الزبالة في شوارعنا

**salmabash** · 02-10-2010 01:32 AM

المشاركة الأصلية كتبت بواسطة mahmoud_afifi

يارب ان شاء الله وشكرا على فتح الموضوع المهم ده

انا اللي متشكر لانك شاركت و انت اللي بتديني الامل اننا كلنا عايزين التغيير دة ، نتقابل تاني ان شاء الله و البلد انظف شوية

**mahmoud_afifi** · 02-10-2010 01:56 AM

المشاركة الأصلية كتبت بواسطة salmabash

انا اللي متشكر لانك شاركت و انت اللي بتديني الامل اننا كلنا عايزين التغيير دة ، نتقابل تاني ان شاء الله و البلد انظف شوية:e_braces[1]:

هههههههههه , ان شاء الله . انا عن نفسي لو اكلت حاجه او استعملت منديل بسيبه في العربيه لغاية لما اقف وارميه في الباسكت او اخده معايا الشقه ارميه فوق. مش مشكله العربيه تتوسخ شوية بس المهم نظافة الشارع.

**م. حاتم السباعي** · 02-10-2010 02:15 AM

لا انكر اني كنت بارمي الحاجات اللي زي الكانز و ورق السنداوتشات بس في طرق السفر الصحراوية حتي جاء يوم كنت مسافر فية مع دكتور مهندس وقال لي ليه كده سيب الحاجات دي انا ان شاء الله لما نوصل هرميها فقلت له داحنا في الصحراء يعني انا برميهم علي جانب الطريق وشوية والهوا هيخدهم بعيد في الصحراء ولكنه صمم علي رأيه الله يباركله ويكرمه ومن يومها يعني الكلام ده مر عليه حوالي 13 سنة وانا لا ارمي حتي المنديل لا في الصحرا ولا حتي في البحر اللهم بلغه مني السلام واكرمه كما اكرمتني علي يديه
وانا رأيي ان الموضوع ده للاعلام دور فيها اكيد لانه بيشكل ثقافة المجتمع وبرامج زي العلم والايمان و حتي عالم الحيوان اتوقع انهم شكلوا لمن هم في مثل سني يعني 18 سنه ههههههههه لا لا لا الكدب حرام اقصد 28 سنة هههههههههه يا عم قلت الكدب حرام اهه عاجبكم كده اخر كلام والله 37 سنة ونصف اتوقع برامج هادفة مثل هذه يمكن تشكل وجدان امة بأثرها فاللهم اكرمنا بمن يتقي الله في شبابنا حتي نتعلم جميعا بأن النظافة من الايمان

م.حاتم السباعي

**salmabash** · 03-10-2010 11:13 AM

المشاركة الأصلية كتبت بواسطة mohamed_mohsen

و الله أنا بعمل كده برضه,,,,حتي العربيه عندي مليانه قزايز ميه فاضيه و مناديل و لما برجع البيت بلمهم و اطلعهم الشقه عندي عشان ارميهم في سلة القمامه و مابرميش حاجه في الشارع الحمد لله
الحل عقوبة رادعه 1000 جنيه مثلاً غرامه أو الحبس,,,و تتطبق علي الكل,,,مش الاقي ظايط شرطه مثلاً و إلا مستشار مايتطبقش عليه القانون زي ما بيحصل كتير في بلدنا للاسف

المفروض كل الناس تعمل زي حضرتك كدة و معاك في حكاية القانون مية في المية

**mahmoud_afifi** · 03-10-2010 08:41 PM

المشاركة الأصلية كتبت بواسطة mohamed_mohsen

و الله أنا بعمل كده برضه,,,,حتي العربيه عندي مليانه قزايز ميه فاضيه و مناديل و لما برجع البيت بلمهم و اطلعهم الشقه عندي عشان ارميهم في سلة القمامه و مابرميش حاجه في الشارع الحمد لله
الحل عقوبة رادعه 1000 جنيه مثلاً غرامه أو الحبس,,,و تتطبق علي الكل,,,مش الاقي ظايط شرطه مثلاً و إلا مستشار مايتطبقش عليه القانون زي ما بيحصل كتير في بلدنا للاسف

اعتقد الحل ان كل واحد يتعلم من التاني, يعني حضرتك تأثر على زميل او صديق ليك بأسلوبك ده وهو يأثر على غيره وهكذا. زي مثلا استعمال الاشاره اليمين والشمال. من كام سنه ماكانش حد في الطريق بيستخدمها ولما ناس ابتدت تلتزم بيها الكل اكتشف انها افضل وفعلا ليها لازمه (سبحان الله اكيد الي اخترعوها عارفين ان ليها لازمه بس المصريين لازم يجربوا لغاية لما يتأكدوا) .

و ربنا يهدي الجميع ويحافظوا على نظافة الشارع لأن ده بعطي انطباع عن الشعب والسلوك الحضاري.