سير الكاتينة اتقطع...وما بعد ذلك...

حبيت اشرككم معايا فى اللى حصل لى يوم الخميس الماضى وانا راجع من الشغل حوالى الساعة 3 عصرا
كنت ماشى على السرعة حوالى 80على طريق سفر وفجاة لقيت العربية فصلت والتابلوه نور وكان الكونتاك مفتوح من غير دوران.
ركنت على اليمين وحاولت ادور العربية الاقيها بتحاول تدور وصوت المارش موجود لكن من غير ما تلقط. الكلام دة عملته حوالى 8 مرات. نزلت ابص على البطارية لقيتها تمام والانوار شغالة عادى(يبقى مش بطارية ).كلمت حبيبى عصام غنايم. قالى ممكن يكون سير كاتينة .بس انا معنديش فكرة عن الميكانيكا خالص قاللى مبدئيا بص على علبة الفيوزات لقيت واحد كدة بيشاور عقله غيرته . مفيش نتيجة..كلمت زمايلى فى الشغل بعتولى سواق الشغل ومعاه كهربائى اول ما شاف الوضع فتح غطا السير لقينا السير مقطووووووووووووووووع :H_angry[1]: بس قطع ايه بقى ماتتخيلهوش. الغريب ان العربية عاملة 66.000 كم والسير دة انا مغيره عند ال 40.000 يعنى عامل 26.000 فقط
المهم سحبت العربية لحد الميكانيكى بتاعى قاللى نغير السير ونشوف. غيرنا السير لقينا العربية جابت وش سلندر و2 صباب اتعوجوا. كان الوقت اتاخر .ركنا العربية حتى صباح السبت على ما اجيب الحاجة اللازمة لها وجبتها النهاردة. وهى كالاتى....سير كاتينة 55ج جوان وش سلندر 20ج طقم جلد صباب 40 ج زيت موبيل 1000 كم 65 ج فلتر بنزين 20 ج طقم بوجيهات 35 ج بكرة شداد(زى ما عصام نصحنى بتغييرها بالمرة) 160 ج طقم صباب 110 ج يعنى الاجمالى حوالى 500 ج.
دى كانت تجربتى مع سير الكاتينة قلت اقولها لكم على امل ان اى واحد يتعرض للتجربة دى مايحاولش يدور العربية للان دة كان عامل اساسى فى تغيير جوان وش سلندر و طقم الصباب على ما اعتقد .
ويارب ما يكتبها على حد فيكم ولا على تانى يارب

قدر الله وما شاء فعل , والحمد لله انها جت على اد كده

وعشان اللي حصل مع حضرتك ده ميتكررش المفروض الواحد ميلتزمش ابدأ بالكيلو متر مع سير الكاتينه تحديداً
و انا شخصيا بغيره تقريبا كل 10 او 15 الف كيلو , تجنباً لحدوث المشكله دي

الحمد لله على كل شئ

عفوا الفلتر فلتر زيت مش بنزين

اقتباس:

---

المشاركة الأصلية كتبت بواسطة محمد الشامي

قدر الله وما شاء فعل , والحمد لله انها جت على اد كده

وعشان اللي حصل مع حضرتك ده ميتكررش المفروض الواحد ميلتزمش ابدأ بالكيلو متر مع سير الكاتينه تحديداً
و انا شخصيا بغيره تقريبا كل 10 او 15 الف كيلو , تجنباً لحدوث المشكله دي

الحمد لله على كل شئ

---

+11111111

انا اللي كنت عايز اسأل عليه لو لاقدّر الله العربيه بطلت من الواحد في السريع وشك ان ده ممكن يكون سير كاتينه ..يمور العربيه ويسبها ماشيه ويوقف براحته علي جنب لاويوقفها بسرعه( علي جنب طبعا :)) وينزل يشوف علبه السير ومايحاولش يدورها خالص ..يعني عايز اعرف ايه الصح اللي المفروض يتعمل في الحالات دي؟؟

اقتباس:

---

المشاركة الأصلية كتبت بواسطة bakkarahmed

انا اللي كنت عايز اسأل عليه لو لاقدّر الله العربيه بطلت من الواحد في السريع وشك ان ده ممكن يكون سير كاتينه ..يمور العربيه ويسبها ماشيه ويوقف براحته علي جنب لاويوقفها بسرعه( علي جنب طبعا :)) وينزل يشوف علبه السير ومايحاولش يدورها خالص ..يعني عايز اعرف ايه الصح اللي المفروض يتعمل في الحالات دي؟؟

