الساعة , حتى التسارع من 0 ل 300 فى حوالى 15 ثانية واسرع من الفيرون بثانية كاملة
والمدى بتاع البطاريات 400 كم وهو يعتبر مدى خرافى اساسا ويعادل تانك بنزين بس هو الفرق انك هتمون بنزين فى بالكتير 10 دقايق لكن البطاريات دى هتاخدلها مش اقل من 6 ساعات شحن علشان تمشى نفس المسافة تانى
المهم ان المواتير الكهرباء هى اللى جاية خصوصا انها طاقة رخيصة ونقلها سهل لأى مكان ومتجددة بعكس محركات الهيدروجين اللى تكلفة تطويرها مرتفعة ومحطات تزويدها مشكلة حتى الان
يعنى لو قصة شحن البطاريات دى اتحلت وبقت فى وقت كويس يبقى العربيات الكهرباء هتقطع حال البنزين والديزل
شكرا على المشاركة بس كنت اتمنى ان يكون ليك خبرة فى محركات الكهرباء و مولدات الطاقة علشان تقدر فعلا تقييم الفيديو
اولا الى قدامك دا مش ما تور غسالة
ماتور الغسالة يا باشا يا دوب بيقلب 5كيلو غسيل جوة الغسالة
مواتير الكهرباء يا باشا هية الى بيستخدموها فى عربات مترو الانفاق انت اكيد ركبت المترو و شفت مدى قوة مواتير الكهرباء
الماتور الى قدامك دا عبارة عن ماتور فى جهة و مولد كهرباء فى اخرة يعنى جزئ بينتج طاقة و جزئ بيستخدمها
كل الى احتاجة الراجل علشان العربية تدور و تمشى شوية طاقة خفيفة من البطارية الى موجودة فى العربية و موجودة فى عربياتنا كلنا
الخلاصة
الماتور بتاعة عبارة عن ماتور و دينامو فى نفس الوقت و يقدر يمشى العربية الى ما لا نهاية بدون الحاجة الى شحن
تخيل عربية بتولد طاقة حركتها بنفسها بدون ما تدفع مليم
محركات الكهرباء اقوى بمراحل من محرقات البنزين مفيش اى وجة مقارنه اساسا
و ماتور الكهرباء مش محتاج صيانه نهائيا ولا تغيير زيت ولا فلاتر و بوجيهات ولا اى حاجة زى مواتير البنزين
الخلاصة
دا ماتور تجيب لة بطارية عادية تقعد معاك 3 سنين و انسى ولا نقطة بنزين ولا زيت ولا صيانه ولا الهوا
ماتور خرافة و اكيد الى اخترعة تم تصفيته من شركات تصنيع السيارات العادية
او من اى جهة اخرى بتكسب من وراء البيع و قطع الغيار و الصيانه
لا يا باشا موتور الكهرباء عزمه شديد جداً واشد من الاحتراق الداخلي بكتير ودي ميزه فيه اصلاً
عارف الميتتسوبيشي i-miev الصغيره دي عزمها 180 نيوتن متر من موتور اد موتور الغساله وبطاريه اد تنك البنزين
ولو شفت الريفيوهات واراء السواقين المحترفين اللي جربوها كلهم عجبهم العزم
وميتسوبيشي عملت كونسبت اسمه px-miev 4x4 بموتور كهرباء علشان العزم بتاعه حلو
زي ما سبق و قلت ان موتور المترو بيبقى موتور قوي و عزمة شديد بس دة محتاج محطة كهرباء وراء منة (او كابلات ضغط عالي) زي المترو
انما الموتور المحكوم بحجم محرك سيارة و دينامو وبطارية دة حايبقى موتور صغير يختلف كلياً عن موتور المترو اللي استحالة يتوفر طاقة لتشغيلة في السيارة
ربما في المستقبل يمكن اختراع و تطوير مولدات اقوى و اعلى قدرة من الحالية ليمكنها توفير طاقة تسمح بمحركات كهربية اقوى و اكفأ
ودا فيديو تانى
[youtube]http://www.youtube.com/watch?v=6_41btVawMc[/youtube]
