الموضوع: نادي محبي ومالكي 127.........

انا سيارتى نصر 127 معايا من 14 سنة ومرياحانى جدا. العربية بصراحة مفهاش اى مشاكل خالص.لدرجة انى مش بفكر اغيرها خالص .لانها عربية اقتصادية جدا جدا فى البنزين بتعمل حوالى 300 كيلو فى الصفيحة وبحطلها بنزين 80 و ماشية زى الفل و قطع غيارها رخيصة جدا وفعلا اى ميكانيكى بيعرفلها و حمالة اسية .عشان كدة انا مش لاقى عربية انتجت فى الوقت الحالى تشبة لها فى كل هذة المميزات واللى يلاقى عربية زيها ياريت يقولى .:k49:

المشاركة الأصلية كتبت بواسطة elfishawy

انا سيارتى نصر 127 معايا من 14 سنة ومرياحانى جدا. العربية بصراحة مفهاش اى مشاكل خالص.لدرجة انى مش بفكر اغيرها خالص .لانها عربية اقتصادية جدا جدا فى البنزين بتعمل حوالى 300 كيلو فى الصفيحة وبحطلها بنزين 80 و ماشية زى الفل و قطع غيارها رخيصة جدا وفعلا اى ميكانيكى بيعرفلها و حمالة اسية .عشان كدة انا مش لاقى عربية انتجت فى الوقت الحالى تشبة لها فى كل هذة المميزات واللى يلاقى عربية زيها ياريت يقولى .:k49:

اتفق معاك تماما رغم ان العربية ده معاى من سنة بس تقريبا ، بس عجبانى فعلا بالنسبة للبديل الجديد انا فعلا لما بفكر بزعل فعلا ان البديل الوحيد اللى يوفر كل ده هى الماروتى ده من وجهة نظرى وزعلان انا ما فيش من فيات بديل جديد بعر اقتصادى رغم انى شايف ان الكلاسيك بونتو عربية ممتازة فعلا بس للاسف مش فى الرنج ده خالص رغم ان سعرها ااق من قيمتها ده من وجهة نظرى

انا وسام من مصر ومعايا 127 فيورا موديل 1984 ياريت بجد يا جماعه لو يتعمل النادى ده وعندى فكره جامده برده ياريت لو كلنا كدا نتقابل فى مكان وكله بالعربيه الجامده 127 متهايئلى تبقى فكره جامده اووووى وكلنا نشوف عربيات بعض ونتبادل الافكار بجد هتبقى فكره جامده

انا الحمد لله العربيه معايا كويسه ولسه جايبها حوالى شهرين وكنت بوريها لواحد صاحبى معاه دوجان وكان عايز يجرب 127 وكنت قاعد جمبه كنت ماسك فى اليد اللى فوق متخيلتش انها ممكن تجيب السرعه دى بسم الله ما شاء الله جابت معاه 135 بالظبط بس هوا قلق من الطريق لانه كان بيجربها على الاوتوستراد وقالى سعتها انها ممكن تجيب ودواسه البنزين لسه فيها ((بجد بعشق حاجه اسمها 127))

المشاركة الأصلية كتبت بواسطة yasserwin

فعلا ً يا رجالة عربية كويسة

عايزين نعمل مقابلة لكل مالكى الـ 127

وانا من اشد المؤيدين للموضوع دا يا ياسر بجد هتبقى فكره جامده لو اتقابلنا كلنا ملاك ال 127 هتبقى حاجه جديده وكويسه