---

بصراحه سؤال حلو ياصديقي ومجاش في دماغي قبل كده

بس انا في رأيي ان الضرر بيحصل من اللحظه الاولى لإنقطاع السير , وبالتالى اعطاء الفرصه للعربيه عشان تقف لوحدها هيكون تحصيل حاصل ومش هيحصل ضرر اكتر من اللي حصل, والله اعلم طبعا

وكمان في حال ان الواحد يسيب العربيه ماشيه لغايه لما تقف فـ ده معناه ان المسافه اللي هتمشيها هتكون في حدود 500 متر مثلا وبعدها سرعه العربيه هتكون ممله اوي وهتجبرك انك تقف وتنزل تشوف ايه الحكايه , يعني ملهاش لازمه :-)

ده مجرد رأي :-)

معلش قدر الله و ماشاء فعل

لكن السؤال هنا عشان تعم الفايده: ايه نوع السير اللى اتقطع؟؟ و كام سعره؟

اقتباس:

---

المشاركة الأصلية كتبت بواسطة ahmedezzat78

معلش قدر الله و ماشاء فعل

لكن السؤال هنا عشان تعم الفايده: ايه نوع السي اللى اتقطع؟؟ و كام سعره؟

---

للاسف ما فكرتش حتى اشوف نوع السير من كتر الحيرة اللى كنت فيها ولكن على ما اعتقد ان سعره كان حوالى 50-55 ج تقريبا

قدر الله و ماشاء فعل .... و الحمد لله انها بسيطة برضه

قدر الله وما شاء فعل , والحمد لله انها جت على اد كده

حضرتك كنت مغير بلية و شداد الكتينة فى الصيانة ؟

قدر الله وما شاء فعل , والحمد لله انها جت على اد كده

عن تجربه شخصيه انا سير الكاتينه اتقطع بالظبط على 38 الف كيلو العربيه بطلت وهيه ماشيه مورى لحد اما اخدت يمين ومحاولتش لا ادور ولا غيرة رحت لماكنيكى قريب قالى سير الكاتينه اتقطع جبته ركب الحمد لله كله كان تمام لا صبابات ولا غيرة ربنا ستر معايا حتى المكانيكى استغرب قال ازاى مجبتش صبابات هههههههههههه

اقتباس:

---

المشاركة الأصلية كتبت بواسطة amado318

عن تجربه شخصيه انا سير الكاتينه اتقطع بالظبط على 38 الف كيلو العربيه بطلت وهيه ماشيه مورى لحد اما اخدت يمين ومحاولتش لا ادور ولا غيرة رحت لماكنيكى قريب قالى سير الكاتينه اتقطع جبته ركب الحمد لله كله كان تمام لا صبابات ولا غيرة ربنا ستر معايا حتى المكانيكى استغرب قال ازاى مجبتش صبابات هههههههههههه

---

عشان حضرتك محاولتش تدور لما السير اتقطع.

اقتباس:

---

المشاركة الأصلية كتبت بواسطة kareemz

عشان حضرتك محاولتش تدور لما السير اتقطع.

---

و اكيد كان على سرعة هادية . لو كانت سرعتة عالية كانت جابت صباب

قدر الله وماشاء فعل
يافندم دى شكوى متتكرة من نوعية السيور فى السوق كلة حسبى الله
عشان كدا انا بغير السيور بالذات فى التوكيل على 40 الف
السير فى التوكيل ب 100 جنية ماركة gates والبلية ب 200 كندى

