الموضوع: مين انقظك من الطريق

كنت رايح اجيب كوتش خلفى لل250 وكنت على الصحراوى وفجأة نامت الفردة على الجنط مشيت عليها لانى كنت ماشى بليل لحد ما الفردة اتفرتكت وتلعت من الجنط ؟
اتصلت بأخويا الصغير جالى بالعربية ركبت انا العربيه لان وزنى تقيييييييييييييل وهو ركب البايك لحد ما وصلت السلام ؟
ركنت البايك عند الكامين . ورحت انا واخويا بالعربية نلف على فردة استيراد وكان معايا 550 ج رحت لماندو لقيتها ب1200 ج جديدة رحت لايمن فوزى لقيتها استيراد ب700 ج ؟
انا معرفش حد تانى المهم لقيت واد برنس راكب 250 rr جريت وراة بالعربية وتعبنى اوى على ماحصلتة وسالتة ان كان فى حد بيبيع فردة 250 وبصراحة مشفتش رجولة زى رجولة البرنس دة اللى حتى معرفتش اسمة من الاستعجال كل اللى عرفتة منة انة اخو ماندوا وطبعا استغربت جدا بس بصراحة حتت سكر .....
المهم ودانى عند اسامة لاشين وجبلى الفردة منة ب350 ج
المهم لو ربنا موقفليش واحد جدع زى دة كنت هسيب المتوسيكل فين وانا من بلبيس ساعتها حمدت ربنا . وطبعا هفضل اشكر فى الاخ دة طول عمرى ( لانة فعلا جدع وراجل ) عطل نفسة اكتر من ساعة ونصف علشان واحد ميعرفهوش وهى دى الرجولة ؟
اسف على الاطالة .......وشكرا ,,,,,

ربنا ميوقعش حد فى ديقه والمطلوب من الموضوع التفاصيل واطاله عشان الناس تخدم بعضها لوجه الله تعالى لا ن ممكن اى حد يبقى مكانك او انتا مكانو

انا كنت ماشى فى شارع الهرم الساعه 12 بليل وركنت عشان اتكلم فى الموبايل وببص على الاتخاه التانى لقيت واحد راكب cbr 400 بيشاور ليه ما فهمتش هو عايز ايه شويه ولقيته جنبى وسالنى انت واقف ليه قولت عادى بتكلم فى التلفون قالى انا كنت فكرك عطلان او فى حاجه و عرفنى باسمه وادنى نمره التلفون بتاعته وقالى انا ساكن جبك لو عزت اى حاجه كلمنى و لف ومشى من الاتجاه التانى كان معيا واحد صحبى سعتها اول مره يركب معيا كان متعجب من الموقف و قالى انتو (البايكرز يعنى) مع بعض كده قولتلو طبعا يبنى من سعتها اما بشوف حد واقف لو انا رايح فين حتى بقف و اساله لو عايز حاجه

الولد ده اسمه احمد ومعاه cbr 400 ابيض فى ازرق لو حد يعرفه يقولى عشان رقمه ضاع للاسف

الناس بطلت تكتب ليه والله المووع جميل بيعرفنا ان لسه الدنيا بخير وبنستفاد كلنا ياريت لو مش هاتكتب متدخلش هوه كان يبقى المفروض ده العنوان