ماذا تفعل لو كنت مكاني!

**M.Mosaad** · 05-10-2010 10:03 AM

طالما الاب شملول اوي كدة و هيدفع من 1 ل 1000 جنيه يبقي يتعمل محضر تتقدر فيه التلفيات و يشوف هيدفعله تمن التصليح و لا لأ و لو مدفعشي يبقي يمشي في اجراءات المحضر عادي جدااااااا

الناس اللي معندهاش دم ميتقالشي عليهم جيران

**n_i_t_e** · 05-10-2010 10:32 AM

المشاركة الأصلية كتبت بواسطة dr_mido

محضر ومعاينه بالتلفيات وتعمل قضيه حتى و كلمه جيران متنطبقش على دول

+111
صاحبك حاول بالتراضى و مفيش فايدة...
يياخد حقه بالقانون يالا يقبل كده على عربيته و مش هيعرف يعيش كده.
عايز تقنعه؟
قوله لو ابنه كسر عمل كده فى عربيتهم كانوا عملوا فيه ايه؟

**a_samy** · 05-10-2010 10:42 AM

يعنى هو شاف الولد بيرفع غطا العربيه وبخبطها بالطوبه من ورد ومن قدام ومعملش حاجه وبعدين عاوز تقوله يعمل ايه دلوقتى؟؟؟؟
بص هو قدامه حل من أتنين:
1-يعمل محضر بالواقعه ويدفع جاره ده تمن الإصلاحات وبعدين يتفق مع جراج ويركن العربيه فيه.
2-يركن العربيه فى جراج ويريح باله من وجع الدماغ ده.

**kh_talaat** · 05-10-2010 11:03 AM

الجيران دول ينطبق عليهم مثل يخافوا ميختشوش

لذلك لازم يتعمل محضر مع حضور ظابط او امين شرطة لمعاينة العربية وتقدير التلفيات وتتهم الأب مش الطفل ومن خلال المحضر هيتم استدعاءه

ساعتها هتلاقيه اتلم واعتذر وهيطلب التصالح وعمره ما هيعمل كدة تاني

ودة طبعا محتاج واسطة معاك عشان السرعة والأهتمام

وبصراحه شاكك ان طفل عمره سنتين يقدر يعمل كدة ويشيل غطاء العربية ويحدف طوبة كبيرة تسبب الأضرار البالغة دي فأكيد فيه تربص من الأب من الأول

**Ruin Scud** · 05-10-2010 04:00 PM

بالفعل يا عزيزي الفاضل هذا الموضوع تم عن تحريض وبدافع مسبق , حيث أن هذا الطفل تعمد رفع الغطاء وخبط السياره وهذا ليس بشيء عارض حدث بالصدفه هذا غير تجاهل الأب.
المهم أني توجهت اليوم مع الصديق وعمل محضر وتم عمل معاينه للسياره ونتيجة المعاينه وجوج سحجات في الكبوت والشنطه.
وتم عمل المحضر ضد الأب وبعد عمل المحضر توجهنا الى محامي لكي يسرع في الإجراءات ومتابعة الموضوع.
ولله الحمد تم العثور على جراج للسياره.
سوف اوافيكم بأي مستجدات بعون الله تعالى ولو هناك أي اراء ارجو منكم التكرم بمشاركتها.