حصل خير
عرض للطباعة
حصل خير
هو بيختلف من عربية لعربية في الموضوع دة, عندي في الهوندا كانت تمور و تعشق مافيش مشكلة, لما جبت الفرونتيرا باملها لقيت الار بي ام على جامد قوي , مرة و التانية و تنبهت ان الموضوع مختلف و انة مش واحد في كل العربيات,
بص انا متأكد من دي او عالاقل عندي في عربيتي كدة و ربما بتختلف عن عندك, اول ما بارفع رجلي من البنزين الار بي ام بينزل لل 800
مايتفعش يمنعك تروح من النيوترال للدرايف لان هوة عامل دي علشان و انت واقف,و وانت واقف مش غلط انك تجيب للدرايف, ماهو برضة ممكن واحد يجيب الريفيرس و هوة ماشي بانة يضغط الزر, او انة يجيب الباركنج و هوة ماشي برضة مع ضغط الزرار,
اية الرعب دة تحذير و تنبية هههههههههه
معلش صور الصفحه دي من الكتالوج و ارفعها احب اشوفها و اقراها و افهم اية وجهه نظرهم
لا و الله عندي مجرد ما ترفع رجلك الار بي ام بينزل ل 800 لفة/دقيقة كأنك ممور, مش عارف بقى هل بتختلف عندك و للا اية
ياسيدي الفاضل انا ماباسوقش غير اوتوماتيك من حوالي 12 سنة و عندي عربيتين اوتوماتيك في الوقت الحالي (فرونتيرا و لانسر) ومتأكد من دي العربية لما مورتها و عشقتها تاني (الفرونتيرا) الار بي ام على جدا كأني سقطت الاولاني
بس الهوندا الاكورد (كانت معايا لغاية 3 سنين) كنت امور و اعشق تاني مكانش فيها مشكلة, و تاخد الغيار عادي جدا و لا تحس ان الموتور علي , واضح ان الموضوع فية اختلاف من عربية لعربية و دة اللي انا قلتة من الاول ان بيختلف ومش واحد في كل العربيات
لا عندي بينزل عال 800 لفة/دقيقة كأن العربية ممورة
الموضوع ده مهم جدا يا جماعه بس الواضح انه بيفرق من عربيه لعربيه
وعلى فكره لو موضوع بنزين يبقى مهم جدا تخيلوا ان كل العربيات اللي في القاهرة استفادت من كميه الحركة المكتسبه في منازل الكباري والأنفاق والتهدئه قبل الوقوف معدل التلوث هيقل جدا ومعدل استهلاك البزين على المستوى العام والخاص هيقل جدا وممكن يأثر في استهلاك الوقود في مصر
على فكرة انا جاد في كلامي ومؤمن ان معظم النار من مستصغر الشرر
وشكرا
انا مش عارف انتوا عاملين في نفسيكم كدة ليه ! الي مش مقتنع ميعملش و الي مقتنع يعمل و في الاخر كل واحد حر ! انا شايف شوية و الناس حتضرب بعض !
هيا ليه كل حاجة بقيت عراك و خناق ! انا لسه راجع من مشوار و بضرب نفسي اني نزلت النهاردة اساساً انا جي و مش طايق نفسي و لا الناس و لا اي حاجة الناس بقت مستفزة و غريبة و معندهاش احساس و بقيت مش عارف اقول ايه والله
انا نفسيتي تعبانه قوي :( فحبيت الناس متعملش زي في الشارع هنا برضه :(
أنا مش شايف أى خناقه ولا عركه ولا حاجه :)
دى ناس بتتناقش وكل واحد بيقول رأيه
ياشباب
انا قرأت كل كلامكم
مع احترامي للجميع
لكن موضوع انك تمور وترجع عالدي ده مفيهوش اي حاجه مطلقا الا في مشكله واحده فقط
انك مورت وزودت بنزين جااااااامد ورجعت الدي
هيا دي الحالي الوحيده اللي فيها مشاكل
حاجه كمان للي بيقولي ده بيعلي الار بي ام
مهو ده الطبيعي ان الار بي ام يعلى
هوا انتا لو فاتح عالخامس في عربية مانيوال وجايب 160 وبعدين مورت ووصلت العربية ل 120 (طبعا في الوقت ده العربية مموره) وجيت جبت الخامس تاني مش الار بي ام هيعلى عشان يكمل؟؟؟
ده الطبيعي
بلاش دي
نفترض انك ماشي عالدي وحبيت فجأة تشد مع واحد
مش حضرتك بتجيب دي 2 او دي 3 واىلار بي ام يعلى (بالعربي يعني كأنك سقطت نقله)
عادي فين المشكله في كل ده مش عارف؟؟؟!!!
في الاردن كنا بنبقى ماشيين عالدي ومبيجيش منزل الا ونجيب فيه دي 2 ومطالع على دي 1 وبننقل علطول من الدي
ولو كان في مشكله من النقل من الدي للان والعكس كانو عالاقل منعوها في الفتيس زي الريفيرس
الخلاصه مفيش مشاكل من ده اطلاقا
اما عن الهدف ليه ممكن الواحد يمور في الاوتوماتيك
ساعات بيكون الطريق مساعدك والعربية ماشيه لوحدها فالواحد بيبقى عايز يريح رجله من دوس البنزين مثلا واهي العربية منطلقه بسرعتها
ده مثال فقط
تحياتي
الأوتوماتيك ليه سيستم مختلف عن العادي زي ماوضحت في تجربتي في عربيتين مختلفيتين لما تشيل رجلك مابيحملش ويعمل تباطأ زي الفتيس العادي بيبقي أقرب لحالة النيوترل .........فا مش شايف فايدة من موضوع النيوترال لأن النقل من النيوترال للدي بيحمل علي الكلاتشات ولو بنسبة بسيطة يعني الأصح عدم أستخدامه ألا للضرورة كتسقيط نقلة لأنجن بريك في منزل أو عزم لمطلع
حضرتك بتقول زرار يعنى هيعمل حاجة مش طبيعية زى موضحت
وده بيأكد كﻻمى هوه لو الموضوع غلط مكنش هيسمحلك تنقل للدريف من ال n غير لما تكون واقف مهيا مش صعبا هيطبق نفس فكرة ال R والموضوع خلص + ان محدش رد فى موضوع الكتالوج بيقول انها غلط وﻻ ﻷ + ان العربية لما برجعها على ال دريف مبحسش بأى حاجة وبتاخد تقريبا أعلى غيار