أولا قدر الله وماشاء فعل و الحمدلله
ثانيا سيور الكاتينة في نطاق ال 50 و ال 60 جنية ليست أصلية يعني لاتثق فيها اكتر من 20 الف انا عندي نوبيرا الكوري لما غيرت سير الكاتينة احضرت سير صناعة مكسيكي بس شركة ألمانية لكن الميكانيكي قالي النوع دة موش اصلي هات الأصلي أفضل هيكون اغلي بس علشان تنساة فترة كبيرة وبعدين كشف علي البلي كلة و الحقيقة طلع كل البلي فعلا موش ناعم بلية الشداد كانت رايحة خالص و الثابتة صوتها فية حفة مسموعة وبلية التكييف برضة خشنة فقالي نعمل المظبوط علشان انت بتسافر صحراوي ومسافات كبيرة فرحت اشتريت
1. سير كاتينة اصلي صناعة gm انجليزي ودة عمل 185 جنية وعلية ضمان 72 ألف ميل يعني قول حوالي 110 ألف كم
2. بلية متحركة كوري 80جنية في حين ان الأصلي الكندي زي الخارجة من العربية عاملة 140 جنية بس قلت كوري كوري.
3. بلية ثابتة كوري 60 جنية في حين برضة الكندي زي الخارجة من العربية 115 جنية
4. بلية التكييف كوري 80 جنية
ولو كان معي لأشتريت كلة كندي أصلي
الميكانيكي قالي بكل ثقة أنسي السير و البلي 60 ألف كم نهائيا لو كنت ركبت البلي الكندي كنت قلتلك 100 ألف بس قالي نبص عليهم بعد 10 ألآف نطمن وبعدين ننسي لحد الكيلو متر مايكمل
وعموما نصيحة ولكل الزملاء ركز في قطع الغيار الحيوية دي في بلد المنشاء ومستوي التصنع ومصدرة لأن سير الكاتينة وكل البلي خطير جدا وممكن يعمل ضرر مثل ماحدث لك فقد يكون السير بتاعك كان كويس لكن البلي كان موش ناعم ودة عمل نحر في السير وقطعة بس غالبا ان تكرار محاولة تشغيلك للمحرك هوة سبب التلفيات لأن في الحقيقة في حالات بينقطع سير الكاتينة لكن مبيحصلش تلفيات و الحمد لله علي كل حال

اقتباس:

---

المشاركة الأصلية كتبت بواسطة sbkr

أولا قدر الله وماشاء فعل و الحمدلله
ثانيا سيور الكاتينة في نطاق ال 50 و ال 60 جنية ليست أصلية يعني لاتثق فيها اكتر من 20 الف انا عندي نوبيرا الكوري لما غيرت سير الكاتينة احضرت سير صناعة مكسيكي بس شركة ألمانية لكن الميكانيكي قالي النوع دة موش اصلي هات الأصلي أفضل هيكون اغلي بس علشان تنساة فترة كبيرة وبعدين كشف علي البلي كلة و الحقيقة طلع كل البلي فعلا موش ناعم بلية الشداد كانت رايحة خالص و الثابتة صوتها فية حفة مسموعة وبلية التكييف برضة خشنة فقالي نعمل المظبوط علشان انت بتسافر صحراوي ومسافات كبيرة فرحت اشتريت
1. سير كاتينة اصلي صناعة gm انجليزي ودة عمل 185 جنية وعلية ضمان 72 ألف ميل يعني قول حوالي 110 ألف كم
2. بلية متحركة كوري 80جنية في حين ان الأصلي الكندي زي الخارجة من العربية عاملة 140 جنية بس قلت كوري كوري.
3. بلية ثابتة كوري 60 جنية في حين برضة الكندي زي الخارجة من العربية 115 جنية
4. بلية التكييف كوري 80 جنية
ولو كان معي لأشتريت كلة كندي أصلي
الميكانيكي قالي بكل ثقة أنسي السير و البلي 60 ألف كم نهائيا لو كنت ركبت البلي الكندي كنت قلتلك 100 ألف بس قالي نبص عليهم بعد 10 ألآف نطمن وبعدين ننسي لحد الكيلو متر مايكمل
وعموما نصيحة ولكل الزملاء ركز في قطع الغيار الحيوية دي في بلد المنشاء ومستوي التصنع ومصدرة لأن سير الكاتينة وكل البلي خطير جدا وممكن يعمل ضرر مثل ماحدث لك فقد يكون السير بتاعك كان كويس لكن البلي كان موش ناعم ودة عمل نحر في السير وقطعة بس غالبا ان تكرار محاولة تشغيلك للمحرك هوة سبب التلفيات لأن في الحقيقة في حالات بينقطع سير الكاتينة لكن مبيحصلش تلفيات و الحمد لله علي كل حال

---

ممكن تعرفنى من اى مكان تباع قطع الغيار الاصليه وخصوصا سير الكاتينه ؟
ولك جزيل الشكر والتحية

اقتباس:

---

المشاركة الأصلية كتبت بواسطة محمد الشامي

قدر الله وما شاء فعل , والحمد لله انها جت على اد كده

وعشان اللي حصل مع حضرتك ده ميتكررش المفروض الواحد ميلتزمش ابدأ بالكيلو متر مع سير الكاتينه تحديداً
و انا شخصيا بغيره تقريبا كل 10 او 15 الف كيلو , تجنباً لحدوث المشكله دي

