الموضوع: نادي محبي ومالكي 127.........

فعلا ياريت نعمل مقابلة لمالكى ال127 وعلى فكرة انا بلاحظ والله اعلم ان كل اللى معاهم 127 ناس محترمين وطيبين غريبة فعلا بسافضا موديل فى ال127 هى الايطالىانا كنت ممكن اجيب ال1050 او ال1300 بس فى بعض حاجات فى الموتور مش موجودة ومش موفرة فى البنزين نسبيا انا عربيتى 900 سى سى والحمد لله بتجرى وموفرة جداااااااااا فى كل حاجة انا بحطاها بنزين ومياه بس بس انا مراعيها فى الصيانة بصراحة

المشاركة الأصلية كتبت بواسطة Ahmad_Nawwara

التوب في الغالب ألماني وسعرها تبع حالتها

ياجماعة ال127 مافيش منها حاجة اسمها المانى خالص نهائى وانا متأكد من كدة ال127من سنة 1972 وحتى 1977 ايطالى ..... اللى هى فانوسها من ورا صغير والكابوت فيه خطين(ودة فى رأى احلى موديل)... وبعدين نزل الموديل اللى بعدة وكان بردة ايطالى وكان فى منها 903 و1050 وبعض موديلات 1300 اللى هى (التوب)التوب بس هى اللى 77 حصان و1300 سى سى غير كدة اوهام واختراعات وكلة ايطالى وانتجوها لحد سنة1981 وبعدين نزل الشكل الجديد وكان فيه منة فيات وسيات 127 وكانت بعضها اسبانى وبعضها ايطالى وكانت مصر بردة بتجمعها تحت اسم نصر وهى سيات 127 ولو نزلت اشتريت زجاج 127 استيراد مستعمل (وهو كلة بيركب على بعضة من 1972 لحد موديل 87)وهى دى قصة حياة ال127 وعلى فكرة فى بعض الموديلات ونادرة جدااااا هتلاقيها من قدام الشكل بتاع 1978 ومن ورا 1972 ودى اللى معاعيا لانى شفت منها حوالى اربعة بس اللى بالشكل دة والازاز اللى فى الجناب اللى ورا curved....وفيه منها الشنطة بتتفتح كلها بالزجاج ....وفيه اللى بتتفتح شنطة بس والشنطة بس دى احسن حاجة لان اللى بتتفتح زجاج كامل دى كل ما هاتيجى تفتحها هتلاقى السماعات وفعت والرف اللى ورا ..وحوار.......
وانا جاهز للانتقادات

اول سيارة فيات 127 كانت في ايطاليا سنة 1971 وآخر انتاج لها كان 1983 وكانت في البداية كبديل للفيات 850 . في البداية كانت تصميم السيارة ببابين وخلفية هاتشباك بسعة 903 سم وكانت سيارة العام سنة 1972 في اوروبا واصبحت الأولى في المبيعات حتى سنة 1977 بعدها كان التحديث حيث اصبحت ذات اربعة ابواب وكما يقول الأوربيون 5 ابواب باعتبار الحقيبة الخلفيه بابا بعد تكبير حجم الزجاج الخلفي ومحرك ذو سعة 1049 سم واعيد تصميمها سنة 1983 بمحرك 1301 سم وتم تحديث الصالون والتابلوه وتوقف تصنيع ال127 في ايطاليا سنة 1983 وبدأ تصنيعها في عدة دول مثل البرازيل حتى العام 1995 وفي مصر حتى عام 1987 وقد قامت شركة سيات الأسبانية بالحصول على حق استخدام تصميم 127 من شركة فيات الأيطالية وتصنيعها على ان تضع عليها بادج شركة سيات مقابل مبلغ اعتبر ايامها خرافيا وتم التصنيع بمقر الشركة في مدينة فيورا الأسبانيه واطلق عليها اسم المدينه ثم قامت البرازيل والأرجنتين بنفس الشيء لكن اطلقوا عليها اسم فيات 147 وكان ذلك بين عامي 1976 و1985 ثم قامت شركة زاستافا اليوغوسلافية بتصنيع نفس الموديل وبعدها قامت شركة فولكسفاجن الألمانية بتصنيعها تحت اسم فيات توب ولكن الأنتاج لم يلق رواجا وقتها فقامت الشركة بقفل خط الانتاج بعد ستة أشهر فقط .
هذه المعلومات منقولة بإختصار ومترجمة من موقع ويكيبديا

أسعار الأكصدام تختلف .. فيه مصري وفيه اسباني وفيه تركي والأسعار تبدأ من 400 جنيه حتى 800 .. أما بالنسبة للفيبر فهو في حدود 120 جنيه (الطقم الكامل ) اما لوحبيت تجيب قطعه واحده ممكن ولو حبيت برضه فردة اكصدام واحده ممكن بس هتبقى اغلى حبتين