كل صيف اشحن التكييف + هل لانوس2 موديل 2000 كورى

**maged** · 20-03-2008 01:28 AM

بخصوص التكييف دلوقتى انا كل بداية صيف اشحن التكييف ويفضل شغال زى الفل طول الصيف وزياده لكن بعد بداية الشتاء يبتدى يضعف تدريجيا لحد ما يحتاج يتشحن تانى على بداية الصيف اللى بعده فهل ده طبيعى ولو كان ده عادى ليه العربيه لما كانت زيرو قعدت 4 سنين مش محتاجه تشحن التكييف يا ترى ايه الحل على فكرة عربيتى لانوس 2 موديل 2000 كامله مانيوال
استفسار كمان كتير بسمع ان لانوس موديل 2000 بتبقى كورى فهل ده ينطبق على لانوس 1 فقط ولا على لانوس 2 ايضا
وانا بشوف لانوس1 الزجاج بتاعها كله د جريش طاب ازاى كورى وزجاجها مصرى اسف للاطاله

**fahd_628** · 20-03-2008 02:37 AM

اكيد حيكون عندك تسريب فيريون لأن مش طبيعى انك كل صيف تشحنة خلى اى واحد بتاع تكييف يكشفلك فين التسريب

بالنسبة للموضوع الكورى و المصرى فا انا الى اعرفة ان الانوس من اول 99 مصرى و 98 هية الى كورى والله اعلم استنى برضة رأى احد الخبراء

**ebotross** · 20-03-2008 04:01 AM

سيادتك طبعا محتاج تزور كهربائي سيارات أو أخصائي تكييف عشان يضغط الدايره هوا بعد ما يفضي الفريون و يشوف لو في تسريب طبعا حيبان ان ضغط الوصلات بيقل معاه على مؤشر الضغط. في الحاله دي حيكشف على دائرة التكييف ماسوره ماسوره لغاية ما يلاقي التسريب و الباقي مفهوم طبعا.
مع التوفيق

**sab3aawy** · 20-03-2008 01:55 PM

لانوس 99 و 2000 و لحد 2007 كله تجميع مصرى، دايو مصر مباعتش عربية لانوس واحدة غير مجمعة محليا ، انا متأكد من هذة المعلومة تماما لانى عاصرت بدايات موديل اللانوس من اول لحظة ، بالمناسبة مافيش لانوس 98 لأن تسليم اللانوس ابتدا فى شهر 10 سنة 1998 وكلها اتسلمت موديل 99

الإستثناء الوحيد هو عدد من العربيات القليلية اللى دخلت مع ناس بمواقفات استيرادية او نظام معوقين او منطقة حرة ببورسعيد ، لكن غير كدة كله مصرىىىىىىىىىىىىىىىىىىىىىى ىىىىىىى،

**Ahmad Allawy** · 20-03-2008 05:31 PM

كده الاستاذ سبعاوي جابلك م الاخر..
سبعاوي = الخلاصة و اخر الكلام..
ربنا يكرمك و تكسب فينا ثواب كمان وكمان يا كبير..

**maged** · 20-03-2008 09:35 PM

شكرا يا جماعة على الرد وشكرا يا استاذ سبعاوى اصل الناس دوشتنا بموضوع اللانوس 1 الكورى كل واحد معاه لانوس 1 يقولك كورى صدعونا على الفاضى الغريب ان كل الناس معتقده ان لانوس 1 كورى
اما بخصوص التكييف ان رحت النهارده لمحل المراكبى اللى امام فندق السلام وضغط دورة التكييف هواء وحط صابون على الوصلات فعلا لقينا تسريب من اولسيهات الكومبريسور وقالى ان تمنهم 30 جنيه + 40 مصنعيه +120 شحن فريون وفعلا دفعت 190 جنيه ومرضيش ينزل ولا مليم لانه كان زحمه جدا لذلك انصح اى واحد يعمل صيانة التكييف قبل حلول الصيف عشان الصنايعى ميتنططش علينا ويتحكم فينا وشكرا والتكييف دلوقتى تمام

**sab3aawy** · 21-03-2008 06:54 AM

المشاركة الأصلية كتبت بواسطة maged

شكرا يا جماعة على الرد وشكرا يا استاذ سبعاوى اصل الناس دوشتنا بموضوع اللانوس 1 الكورى كل واحد معاه لانوس 1 يقولك كورى صدعونا على الفاضى الغريب ان كل الناس معتقده ان لانوس 1 كورى

فعلا سبحان الله، العربية ممرش عليها عشرة سنوات وتاريخها بيتزور، ده يخلينى افهم ازاى الشعب المصرى مصدق اننا انتصرنا فى حرب 56
انا كان معايا لانوس 1 موديل 2000 وكانت مصرى وجارى كان معاه لانوس 1 تسليم نص 99 وكانت مصرى، وزميلى فى العمل كان معاه لانوس 1 99 تسليم 11-98 وكان رقم شاسيهها 300 وكانت مصرى، وكانت الللانوس 1 وقتها بتتباع بمبلغ 39900 جنيه للنص اوبشن و 42000 للكاملة مانيوال و47000 للأوتوماتيك ولذلك انا متأكد تمااااااااااااااااااااااا اااما ان مافيش عربية لانوس اتباعت من دايو مصر كانت مستوردة

وبعدين اللى بيصدعوا دماغك بأن اللانوس 99 و 2000 كورى بص على رخص العربيات بتاعتهم، هتلاقى ان كل ما هو 99 رقم الشاسيه بتاعه تحت 19000 وكل ما هو موديل 2000 هتلاقى رقم الشاسيه بتاعه تحت 40000 ، طب هو يعنى معقول كوريا معملتش غير ال 40000 عربية اللى جم مصر ، وللا كوريا مثلا صدرت لمصر وش القفص وصدرت لأمريكا والمانيا وباقى دول العالم زبالة القفص،
ده طبعا غير قصة زجاج جريش وكراسى موبيكا اللى موجودة فى كل عربيات 99 و 2000،بس هو طبعا مش باين حاليا غيرؤ الزجاج فهل يعقل ان العربيات كانت بتيجى من برة من غير قزاز وبيتركب هنا وللا هل يعقل ان كوريا كانت بتستورد مننا زجاج جريش

**SamirAssaad** · 18-10-2011 08:35 PM

أنا معايا لانوس 1 موديل 99 برقم شاسيه كبير جدا: 9906503، وأخرى لانوس 1 موديل 2000 برقم شاسيه صغير: 21904. لهذا أتوقع إنه طبقا للمعلومة الهامة التي طرحها أستاذ سبعاوي عن أرقام الشاسيهات، فإن اللانوس1 موديل 99 التي عندي قد تكون صناعة كوريا، بينما الثانية موديل 2000 فعلى الأرجح هي صناعة مصرية. أرجو الإفادة من أستاذ سبعاوي عن هذا الموضوع، لإني أنوي بيع السيارة موديل 99، فإن كانت حقا صناعة كورية، فقد يرتفع سعر بيعها عن مثيلتها المصرية.