مش بالحجم
مثال
عندك اتنين شباب نفس السن و نفس الطول و كل حاجة
بس واحد منهم عبقرى و التانى بليد و ما بيفهمش او متخلف عقليا هل يستويان؟
العبرة مش فى حجم الماتور العبرة فى قوته و الغرض المطلوب الاستفادة منه
المترو كل عربية وزنها على الاقل 3 او 4 طن حديد
اما العربيات العادية وزنها ممكن 400 كيلو و باقى الوزن هو وزن الماتور البنزين و ملحقاته(ردياتير وتانك البنزين و خلافة )
و زى ما انت شفت الفيديو الراجل ركب العربية و مشى بيها عادى خالص مع انه مركب ماتور صغير و بطارية واحدة فقط و باقى الطاقة المطلوبة الدينامو المتركب مع الماتور بيقوم بانتاجها بنفسة
هل من مشارك بالرئى ؟
ولسه المستقبل يحتوي على الكثير والكثير بديل للمحركات التقليدية
انا شايف ان الموتور ده شغال علي نظريه الجزب و التنافر
بين اقطاب المغناطيس المختلفه يعني هوه ممكن يدور بالكهرباء في الاول انما هييشتغل لوحده بعد كده
بجد فكره اكثر من رائعه و مش عاوزين ننسي ان الموضوع لسه في اوله يعني اكيد هايكون فيه عيوب
و مع الوقت اكيد هايتسحن اكتر و اتمني اشوفه في الحقيقه قريب
بص يا باشا
ده الفيديو بس اللى اسمه غلط
ده المفروض يبقى اسمه variable magnetic field motor
و ده اختراع كويس بيتحكم في الار بى ام بتاعه الموتور بانه يتحكم فى الماجنيتيك فيلد بتاعه و ده مالوش علاقه بالماجنيتيك موتور اللى الموضوع بخصوصه
ده بالنسبه للفيديو ده
اما بالنسبه للموضوع فهو بصراحه مش داخل دماغى تماما
لانه نظريا و عمليا يكاد يكون مستحيل تحقيقه
لانك علشان تعمل موتور يلف بالنظريه دى علشان يشغل اى حاجه (مش عربيه كمان) كبيره هايقعد يلف شويه و بعدين لازم يقف و هو ما فيش عليه اى load فما بالك لو شغلت عليه حاجه
ثانيا علشان تستخدم موتور كهربا يطلع عزم عالى ما فيش قدامك غير ال DC serise motor زى بتاع مترو الانفاق و ده لسبب هام هو انه العزم اللى بيطلع منه عند ار بى ام قليل بيبقى عالى جدا و لما السرعه بتعلى العزم بيقل و علشان تستخدم الماجنيتيك موتور علشان يطلع كهربا (و بالمناسبه هو كده هايبقى مولد مش موتور) تشغل موتور تانى هاتحتاج حاجه اسمها AC to DC converter و دى باينه من اسمها علشان تحول التيار المتردد الى مستمر و تكون تستحمل التيار العالى جدا اللى هايسحبه الدى سى موتور فى بدايه الدوران هاتكون غاليه دا غير انها مشاكلها كتير
اسف للاطاله بس انا بصراحه مش مقتنع
فية فرق بين الطاقة المنتجة من الدينامو و الطاقة المستهلكة في الموتور, بين فقد في الطاقة او ان الطاقة المنتجه من الدينامو اساساً اقل من استهلاك الموتور
و بالتالي الموتور بيسحب الفرق دة من البطاريات
و لذلك كل السيارات التي تعمل بالكهرباء تحتاج الي اعادة شحن بعد ماتمشي 300- 400 كيلومتر بيكون الطاقة المخزونة في البطاريات قد نفذت في تعويض فرق الطاقة بين منتجه و مستهلكة
و مشكلة موتور قوي كموتور المترو هي في توفير الطاقة اللازمة لة في السيارة لان استهلاكه كبير جداً و يحتاج الي محطة طاقة بجوارة او كابلات ضغط عالي,