الحمد لله على كل شئ

---

احسن حاجه والله يا استاذ محمد 10 الى 15
طيب والبليه معاها التغيير ولا مرة ومرة

اقتباس:

---

المشاركة الأصلية كتبت بواسطة khalid9411

احسن حاجه والله يا استاذ محمد 10 الى 15
طيب والبليه معاها التغيير ولا مرة ومرة

---

اعتقد مره ومره هيكون مناسب , لكن حسب الرغبه بردو لان معدل تلفها بيتهيألي مش سريع زي سير الكاتينه

عالعموم من مبدأ الأمان خليها مره ومره :-)

اقتباس:

---

المشاركة الأصلية كتبت بواسطة محمد الشامي

اعتقد مره ومره هيكون مناسب , لكن حسب الرغبه بردو لان معدل تلفها بيتهيألي مش سريع زي سير الكاتينه

عالعموم من مبدأ الأمان خليها مره ومره :-)

---

اشكرك حبيبى على سرعة الرد وبارك الله فيك

اقتباس:

---

المشاركة الأصلية كتبت بواسطة sherif khalifa

حضرتك كنت مغير بلية و شداد الكتينة فى الصيانة ؟

---

انا كنت مغير السير على 40.000 كم فى الصيانة الدورية بس مغيرتش البلية وقتها. لما حصل اللى حصل دة ..عصام غنايم ( جزاه الله كل خير ) اشار على بضرورة تغيير البلية خاصة انها عاملة 66.000 وماتغيرتش قبل كدة. جبت الكندى منها ب 160 ج وركبتها مع باقى الحاجات.
وعلى فكرة النهاردة عملت مشوار للقاهرة ( من كفر الشيخ ) حوالى 320 كم رايح جاى والحمد لله العربية تمام ومفيش اى مشاكل الحمد لله.

اقتباس:

---

المشاركة الأصلية كتبت بواسطة khalid9411

اشكرك حبيبى على سرعة الرد وبارك الله فيك

---

تحت امرك يا استاذ خالد :-)

اقتباس:

---

المشاركة الأصلية كتبت بواسطة khalid9411

ممكن تعرفنى من اى مكان تباع قطع الغيار الاصليه وخصوصا سير الكاتينه ؟
ولك جزيل الشكر والتحية

---

أنا من المنصورة أشتريتة من واحد أسمة عادل وديع اعتقد كل الهيونداوية و الدايوهايتوية من المنصورة عارفينة موش عارف من القاهرة الحقيقة مين تقدر تجيب منة سير الكاتينة الأصلي لكن مدون علي الغلاف انة صنع في United Kingdom و البار كود و العلامات المائية لجينرال موتورز هتلاقي علامتين من ناحية وعلامة من الناحية الأخري للتغليف كمان هتلاحظ انة مناسب لحوالي ستة موديلات اخري للسيارات اتذكر منها موديلين للفورد وانواع اخري مسمعتش عنها في مصر زي فوكسهول و النوع الأخير هو النوبيرا فأعتقد دة ممكن يكون سبب ان نشئتة انجلترا لكن لو في كوري صناعة جينرال موتورز اعتقد سيكون جودتة عالية كذلك ويمكن ارخص شوية بفارق عملات الدولتين فقط لكن معايير جينرال موتورز واحدة في كل مصانعها

السير الاصلى صناعة شركة جيتس الانجليزية

MMamdouh

سير الكاتينة لاااااااااااااااااااااااا ااااااااازم يبقى اصلى و يستحسن من التوكيل , واحد صاحبى اتكلف 1800 جنيه بسبب سير كاتينة مضروب و اتباعله على اساس انه اصلى

طبعا المفروض كل 40 الف بس احنا بنشغل التكيف ونسيب العربيه دايره كتير يعنى ماتعتمدش على الكيلو متر

اقتباس:

---

المشاركة الأصلية كتبت بواسطة mely

طبعا المفروض كل 40 الف بس احنا بنشغل التكيف ونسيب العربيه دايره كتير يعنى ماتعتمدش على الكيلو متر

---

+11111111111

اقتباس:

---

المشاركة الأصلية كتبت بواسطة mely

طبعا المفروض كل 40 الف بس احنا بنشغل التكيف ونسيب العربيه دايره كتير يعنى ماتعتمدش على الكيلو متر

---

مهما كانت المدة اللى هتسيب فيها العربية دايرة مش هتيجى 100 كيلومتر , بس دة ميمنعش انك تغيره قبل ميعاده بشوية

اقتباس:

