الموضوع: برجاء الافاده بسرعه ارجوكم

المشاركة الأصلية كتبت بواسطة eng_ahmed_90

اولا : الاكسنت كاربيراتير يعني صيانه اسهل و بنزين 80 هيقضي الغرض

حسب معلوماتي مش كل الاكسنت كاربيراتير ,, ولكن الحقن الإلكتروني افضل بالنسبه لتوفير البنزين والسحب والصيانه

المشاركة الأصلية كتبت بواسطة eng_ahmed_90

ثانيا : قطع غيار الهيونداي الاصلي موجوده في كل مكان علي عكس الدايو

وقطع غيار الدايو الأصليه بردو موجوده عند محلات مشهوره ومعروفه بالإسم , وفي اي نوع من انواع العربيات في حاجات اصلي وفي حاجات مش اصلي , وكله بيتساوى في الاخر

المشاركة الأصلية كتبت بواسطة eng_ahmed_90

ثالثا : اللانوس بحساسات بتبوظ من نقطه ميه او شويه wd40

طبعا معنى الكلام هنا انه ده بيكون عدم وعي من مستخدم السياره مش عيب في العربيه نفسها , وانا الحمد لله من خلال استخدامي للدايو لانوس لسنين طويله مقابلتش ولا مشكله مع اي حساس في العربيه والحمد لله , لاني فاهمها وبعرف اتعامل معاها (وعلى فكره بعمل صيانتها بإيدي احياناً)

وبردو هقول لحضرتك حاجه مهمه جدا , ان الحساسات الموجوده في العربيه بتديك مؤشرات لحاجات كتير بدل ما تتفاجئ بعطل سخيف على طريق سفر مثلا , و تقدر تعرف حاله حساسات العربيه كلها في خلال 10 دقائق عن طريق الاسكانر

المشاركة الأصلية كتبت بواسطة eng_ahmed_90

رابعا : عفشه اللانوس ضعيفه جدا

انا معاك في النقطه دي , لكن كل شئ و ليه حل , لو صاحب العربيه امكانياته تسمح انه يركب مساعدين محترمه وسوست apex مثلا فـ وقتها هتكون عفشه اللانوس اقوى من عفشه الاكسنت مليون مره

لكن بردو حسب طبيعه الاستخدام لانها في الاول والاخر كلها عربيات ملاكي واستخدامها محدود على نطاق معين , وكل واحد حسب ظروف استخدامه وقيادته بيختار العربيه اللي تناسبه

اتمنى اكون وضحت وجهة نظري ورؤيتي للسيارتين , ومش معنى كلامي اني بعترض على كلام حضرتك طبعا , لكن الفكره من الكلام هو توضيح الايجابيات والسلبيات لكل سياره , والهدف النهائي هو ان يستفيد الزميل صاحب الموضوع ويقدر ياخد قرار صحيح لا يندم عليه في يوم من الايام