-
أنا مع الأخ أحمد كمال و عاوز أزود حاجة ،،بلبعت الحبوب دة انتحار ............... طالما هي حولت تنتحر كذا مرة ،، لا تستبعد انها ممكن تنتحر حتي بعد الجواز لو إتحطت تحت ضغط شديد سواء منك أو من أهلها أو حتى من ضغوط الحياه اليومية ... و ساعتها لو ربنا - لا قدر الله - توفاها.. حتعيش أرمل و أولادك هيكونوا ايتام
ألف سلامة على والدك ، و ربنا يصبره على المرض
-
يا جماعه والله انا فاهم كل كلامك
بس المشكله مش قادر ابعد ولا هيه كمان
وحكايه الانتحار هيه بتاخد حبوب بكميه تخليها تروح المستشفى بس يعني هيه حاولت كده كذا مره لو عايزه تنتحر خلاص بقت عارفه هتزود اللي بتاخده وبس
انا عارف ان ده هبل بس هيه بتقولي بعديها انا ماليش حد بعد ما ابوها توفى انا معرفش اعمل الا كده انا اتخانقت واتضربت هعمل ايه تاني
حكايه انا بتجوز عيله والله انا عارف بس ان شاء الله انا هبعد عنهم خالص ولا عايزه اي حاجه منهم ولا عايز اعرفهم
ممكن بس تفكروا يعني مش حرام اللي هيه بتعمله علشاني وانا اسيبها
-
مفيش شك انك بتحبها و هي بتحبك ،،،،،،،،،،،،،،، بس الجواز مش حب و بس
فكر بعقلك مش بقلبك علشان لو العقل غلط مرة القلب هيغلط ١٠٠ مرة
-
انا اهل مراتي مكانوش موافقين عليا ولحد دلوقتي مش حاسيين اني انا اللي كانوا يتمنوه
كفلوس يعني
اني مش غني واجيبهم لبنتهم عربيه والكلام الهكص ده
بس صراحه معاملتهم كويسه معايا يعني عمرهم ما حسسوني انهم مش عاوزني
كل الفكره انهم زي اي اسره عاوزين بنتهم تعيش في مستوي مادي اعلي
بس ولا عمرهم كلموني في الموضوع ده
عشان كده انا كملت
انما يبقوا كارهني بالمنظر ده
وبيعاملوني كده
طب انا حعاشرهم ازاي
ارفع سماعه التليفون حتي في العيد اقولهم ايه
مراتك اما تيجي تولد حتوديها عند مين
افرض محبتش مامتك
او بتتكسف منها
حاجات كتير اوي
اقولك علي حاجه
صلي صلاه استخاره
وخليك مع باباك وقومه بالسلامه لانك اصلا مفيش حاجه في ايدك تعملها
حتروح تضربهم يعني عشان ميجوزوهاش
سيبها لنصيبها ونصيبك
انتا معلكش غلط اصلا
ولا تسيبها
خليك معاها واقف جمبها لحد ما تشوف ربنا كاتبلكو ايه
ياربنا يهدي اهلها ويتعدلوا
يااما حتروح لصاحب نصيبها اللي ربنا كاتبهولها
بس اللي عاووز اسأله
هوا اهلها اصلا وحشين معاها طول عمرها ولا عشان الجواز بس
هما اصلا مش موافقين عليك ليه من اساسه مش بتقول عاوزين يجوزوها لاي كلب في الشارع عشان الميراث
طب ليه الرفض ليك ميجوزوها للي بتحبه طالما كده كده جواز وخلاص
-
قبل أي كلام ألف سلامة للوالد وأن شاء الله يتعالج ويخف وحاولوا ماتفقدوش الأمل في ربنا وأتكلم مع والدك وقرب منه أنت وأهلك وحسسوه أنه شيء مهم في حياتك وخلوه يقرأ قرآن كتير ويؤمن أن الله قادر على كل شيء وروحوا لأكتر من دكتور وحاول تراسل دكاترة من أمريكا أو فرنسا أو أي دولة محترمة والحكاية دي دلوقتي سهلة جداً ممكن عن طريق الأنترنت تقابل دكاترة من أمريكا وتحكيلهم الحكاية من الأول وتبعتلهم التقارير وهم هيقولولك مدى نجاح العملية وتكاليفها وأنت في مصر من غير ما تتحرك خطوة واحدة عشان توفر أي مبالغ ممكن تحتاجها بعدين .