---

المشاركة الأصلية كتبت بواسطة corn

مهما كانت المدة اللى هتسيب فيها العربية دايرة مش هتيجى 100 كيلومتر , بس دة ميمنعش انك تغيره قبل ميعاده بشوية

---

معلش انت لو حسبت اجمالى الساعات الى بنسيب فيها العربيه دايره خلال ال40الف كيلو لو هنفترض انه ينفع المقارنه هتلاقى تقريبا مش اقل من 20او30ساعه شوف انتى بقى لو بتمشى بسرعة 100كم يبقى المجموع طبعا3000كم طبعا ده مجرد كلام مالوش علاقه بالواقع بس فعلا انا واحد ممكن عربيتى تفضل دايره فى اليوم تقريبا حوالى ساعتين لانى ماببطلش المكيف ابدا ولا ببطل العربيه لو واقف مع حد يمكن اكون انا غريب الطباع بس برضه جايز يكون فى حد زى

اقتباس:

---

المشاركة الأصلية كتبت بواسطة mely

معلش انت لو حسبت اجمالى الساعات الى بنسيب فيها العربيه دايره خلال ال40الف كيلو لو هنفترض انه ينفع المقارنه هتلاقى تقريبا مش اقل من 20او30ساعه شوف انتى بقى لو بتمشى بسرعة 100كم يبقى المجموع طبعا3000كم طبعا ده مجرد كلام مالوش علاقه بالواقع بس فعلا انا واحد ممكن عربيتى تفضل دايره فى اليوم تقريبا حوالى ساعتين لانى ماببطلش المكيف ابدا ولا ببطل العربيه لو واقف مع حد يمكن اكون انا غريب الطباع بس برضه جايز يكون فى حد زى

---

مع احترامي يا باشا للحسبه دي
بس عدد لفات الموتور على السلانسيه غير عدد لفات الموتور وانت ماشي على 100 كم خالص :-)

اقتباس:

---

المشاركة الأصلية كتبت بواسطة محمد الشامي

مع احترامي يا باشا للحسبه دي
بس عدد لفات الموتور على السلانسيه غير عدد لفات الموتور وانت ماشي على 100 كم خالص :-)

---

+1

اقتباس:

---

المشاركة الأصلية كتبت بواسطة محمد الشامي

مع احترامي يا باشا للحسبه دي
بس عدد لفات الموتور على السلانسيه غير عدد لفات الموتور وانت ماشي على 100 كم خالص :-)

---

حبيب قلبى الشامى الغالى
انا قلت انه فرضا لو هينفع المقارنه
ماكدتش على انه ينفع


ومع ذلك يرجى مراعاة درجة حرارة المحرك على السلانسيه والمطاط يتأثر بالحراره

اقتباس:

---

المشاركة الأصلية كتبت بواسطة mely

حبيب قلبى الشامى الغالى
انا قلت انه فرضا لو هينفع المقارنه
ماكدتش على انه ينفع
ومع ذلك يرجى مراعاة درجة حرارة المحرك على السلانسيه والمطاط يتأثر بالحراره

---

ازيك ياصديقي :-)

هو طبعا انا معاك ان استهلاك العربيه على السلانسيه يعتبر استهلاك لكل مكوناتها , بس انت عارف ان الحكايه نسبه وتناسب , وعشان كده السلانسيه لو بيأثر في الاستهلاك فهو تأثير ضئيل جدا لو قارنته بإستهلاك المكنه على سرعه عاليه :-)

لكن زي ما قولنا في البدايه الاضمن ان الواحد فعلا يغيير السير على نص المده التي ينصح بها تجنباً للتعرض للمواقف المكلفه دي

وربنا يستر طريقنا جميعاً

تقبل تحياتي يا باشا :-)

الحمد لله علي كل شئ

يا جماعه طب ممكن حد يقولنا فين سير الكاتينه ده
يعنى لو لقدر الله العربيه عطلت مره اعرف ازاى قبل ما ادور ان ده سير كاتينه علشان مدورش العربيه و اسيبها
و يا سلام بقى لو صورته تبقوا تمام يا رجاله و الله

على فكرة عمر السير ما يقطع الا اذا كان نوع وحش او رخيص و مشموم او حضرتك مغيرتش بلى الكاتينه مع السير القديم فدول بالذات لازم يتجابو اصلى ومعلش قدر ربنا وحاول تتجنب الاسباب بانك تجيب حاجات موثوق فيها من ناس مضمونه وميكانيكى يكون امين

قدر الله وماشاء فعل