برجاء الافاده بسرعه ارجوكم

**sherif_mohamed** · 05-10-2010 03:33 AM

انا معايا حوالى 36 الف جنيه مش عارف حيران عاوز اجيب لانوس ولا اجين اكسنت 1500ccناس تقولى ابعد عن اللانوس عربيه كل شغلها كمبيوتر ومعقده شويه وناس تقولى الاكسنت عربيه هايله فى كل حاجه فى السحب والبنزين والشكل وكل حاجه ارجوكم افيدونى اجيب ايه مش عارف وخايف البس فى اى حاجه وخلاص ارجوككم افيدونى واسف على التطويل

اللون الاحمر مخصص للادارة

يرجى مراجعة قوانين المنتدى

مشرف عام الكورى و الماليزى

**zaza2002** · 05-10-2010 05:16 AM

اللانوس عربيه محترمه بمعنى الكلمه وكل اللى عايزاه الاهتمام بالصيانه فقط وبجد عربيه اصيله جداجدا لكن انا لى سؤال لحضرتك انت كاتب فى بياناتك الشخصيه ان معاك لانوس واكسنت

**محمد الشامي** · 05-10-2010 09:06 AM

اللانوس ناعمه عن الاكسنت , وكمان شغلها وصيانتها مش معقده ولا حاجه , بالاضافه الى انها اكبر من الأكسنت داخليا وخارجيا

الأكسنت عزمها اقوى وتجميعها على السرعات العاليه افضل , لكن الاتنين نفس السرعه القصوى , وده عن تجربه , انا والاكسنت كان اخرنا 170 كم/ ساعه على الصحراوي مع مراعاه ان الاكسنت كانت محمله 2 فرد , واللانوس كانت محمله 4 افراد

**falak** · 05-10-2010 09:28 AM

من وجهة نظري الشخصية :
اللانوس : أكثر استقراراً / أوسع / مرتفعة عن الأرض أكثر من اللانوس
الأكسنت : التسارع أحسن ، أوفر في البنزين .

كلاهما : قطع الغيار متقاربة جدا وكلاهما يتميز بتوافر وعدم غلاء قطع غيارهما .

**acoount** · 05-10-2010 10:37 AM

طبعا انا مش هقدر اتكلم بعد الاعضاء المحترمين بس ليه راى اخر
هو ان حضرتك تصرف نظر عن الشراء خالص لان اى واحد معاه عربيه بقى بيكره نفسه من زحمه الشوارع ومن صعوبه الركنه ومن رزاله المرور وربنا يوفقك للصالح

**محمد الشامي** · 05-10-2010 11:08 AM

المشاركة الأصلية كتبت بواسطة acoount

هو ان حضرتك تصرف نظر عن الشراء خالص لان اى واحد معاه عربيه بقى بيكره نفسه من زحمه الشوارع ومن صعوبه الركنه ومن رزاله المرور وربنا يوفقك للصالح

والله انا معاك جدا جدا جدا في رأيك :-) بس للاسف العربيه دلوقتي اصبحت اساسيات مش كماليات

**احمد المصرى** · 05-10-2010 01:04 PM

المشاركة الأصلية كتبت بواسطة محمد الشامي

والله انا معاك جدا جدا جدا في رأيك :-) بس للاسف العربيه دلوقتي اصبحت اساسيات مش كماليات

+111111111
انا كل ما اعدى من امام جامع الحصرى فى اكتوبر واشوف الزحمه ال هناك اقول الحمد لله الذى عافانا وانعم علينا بنعمه العربيه

الحمد لله بجد

**tito_1980** · 05-10-2010 07:32 PM

خليك في الاكسنت احسن و بلاش من اللانوس

**tito_1980** · 05-10-2010 07:55 PM

المشاركة الأصلية كتبت بواسطة محمد الشامي

طيب احنا كلنا بنقول خليك مع كذا عشان كذا وكذا :-) لكن حضرتك قولت الاكسنت بدون ذكر سبب واحد حتى !!!! :-) ياريت الاسباب عشان الصوره تكون اوضح والكل يستفيد :-)

حاضر يا باشا
اولا : الاكسنت كاربيراتير يعني صيانه اسهل و بنزين 80 هيقضي الغرض
ثانيا : قطع غيار الهيونداي الاصلي موجوده في كل مكان علي عكس الدايو
ثالثا : اللانوس بحساسات بتبوظ من نقطه ميه او شويه wd40
رابعا : عفشه اللانوس ضعيفه جدا

طبعا كلامي عن الاكسنت و اللانوس عن تجارب قياده فعليه
كان معانا 2 لانوس و 1 جوليت و ال 3 عربيات كان فيهم
المشاكل السابق ذكرها بالنسبه للاكسنت سوقتها قبل كده

-

الموضوع: برجاء الافاده بسرعه ارجوكم

LinkBack

أدوات الموضوع

عرض

-

-

-

-

المواضيع المتشابهه

ارجو الافاده بسرعه ارجوكم في باسات 2006

رجاء الافاده بسرعه

ارجو الافاده بسرعه

ارجوكم يا جماعه نازل السوق ومحتار الافاده ارجوكم

الكلمات الدلالية لهذا الموضوع

المفضلات

المفضلات

ضوابط المشاركة