استاذ بيشوي معلش مفهمتش حضرتك تقصد ايه بالتغيير التاني
وسؤالي ليك زي ايه الاسباب ممكن تكون ؟؟؟؟
عرض للطباعة
أنا لما قريت الموضوع ده حسيت بيك لأنى مريت بمشكله فيها شبه كبيلا أوى بمشكلنك مع الفارق فى بعض الحاجت الأساسيه والمهمه أوى زى أن خطيبتى مثلا عمرها ما حاولت الأنتحار (ودى حاجه مهمه جدااااااااا)لأن معنى أن واحد يفكر فى الأنتحار ويعمل هذا الفعل أن الشخص ده مش على قدر كافى من التدين والألتزام.
مع أحترامى لحضرتك بس أنت لازم تفكر كويس أوى فى البنت اللى هتشيل أسمك وهتحقظ شرفك وهتربى ولادك فى المستقبل،والرأى اللى كونته عن البنت دى أنها متنفعش تبقى أى حاجه من الحاجات دى.....ومش هتكلم عن أهلها ولا عن أمها (ربنا يهديهم)ومش هقولك أختار خال وجدة أولادك (مع أن ده شىء مهم جدا)....لكن هقولك تانى أختار اللى هتبقى مراتك صح.
أنا دايما فى المواضيع دى مش بشجع الراجل أنه يسيب البنت وخصوصا لو بتحبه وبيحبها...لكن فى موضوعك ده لازم تفكر كويس أوى...وصلى أستخاره كتير وأطلب من ربنا يوجهك للصح.
أسف قريت حاجة غلط انهم بقوا بيعاملوها كويس تانى مش عارف قريتها فين ديه
المهم فى حاجات كتير قوى غريبة باذات موضوع انهم مستعجلين قوى انهيا تتجوز لدرجة انهم قالبين الدنيا عشان المووضع ده وشكلك من كﻻمك بيقول انها مش كبيره يعنى وموضوع الميراث مش مقنع وتصرفات خالها واخوتها غريبة قوى وإيه اللى يخليها توصل ﻷنها تحاول تنتحر !!!! يعنى قصدى ان فى حاجات كتير قوى انته مش عارفها ومش متأكد منها + انك مش فى مصر كمان
رد حضرتك دليل انك كاتب الموضوع عشان عايز الناس تقول لك اوعى تسيبها و اوعى تتخلى عنها و كده عشان نفسيا انت بتمر بصراع بس مشاعرك ميالة لانك ما تسيبهاش بس صوت العقل بيقول سيبها فانت عايز طرف تالت يقول لك من فضلك ما تسيبهاش عشان داخليا ما تلومش نفسك و تقول هو اللي قال لي كده لو حصل مشاكل
كلنا بنكتئب و بنعوز نهرب
بس نهرب باننا ندب اكله تقيلة لما نتعمي من الاكل و نخش ننام
ننزل نقعد عالقهوة مع اصحابنا
نضيع وقت في اي حاجة
مش نبلبع اقراص ضغط و سكر
مفيش حاجة اسمها هي عارفة الجرعة
هي مش طبيبة و مش كل مرة تسلم الجرة ابسط شئ ممكن زحمة مرور تعطلهم عن الوصول للمستشفى
معلش دي سلوكيات غير سوية و تدل على - بخلاف امراض سلوكية متغلغلة - نقص في الدين و الايمان بالله .... يعني ايه واحدة تنتحر عشان اتجوز فلان .... اخسر دنيا و اخرة عشان واحد ؟؟؟؟؟؟ يا نهار اسود !!!!! دي حاجة مش المفروض تفرحك دي المفروض تحزنك !!!
و صدقني زي ما بتستعمل الاسلوب ده مع اهلها لو اتجوزتك هتستعمله معاك و هتكره العيش و العيشة و اللي عايشينها
غير ان لما تحصل بينكم مشاكل (طبعا دلوقتي حضرتك مش متخيل عصافير الحب - مش سخرية و الله - ازاي يتخانقوا ...... لا هتتخانقوا اكيد و الا ما تبقوش بشر) ..... مين من اهلها هينصفك و يقف معاك؟
لو اهلها مش شايلينك من عالارض شيل يبقى فكك
مهما كنت بتحبها .... الجوازة دي = تعاسة مدى الحياة
بسم الله الرحمن الرحيم
حضرتك وى اول حاجه: واثق من الكلام اللي البنت بتقولو زي انهم بيعذبوها او كانوا حيدبحوها ؟؟ حضرتك شفتها مضروه او متعوره ؟ لما بتقولك انا في المستشفي روحت انتا قبل كده تشوف اذا كانت بتكدب ولا لأ?? يا باشا ممكن يكون الموضوع اشتغاله كبيره اوي ارجو ان حضرتك ترد عليا الرد الجازم وانا ان شاء الله ممكن اساعد حضرتك