الموضوع: موضوع مضايقنى جداعلى الطرق

مرة كنت راجع من 6 اكتوبر وواخد الدائرى كان بقالى فترة كبيرة جدا مخدتش الطريق ده للهرم وفجأة لقيت العربيات بتهدى جامد وطلع مطب بعرض الطريق لية معرفش واشمعنى المكان ده معرفش وعلى الدائرى ايوة المهم انا لحقت نفسى وحكمت عربيتى ووقفتها قبل المطب وفى لحظتها اسمع صوت فرامل وصريخ كاوتش جاى من بعيد واحد بكرولا 2010 مخدش بالة غير متأخر وكان هيلبس فيا لولا ستر ربنا وقمت واخد المطب جرى قبل ما يخبط فيا بس انا كان نفسى اسأل حد من الى عملو المطب ليييييييييييييييييييييييي يية واشمعنى فى الحتة المقطوعة دى احنا ماشيين بستر ربنا ومش شايفين حاجو فى الحتة المقطوعة دى قوم كمان تحطولنا مطب اية بتصدادونا ولا اية طيب ادهنوه اصفر طيب علامة طيب لمبة سهارى حتى وبالرغم من ان محصليش حاجة بس متأكد ان فى غيرى لبس بالعبيط وكل ده علشان عندنا عباقرة فى مصر بيعملو مطبات بالفطرة

أنا امبارح مسافر المنصورة و قدامى عربية نيسان على الطريق الدائرى مكنش شايف الرصيف و اخده فى النص...العربية ضاعت..

فين الكلام دا تحديدا يا ريس و حوار الرصيف دا انا مش مستوعوبه الصراحه...يعني قصدك الرصيف اللي بيبقي قبل كل نزله و لا ايه؟

ادهنوه اصفر طيب علامة طيب لمبة سهارى

ومين سمعك يا باشا...انا علي طرق كتير قوي الاقي جزء من الطريق مخطط اصفر و اهدي و في الاخر يطلع مفيش مطب..زينه يعني و في احيان كتيير يحطلك علامه تحذيريه ان في مطب جاي و تهدي و يطلع مفيش...انما لو في مطب بتلاقيه بنفس لون الاسفلت و دون اي تحذير مسبق!!...مفاجأه و قابل انت بقي