أنا معايا جولييت موديل 1999
الحقيقة عربية بنت حلال وحمالة قسية
بس فيه حاجتين مزعلني منها قوي
الأولى .. العفشة بتاعتها مزعلاني جدا
مش عايز أقوللكم يا جماعة إني مابركـّـبش ورا غير واحد فقط
أكتر من كده باحس إن العربية هبطت على الأرض جدا
ولو باجري بسرعة باجي عند أي مطب هوا والعربية تتهبد واسمع صوت حكة الكاوتش بالرفرف
رحت لواحد عفشجي قاللي المساعدين تمام ،، ممكن تكون السوست
بس أنا مابحبش كلمة ممكن دي
نفسي أعرف حل قاطع للموضوع ده يا جماعة .. ولو فعلا السوست .. فيا ترى هي بكام ،، وهل ينفع أجيبهم استيراد .. ومنين ؟؟؟
المشكلة الثانية .. سحب العربية بايخ قوي Acceleration
ولو إن فيه ناس كتير قالتلي إن دي مشكلة الدايو كلها
بس فيه واحد قاللي إني ممكن أبدل الرشاشات بتاعتها برشاشات بتاعة هيونداي أكسنت
فهل هذا حل كويس
ويا ترى الراشاشات دي بكام ؟؟
وشكراً مقدماً للجميـــع
وآسف للإطالة