اطلب المساعدة لإصلاح تكييف النوبيرا

**romeofinger** · 07-10-2010 07:30 PM

السلام عليكم يا أصدقاء المنتدى..
عندى مشكلة فى النوبيرا ان البكرة الخاصة بتحديد اتجاه خروج هواء التكييف سواء فى وجه السائق أو فى مستوى الأرجل أو من ناحية الزجاج الأمامى تدور فى كل الاتجاهات دون الاحساس بأى فرق (يعنى ما بيحصلش أى حاجة التكييف شويا فوق و شويا تحت)
باختصار آعتقد ان الوير الخاص بالتوجيه مفكوك أو مقطوع من الزرار أو من تحت..
فلو ممكن حد يساعدنى فى حل المشكلة دى وبالأخص فى طريقة فك التابلوه سواء بالصور أو فيديو

**محمد الشامي** · 08-10-2010 02:27 PM

حضرتك لو فكيت التابلوه الرؤيه هتكون اوضح وغالبا الموضوع بإذن الله هيكون بسيط

هتلاقي موضوع كامل عن فك التابلوه للانوس موجود في اهم موضوعات القسم , وطبعا هتلاقي الطريقه دي قريبه من نفس طريقة النوبيرا , يعني عالاقل نفس الفكر

بالتوفيق ان شاء الله

**Bassem Raafat** · 08-10-2010 03:22 PM

يا باشا أنا حصلت معايا قبل كده فى الهيونداى الإكسيل ، وإتضح إن فى حاجه إسمها خرطوم الفاكيوم مقطوع ، وروحت لبتاع التكييف إللى بتعامل معاه وغيره ، وكان ..... :

الوقت المستخدم فى الإصلاح : 5 دقائق .
التكلفه : لا شيييييئ ..... علشان أنا كنت مركب عنده تكييف كامل قبل كده ، فمرضيش ياخد منى أى مليم .
يعنى بالتقريب ممكن يكون التكلفه من حوالى 10 إلى 20 جنيه بالتقريب ، وربنا يوفقك .

ولو حضرتك عايز عنوانه ممكن أبعتهولك على الخاص .

**wesam_salom** · 08-10-2010 04:03 PM

لو الهوا بيخرج من كل الاتجاهات مع بعض

يبقى المشكله اللى عندك بسيطه

افتح الكبوت وشوف مكان فلتر التكييف

هتلاقى خرطومين رفيعين اتأكد انهم راكبين كويس

لو راكبين كويس ونفس المشكله يبقوا مقلوبين

جرب تبدلهم وشوف النتيجه

**romeofinger** · 09-10-2010 05:54 AM

شكرا لأستجابتكم لسؤالى

وحجرب موضوع الخرطومين بس انا عندى مشكلة إنى لما بلف المفتاح ما فيش حاجة بتتغير غيلر إنى ما بسمعش صوت فتح وقفل بوابات الهوا الخاصة بكل ناحية

وبالنسبة لفك التابلو ححاول أجرب طريقة اللانوس اللى قولتولى عليها بس اتمنى تكون نفس الطريقة عشان مش عاوز حد يفكه بغشامة ويكسر الوش اللى في التابلوه اللى حولين الكاسيت و وحدة تحكم التكيف