الموضوع: بالفديو فتح شنطة الكرستالة بالريموت

السلام عليكم

اولا بتقدم بالشكر للاستاذ كريم فهمى صاحب موضوع (ركبت سنتر لشنطة الشاهين بنفسى) لانة عرض الفكرة

بس بما انكم عارفين ان شنطة الكرستالة بتتفتح من جوة عادى ففكرت اركب لها قربة السنتر واوصلها بوحدة جهاز الانذار وعلى فكرة انا اللى مركب جهاز الانذار بنفسى وكنت دارس كل المخارج اللى خارجة من وحدة الانذار ولفت نظرى ان فية فردة ممكن توصلها على الشنطة فى حالة ان قفل الشنطة بيفتح بالكهرباء (ودة مش متوفر فى الكرستالة)

المهم قعدت ادرس انسب مكان علشان اركب فية قربة السنتر بدون ما اخرم فى عضمة باب الشنطة وفى نفس الوقت ما تكنش ظاهرة علشان ما تتعرضش للكسر فى حالة لو حشينا شنطة العربية كالعادة فى السفر مثلا وقد تم بحمد الله التركيب فى انسب مكان بدون تخريم فى الشنطة بأقل التكاليف كالاتى:

[OVERLINE]الخامات والتكاليف [/OVERLINE]


1- فربة سنتر (2طرف) من عند اى محل قطع غيار =20 جنية
2-(8) متر سلك 1مم (حجازى) = 10 جنية
3-شر يط لحام (شكرتون) = 3 جنية

ملحوظة: لما كنت بشترى جهاز الانذار لفت نظرى نوع من الانواع الريموت بتاعة فية مفتاح للشنطة فالرجال صاحب المحل قالى هو انت عندك فتح الشنطة بالكهرباء قلتلة لا فقالى بيقى خد الريموت ابو 3 زراير لانك مش هتستفيدبالزرار الرابع .
وبعد قريت الكتالوج لقيت فية الخاصية دى من خلال الضغط على زرار فتح السنتر لمدة ثانيتين.

ودولتى اسبكم مع الفديو

YouTube - ‫ظپطھط. ط´ظ†ط·ط© ط§ظ„ظƒط±ط³طھط§ظ„ط© ط¨ط§ظ„ط±ظٹظ…ظˆطھ How to open your car trunk by remot control‬‎

المشاركة الأصلية كتبت بواسطة sonystar

طيب معلش سوال القربة هتوصل فين على جهاز السنتر وياريت المكان فى فى جهاز السنتر انا السنتر اللى عندةى من غير ريموت بس مركب على جهاز انذار صن وان


ياريت مكان توصيل القربة


وفكرة جميلة جدااا وياريت بقى لو نعمل سوستا نشفا تشد الشنطة لفولك اول لما تفتح

اى وحدة انذار بيجى معاها كتالوج موضح فية كل طرف بيتوصل بأية فلو عندك الكتالوج صورلى الصفحة اللى فيها خريطة التوصيلات وبالنسبة للنوع اللى مركبة هو kmfox وطرف سنتر الشنطة لونة احمر فى مجموعة السلوك الصغيرة لان السلك الاحمر فى مجموعة السلوك الكبيرة خاصة بالتوصيل بالقطب الموجب

وبالنسبة لسوستة فتح الشنطة اعتقد ان المساعد اللى بتركب فى الباب المعدل ليفتح لاعلى هيبقى انسب فى الحالة دى