نزلت التوكيل اتفرجت علي جين 2 2010 النهاردة وليا شوية ملاحظات

**Donzi** · 09-10-2010 12:10 AM

اتفرجت على العربيتين ( بيرسونا - جين 2 )

الانطباع الاول : جميلةةةةةةةةةةةة جدا جدا

بعد الفحص و التمحيص فعلا موضوع الخامات و التقفيل دة مش اد كدة لكن مش في كل حاجة يعني الزراير اللي في التابلوة شغالة مش وحشة اوي ، لكن الزراير اللي في الابواب و الاوكر هما اللي مش عاجبني و كمان درج التابلوة مش بيقفل كويس و تحس ان القفل مش جامد

مستوى الدريكسيون فعلا منخفض حتى بعد ما وطيت الكرسي على اقل حاجة مع العلم ان انا مش طويلة يعني لكن في البيرسونا حسيت انو مظبوط شوية اكتر من جين 2

نيجي للجد بقى العربية واسعة جدا في الصالون و قعدتها مريحة اوييييي قدام و ورا و البيرسونا كمان اوسع شوية و الشنطة كبيرة ماشاء الله اوي - شكل التابلوه و التصميم بتاعو حلو - الكراسي و الكنبة مريحين و تعديل الكرسي دة بيظبط القعدة جدا - و طبعا مش محتاجة اتكلم على الشكل الخارجي التحفةةةةة جدا سواء بيرسونا او جين 2

العربية دي بكل اللأوبشنز و الامكانيات اللي فيها و بالسعر دة فعلا تستاهل كل مليم هايتدفع فيها

**Donzi** · 09-10-2010 01:42 AM

المشاركة الأصلية كتبت بواسطة solghof

شكرا ليكي يادونزي علي تقييمك العادل
وفعلا بالاوبشنز والامكانيات دي تتساهل كل مليم يدفع فيها
بالتوفيق ان شاء الله

العفو يا فندم على ايه

و نسيت اقلكم على فرق كمان بين الجين 2 و البيرسونا قالهولي ممثل المبيعات اللي كا بيفرجني على العربيات لما سالتو ايه رايك ترشحلي مين فيهم قالي : لو ركبتي جين 2 هايقبلك معاكسات و مضايقات كتير انما لو راكبة بيرسونا لا

هي الجين 2 سمعتها بطالة ولا حاجة مع البنات