و لاحظ ان توليد الكهرباء يتم غالبا من مولدات تعمل بالديزل (الجاز) او الغاز (وان كان في بعض الدول بمفاعلات نووية) و هنا ينتفي الغرض لان من غير المعقول ان يتم توليد الكهرباء بحرق وقود الديزل ز ليتم نقلها ليعمل عليها محرك سيارة كهربي و نقول انة محرك يعمل بطاقة نظيفة بينما هو يتسبب في احتراق الوف لترات الديزل سنويا لتوليد الكهرباء التي تلزم لتشغيلة
الحل هنا في مفاعلات نووية لتوليد الطاقة الكهربية
و انا لازلت مقتنع ان ربما في المستقبل ربما سنرى سيارات تعمل بمفاعل نووي صغير مضغوط في كبسولة معدنية ذات سماكة كبيرة تعزلة عن اي مسببات للخطر من حوادث او حريق و تحمي مستخدم السيارة و من حولة من اي خطر لتسرب اشعاعي
فعلا فيديو رائع ومفيش انظف من كدا طاقة
وداعا للبترول وأسعارة
شكرا لكل من شارك
الغرض من الموضوع مش التفنية نفسها
الغرض هو توضيح انه يوجد حاليا و ايضا سيكون هناك مستقبلا مواتير موفرة للطاقة و تعمل باقل تكلفة ممكنه دون اى انبعاثات تضر بالبيئة او ترهق ميزانية مالك السيارة
لعلها نظرة حتى نتابع الجديد فى هذا الموضوع
و شكرا جزيلا لكل من شارك فية
ايوه يا باشا بس ديناموا السياره جواه الكونفرتر ده و جواه كمان voltage regulator علشان يخرج الفولت المطلوب لشحن البطريه لا ازيد و لا اقل (فى العربيات القديمه كان اسمها الكتاوت انما دلوقتى هى دايره الكترونيه بسيطه)
و بخصوص المارش بيشتغل من البطاريه فعلا بتيار مستمر و ده لانه دى سى موتور علشان يطلع العزم الكبير المطلوب لبدء محرك العربيه و فى الكام ثانيه اللى بيشتغلهم بيسحب كهربا عاليه من البطاريه حتة باماره انك لما العربيه لو مش راضيه تقوم و انت فضلت مشغل المارش لاكتر من 30 ثانيه هايتحرق لان بيعدى فى الملفات بتاعته تيار عالى
و علشان ما نخرجش بره الموضوع اوى دلوقتى فيه عربيات كتير بالكهربا و الشركات بتتنافس علشان تعمل سياره كهربائيه تشتغل كتير و تتشحن فى وقت قليل و لو الفكره بتاعه الماجنيتيك موتور دى بجد كانت الشركات هاتتسابق انها تطورها علشان اللى تعملها تقول انا اول وحده عملتها و لا ايه
ممكن نشوف عربيات كدة فى مصر
فية يا باشا منه قطار فى اليابان
http://www.phys.uri.edu/~tony/shanghi-2.jpg
[youtube]http://www.youtube.com/watch?v=VO8b2Zp_aW8[/youtube]
القطار المغناطيسي المعلق (بالإنجليزية: Magnetically levitating train) ،(بالفرنسية: Suspension train magnétique) أو ما يعرف اختصارا بالماجليف "Maglev" وهي اختصار Magnitic levitation، وهو قطار يعمل بقوة الرفع المغناطيسية. أي يعتمد في عمله على المغناطيس حيث أنه لا يحتوي على محركات ميكانيكية ولا يسير على قضبان حديدية فهو يطفو في الهواء معتمدا على وسادة مغناطيسية يعمل على تكوينها مجالات كهرومغناطيسية قوية، وتمتاز هذه القطارات بسرعتها العالية التي تصل إلى 550 كم \ساعة، (نظريا يمكن أن تبلغ سرعته 1700 كلم\س).