بالنسبة للبنت اللي أنت بتحبها وخليني أختلف معاك في النقطة دي لأن من كلامك حسيت أن أحساسك ناحيتها هو شفقة على أحوالها ومحاولة لأنقاذ فتاة مسكينة من شوية عصابة أكتر من أنه يكون حب ليها معلش أنت ممكن تقولي لأ انت بتتكلم ازاي دة حب أقولك أن عقلك هو اللي بيحاول يبررلك أن دة حب لكن لو بصيت كويس جوة قلبك هتلاقي أن مفيش حب ... الحب شيء جميل يفرح القلب ويحسسك بطعم مختلف للحياة طعم يغنيك عن أي حاجة تانية مش طعم أنتحار وذبح وخناقات وفلوس وميراث كل دي عوامل تفسد أي علاقة حب فما بالك بعلاقة زواج .... الزواج يا صديقي هو مشروع العمر يا أما تأسسه صح وتكمل بسلام وتنشأ أسرة صالحة وتعيش حياة هنيئة يا أما تأسسه خطأ فيسقط وينهار وهتكون أول المتضررين بالنسبة للبنت كدة كدة هتتجوز بيك من غيرك مش هتفرق صدقني يمكن أنت لما تسيبها هترحمها من مشاكلها اللي عاملينهالها أهلها بسببك وبكدة هتبقى ساعدتها حتى لو هي ما عرفتش قيمة تضحيتك دي مستقبلاً .
والدك ثم والدك ثم والدك أنسى أي حاجة في الدنيا وخليك مع والدك هو محتاجكدلوقتي أكتر من أي وقت ... صدقني .
-
متزعلش من ردى
بس فى حاجة غلط
فى حاجة غريبة فى الموضوع ده
فى حاجة ناقصة !!!
-
صديقى العزيز
هل تاخذ بالخبرة العملية
طيب بص
انا كنت فى نفس مشكلتك نسخه كربون كده
الخلاصه
اول حاجة جمد قلبك واهدى وارمى حمولك على الله وقول راضى بحكمك وقدرك يارب وكله خير
صلى صلاه الاستخارة تلات مرات وياريت كونوا قبل ما تنام وياريت باليل
وبس
كده انت الى عملت كل الى عليك والباقى بقى بتاع ربنا
لو ربنا كاتلهالك هاتجيلك غصب عنك وعن اى حد
لو ماحصلش اى حاجة يبقى صدقنى ربنا مش رايد ( ولا راد لقضاء الله )
واحتسب حبك وقلبك عن الله وارضى بما قسمه الله واقطع العلاقة نهااااااااااااااااااااااا ااااااااائى حتى لا تظلمها ولا تعلقها بك اكثر
-
شوف يا أخى
اولا عليك بصلاة الاستخاره
ثم اعمل بنصيحة والدك وامن مستقبلك بشغلانه كويسه وعقد ثابت
وركز فى مستقبلك وصدقنى هتنسى مع الوقت ومع ظروف المعيشه الصعبه اللى لازم تأمنها الاول بالعمل وبعدين إن شاء الله هتلاقى بنت الحلال اللى تستهلك وتناسبك هي واهلها وترتاح لها انت واهلك
انا معاك انها ممكن تكون كويسه من وجهة نظرك لكن متزعلش منى اللى تحاول الانتحار يبقى متعرفش ربنا وكمان واضح ان اهلها ميعرفوش ربنا ولا هم من وسطك وممكن تكون اللى بتعمله ده ميكونش علشانك لكن علشان تخلص من اهلها مع حد شاريها وانا متاكد ان لو جلها حد فيه مميزاتك بالنسبه لها هتوافق لان زى ما قلت لك هى عايزه تخلص منهم مع حد ظروفه احسن من اهلها.
