قلبي وقع في رجليا وقعدت اصرخ في الشارع

**نور القمر** · 02-10-2010 01:59 AM

كنا رايحين مشوار في شارع الهرم وفجأة سمعت صوت صراخ لطفل الحقني يابابا الحقني يابابا
لقيته ولد حوالي 10 سنين في عربية نص نقل من ورا وماشيين في اول حارة واحنا تالت حارة
الولد وقع عليه لوح خشب كبير زي ميكون قعدة دولاب او سقف دولاب
الولد كان واقف اخر العربية وساند ببطنه على سور العربية ووشه للشارع
قعدت اصرخ وانادي على السواق واصرخ واقول لجوزي شد وحصله وقرب منه في الحارة التانية
شدينا بس معرفناش ندخل الحارة التانية لان عربية جات
العربية التانية قعد يدي كلكسات وانا اصرخ والولد بيصرخ من الالم ويستغيث بابوه
واخيرا الحمد لله الرجل حس وهدى على جنب واحنا كملنا وعملنا يو تيرن ولقيت الرجل بيربط الخشبة والولد غالبا الحمد لله كويس
فضلت طول السكة جسمي مقشعر ومتضايقة على الولد واستغاثاته بابوه ومتضايقة عشان اهمال الاب وعدم تأمين العربية على الاطفال على فكرة كان في طفل تاني ويمكن اكتر بس اللي متأكدة منه انهم 2
ليه حياة البني ادم رخيصة والاستهتار وصل للشكل ده
يعني كان ممكن الولد يقع وكان ممكن يتكسر ضهره وبلاش ده كله كفاية حالة الرعب والالم اللي حس بيه

**mr_vampire** · 02-10-2010 02:29 AM

معلش الشوارع مليانة. والله العظيم انا لو حكيتلك عن منظر شوفته وحصل ادامي كانه فيلم مش هتعرفي تنامي والمنظر او الموقف اللي حصل خلي الناس رجالة وستات وولاد وبنات يعيطو فالشارع من فظاعة الموقف. فربنا يستر طريقنا جميعا

**esraatefa** · 02-10-2010 02:42 AM

المشاركة الأصلية كتبت بواسطة mr_vampire

معلش الشوارع مليانة. والله العظيم انا لو حكيتلك عن منظر شوفته وحصل ادامي كانه فيلم مش هتعرفي تنامي والمنظر او الموقف اللي حصل خلي الناس رجالة وستات وولاد وبنات يعيطو فالشارع من فظاعة الموقف. فربنا يستر طريقنا جميعا

معلش حب فضووول ممكن بعد اذنك تحكية؟
والحمد لله ان الولد بخير ولحقوا ينقذوا ربنا يكفينا شر الطريق

**mr_vampire** · 02-10-2010 02:50 AM

المشاركة الأصلية كتبت بواسطة esraatefa

معلش حب فضووول ممكن بعد اذنك تحكية؟
والحمد لله ان الولد بخير ولحقوا ينقذوا ربنا يكفينا شر الطريق

لو مكانك هبقي عايز اعرف برده. بس متاكدة اقووووووووووووووووووووول ؟ وبستازن صاحبة الموضوع اقوووووووووووووووول ؟؟؟؟؟؟؟

**نور القمر** · 02-10-2010 02:51 AM

ذيييييع ... قصدي قول

**esraatefa** · 02-10-2010 02:57 AM

تمام وادى نور القمر وافقت احكى يا عم حزنبل :)

**mr_vampire** · 02-10-2010 03:10 AM

المشاركة الأصلية كتبت بواسطة نور القمر

ذيييييع ... قصدي قول

اوك وعملت اقتباس عشان يبقي معايا دليل اخلاء مسئوليتي.

ركزو وتخيلو الموقف عشان تعرفو تعيطو كويس. انا كنت ماشي بالعربية ووقفت اشتري حاجة سبحان الله اقف فالمكان اللي الموقف يحصل فيها من اوله.

مكان الموقف: طريقين رايج جاي وبينهم رصيف كبير ( جزيرة ) معمول فيها احواض زرع كدة والناس بتعد عليها بين الطريقين.

ام وابنها صغير قاعدة عالجزيرة ده والواد بيلعب بالكورة. الكورة وقعت منه عالطريق فهو بحسه الطفولي نزل يجيبها وملوش فيه بقي عربيات رايحة عربيات جاية المهم الكورة وخلاص والام مش عارف بصراحة كانت مشغولة في ايه او ممكن ملحقتش تعمل حاجة ( الموقف حصل في ثواني ).

المهم الواد نزل عالطريق يجيب الكورة جت عربية ( جيب او اي كان نوعها ) المهم عربية عالية خبطته واخد ديله في سنانه وطلع جرررررررررررررررررررري الواد مرمي عالارض لسة الام بتجري عليه جه ورا العربية زفة عربيااااااااااااااااااااا اااات وتيت تيت وكاسيتات وحوارات. اول عربية فالفرح لانوس ( قافل الازاز ومشغل تكييف و كاسيت ولا فالدماغ) طبعا العربية واطية عالارض داست عالطفل المرمي بس جسم الطفل اتحشر فالعربية من تحت ( واللي سايق ولا حاسس ولا شايف ) والناس تصرخ وتزعق وتشاور وده ولا فاهم حاجة.

خلاه ماشي مسافة مش اقل من 150 متر والطفل تحت العربية والناس بتجري ورا وتشاورله والام ( اللي يصبرها) بتجري وراه.

فيييييييييييييييييين بقي لما جه يوتيرن وبيبطء عشان يلف تاني ( ولسة الدماغ انه ماشي فزفة وتيت تيت وكاسيت ) لقي مصر كلهااااااااااااااااااااا وقفت ادامه وحولين العربية ( وهو ولا فاهم حاجة ) وشاله العربية باللي فيها ( شالوها شيييييييييل من عالارض ) وحطوها علي جنب. بنبص عالطفل مفيش طفل ( مش هوصف المنظر عشان بجد ميتوصفش ). في ثواااااااااااااااااني اسعاف جت واخد ( الطفل وامه وجري عالمستشفي ) وصاحب العربية واقف مزهووووووووووووووول ولا فاهم حاجة وعمال يخطرفبالكلام ( حصل امتا ده معقولة عدي ادامي وانا مشفتوش معقولة الواد ده جه منين طلع من تحت الارض ) الناس اللي واقفة فالموقف من الاول اعدو يهدوه ويقولوه فعلا هو كان مرمي جاهز مش انتا اللي خبطته من الاول.

الفرح اتقلب غمممممممممممممممممم وكل العربيات بتاعة الفرح وقفت وشباب ببدل وبنات بسواريه وناس ماشية فالشارع كله نازل عياط عالمنظر. واول مارفعو العربية شباب وبنات وقعو من طولهم من فظاعة الموقف.

ربنا يستر طريقنا جميعا سواء بقي ماشيين علي رجلينا او راكبين عربية.

بعتذر لكل اللي هيقرا اللي كتبته ويتعبه بس الناس كانت عايز تعرف.

**mr_vampire** · 02-10-2010 03:22 AM

الناس اللي كانو بيهرجو من دقيقة راحو فييييين؟؟؟؟ منا قولتلكو بلااااااااااااااااااااش

**hazoom2006** · 02-10-2010 03:26 AM

لا حول ولا قوه الا بالله

ربنا يصبر ام الطفل ده حاجة بجد فظيعة حد يشوف ابنه بيتفرم قدامة ومش قادر يعمل حاجة

يمكن بتاع الجيب ده لو كان وقف كانو لحقو الولد بس قدر الله وماشاء فعل ربنا يرحمة