مبدأ عمل
عندما يكون لدينا مغناطيسين ونقوم بتقريبهما من بعض فإننا نلاحظ أنهما إما أن يتجاذبان (اختلاف الشحنة + - أو - +) أو يتنافران (تماثل الشحنة + + أو - -)، والتفسير لهذه الظاهرة هو أن كل مغناطيس يولد مجال مغناطيسي فيأثر به على الاخر، وبهذا نستطيع تعليق الأشياء. تم تطوير وتصنيع هذا القطار بشكل أساسي في ألمانيا واليابان.
إن أي قطار مغناطيسي في العالم مصمم وفق إحدى التقنيتين:
نظام التعليق الكهروديناميكي
نظام التعليق الكهروديناميكي (بالإنجليزية: ElectroDynamique System EDS) تعتمد هذه التقنية على قوى التنافر المتولدة بين مجالين مغناطيسيين يملكان نفس الشحنة لرفع القطار فوق سكة الحديد، حيث أنه تكون هناك مغناطيسات قوية مثبته في أسفل القطار تعمل على توليد أحد المجالات المغناطيسية والمجال الثاني يعمل على توليده مجموعة لفائف أسلاك من موصلات فائقة التوصيل تكون مثبته على جدران سكة الحديد الخاصة به. ولارتفاع درجة حرارة الموصلات تأثرا بالتيار الكهربائي فإنه يتم وضعها في أوعية من النيتروجين السائل (درجة تجمد النيتروجين السائل في الظروف القياسية هي 210 ْم).
بالنسبة لهذه التقنية، حينما يكون القطار يسير بسرعة منخفضة فإن التيار الناتج وتدفق الشحنات الكهربائية في اللفائف لا يكون كافيا لجعل القطار يسير في ارتفاع ثابت ولهذا السبب عمد مصممو القطار على تدعيمه بعجلات من الأسفل تساعده في الحفاظ على ثباته حتى يصل إلى السرعة التي تضمن سيره بثبات, ولكي يتحرك القطار فإنه يتم تدعيم اللفائف المعدنية المثبتة على جدران السكة بقوة متولدة من مجال مغناطيسي منفصل تأثر على المغناطيسات المثبتة أسفل القطار وتعمل على تحريكه والتحكم في سرعته.
نظام التعليق الكهرومغناطيسي
نظام التعليق الكهرومغناطيسي(بالإنجليزي : ectroMagnétique System (EMS)) هذه التقنية تعتمد على قوى التجاذب المغناطيسي، حيث تم لف الجزء السفلي من القطار والمحتوي على مغناطيسات تحت طرفي سكة الحديد، فتقوم المجالات المغناطيسية المتولدة برفع القطار عن السكة مسافة 15 ملم تقريبا مما يساعده على الحركة بسهولة، وتم دعم القطارات التي تستخدم هذه التقنية ببطاريات ذات قوة عالية تساعدها على البقاء في الهواء في حال فُقدت الطاقة على سكة الحديد حتى يتوقف بسلام.
نماذج
1- سلسلة قطارات (MLX01)
هي قطارات يابانية الصنع تعمل بنظام التعليق الكهروديناميكي (EDS)، وهي مكونة من خمس عربات تسير على خط اختبار ياناماشي الذي تم افتتاحه في سنة 1993 في مقاطعة ياناماشي. تم الانتهاء من صنع هذه القطارات ما بين سنة 1993 و 2002، وهو يتسع ل 78 شخص، وقد سجل أعلى سرعة للقطارات المغناطيسية والتي بلغت 581 كم \ ساعة.
هناك تصميمين لقطارات ياناماشي :
1-وتد الهواء.
2-الطرف المستدق.
2- سلسلة قطارات (MLX 01-901)
وتم تصميمها بهذا الشكل حتى يتم التقليل من مقاومة الهواء أثناء السير بسرعات عالية، ولكي يتوقف هذا القطار فقد تم تزويده بمكابح هوائية وهي عبارة عن قطع متحركة في أعلى القطار يمكن تحريكها للأعلى لتكون معرضة لمقاومة الهواء التي تساعد على تقليل سرعة القطار ومن ثم التوقف.