وفى النهايه اتمنى لك التوفيق.
-
السلام عليكم_روق كدة وصلى على النبى__انا كنت فى نفس قصتك دى_بس الموضوع كان اقل شوية_أهلها رخميين_بس مش لدرجة الأذية_والقتل_انا شايف إنك تسيبها أريحلك_وأكرملك_البنات كتير يا إبن الحلال_وصدقنى مافيش حاجة اسمها حب_فى حاجة اسمها إعجاب_وإنجذاب_سواء للشكل أو الشخصية_سيبها_وابعد_إحنا مش فى زمن المغامرات_وزمن عنتر _اللى إتجوز عبلة_إنتهى من زمان_كانوا_بيتجوزوا فى عشة_ولا خيمة_ويحلبوا المعزة_ويكلوا من الأرض__انت يا صاحبى_هاتتنفخ فى شقة_ب100000_أقل واجب_وعفش _وفرح وبلاوى_يبقى تختار_صح_لإنك_تعبت_واللى هاتعملة مرة_مش هاتعرف تحققة تانى_"إختار إنسانة_أهلها يقدروك_ويحبوك_عييش فى سلام_حد يبقى قدامة السلام_ويختار الحرب_إبعد يا صاحبى_إحنا مش ناقصين_اللى يشيلك ويحبك_ويعاملك بحب وود_اتجوز بنتة_وناسبة_واللى يقرفك_سيبك منة _إحنا مش ناقصين_هايبقى قرف فى الشغل_والبيت_وفى الشارع_ومع عيلتها كمان!
صدقنى انا كمان زيك والتفكير قاتلنى لحد دلوقتى_وفى طريقى لإنهاء الموضوع
-
انا هرد على مجمل الردود
اول حاجه الكلام اللي بيحصل عندهم ده مفروض معرفوش ده بيحصل من الضغط بتاعي عليها واتقمص لغايه ما تقول
كل علاقتي بيهم اللي حصل اني قابلت امها واخوها واخوها التاني وكلمت امها لما كانت في المدينه علشان اقابلها
حكايه اني بحبها اه بحبها جدا من قبل الحوارات دي تحصل كلها
بس حكايه ابويا دي هزتني جامد - ربنا يعافيه يارب - وبقه اهم حاجه عندي هوه وبس والله يقوم سالم وانا مش عايز اي حاجه من الدنيا تاني
اللي خلاني احكي هوه اصرارهم انهم جايبين واحد الخميس ده وهتوافقي غصبن عنك
بالنسبه لحكايه هما كده من زمان اقولك لا الكلام ده مظهرش الا السنه ده وما زادش الا في الفتره الاخيره علشان انا مجيتش
انا على فكره السبب اللي خلاني اقاببلهم في الاول حاجتين علشان يعرفو انا داخل عليهم ولا بلعب ولا بهرج والنقطه التانيه اشوفهم عايزين ايه ودماغهم ايه ومحستش فيها ساعتها حاجه غلط كله كان كويس
نقطه انهم يجوزوها لاي كلب علشان شايفين اني مش جاهز لسه وقالولها من كام يوم انسي انك تتجوزيه يجيب شقه ملك وعفش من اغلى حاجه وساعتها نوافق بيعجزوني يعني
استاذ بيشوي ياريت تقولي شايف ايه ناقص ممكن فيه حاجه انا مش اخد بالي منها
المشكله دلوقتي بتقولي انا خلاص تعبت عملت كل حاجه ومعدش فارق انا هتخطب ووالله هطفشو بس اكسب بيه وقت
عقبال ما انتا تيجي
استاذ توم ياريت تقولي على تجربتك على الخاص ممكن استفيد منها
يا استاذ ابن مصر اول سنه عدت ما هيه كانت عايزاني من غير يكون في اي مشاكل بتحصل عندها الكلام ده حصل السنه دي
Content Relevant URLs by
vBSEO 3.6.0 PL2