التطور التاريخي
• في سنة 1914 كانت ولادة القطار المغناطيسي ,حيث قام المخترع ايميلي باشليت (فرنسي الاصل المولود في أمريكا) بكشف الستار عن فكرة القطار المغناطيسي وعرض نموذج مصغر لطريقة عمله.
• في سنة 1943 نال المخترع الألماني هرمان كمبر براءة إختراع لاختراعه إحدى تقنيات القطار المغناطيسي.
• في سنة 1966 قام العالمان جيمس باول وقوردن دامبي بعرض أول نظام عملي لهذا القطار باستخدام موصلات فائقة التوصيل.
• أول مسار للاختبار شُيّد في مقاطعة ميزاكي, اليابان في سنة 1975 واستغرق سنتين ليتم بناءه وكان بطول 7 كم. وبعد ثلاثة أشهر تمت فيه أول تجربة باستخدام القطار ML 500
• في سنة 1979 تم اختبار الجيل الجديد من القطارات والمسمى ML 500 R في اليابان وقد سجل سرعة 517 كم \ساعة ,وهو أول من سجل سرعة أعلى من 500 كم \ ساعة.
في سنة 1996 سجل القطار الألماني TR 07أعلى سرعة لقطار مغناطيسي في المانيا والتي بلغت 450 كم \ساعة.
• في سنة 2003 تم تسجيل أعلى سرعة حتى الآن والتي بلغت 581 كم\ساعة باستخدام القطار الياباني MLX 01
أفق ومستقبل القطار المغناطيسي
بالرغم من أن القطار المغناطيسي يعتبر من أفضل وسائل النقل من حيث السرعة والهدوء والأمان إلا أنه لم ينتشر في مدن العالم، ويرجع السبب في ذلك لثمنه الباهظ، حيث تصل التكلفة الإجمالية لعمل مثل هذا القطار إلى أكثر من مليار دولار أمريكي، بالإضافة إلى كون القطارات الكهربائية المتطورة قد تفي بالغرض، حيث أنها ذات سرعات مقاربة لسرعة القطار المغناطيسي ولكن بتكلفة أقل بكثير من القطار المغناطيسي. فهل ستنتشر هذه التقنية كما انتشرت الطائرات أم إنها لن تعيش إلا في المكان الذي نشأت فيه؟!.
شكرا جزيلا على المشاركة
انا بتكلم فى الموضوع عن استخدام المجال المغنطيسى فى الحركة
سواء كان فيديو العربية
او فيديو الموتوسكل
او فيديو القطار
كل واحد حسب طريقة استخدامة
بالنسبة للقطار دا مطلوب سرعة عالية و وزنه ثقيل فطبعا بياخد كهرباء من خط كهرباء رئيسى
اما موضوع ماتور العربية فدا نصفة ماتور و النصف التانى دينامو يعنى جزئ بيولد طاقة و جزء بيستهلكها محدش قال انه من العدم الى اتقال انه مش محتاج مصادر تانية هو مجرد البطارية الوحيدة الملحقة بالعربية و الدينامو هما دول مصدرى الطاقة لدية
عموما احنا لازم نوقر العلماء مهما كان اختراعهم مش متقبلينه او مش معقول بالنسبة لنا بس هما تعبوا لحد ما خلوا اختراعاتهم تشوف النور و تنجح :vctry:
شكرا للتعارف الطيب
و انا مهندس كهرباء شعبة حاسبات و تحكم ألى
كلامك صحيح لو نصب
بس الفيديو الاولانى انت شوفته و لما فتح الكبوت كان فية بس بطارية عادة و و ماتور(نصفة دينامو و نصة التانى ماتور)
و مكانش فية اى حاجة تانية فى العربية
فهل الراجل دا فعلا نصاب؟
و لا ممكن فعلا يتحقق علما ان وزن العربية فارغة بدون ماتور البنزين بملحقاته يتراوح بين 400 ل 500 كيلو
انا فى رايى اكيد فية حلول للموضوع دا و فعلا فى يوم من الايام حتكتسح العربيات الكهربائية المجال و اتمنى ان اراة