هل يمكن الأسغناء عن القايمه والمؤخر؟
وإذا كان ولا بد من المؤخر ما أقصى حد يمكن دفعه للمؤخر؟
ياريت أعضاء المنتدى الكرام يقولوا رأيهم فى الموضوع ده؟
عرض للطباعة
هل يمكن الأسغناء عن القايمه والمؤخر؟
وإذا كان ولا بد من المؤخر ما أقصى حد يمكن دفعه للمؤخر؟
ياريت أعضاء المنتدى الكرام يقولوا رأيهم فى الموضوع ده؟
بتسأل من حيث ايه ان اهلها ممكن يوافقوا يعنى؟
المؤخر ده يعنى باقى المهر يعنى مكنش معاك فلوس تدفع مهر واجلته لما ربنا يكرمك وتقدر تعطيه لها ده غير شرا العفش دى حاجة تانية ومفيش حد اقصى ولا ادنى حتى لما عمر الفاروق حاول يعمل حد اقصى امرأة ردت عليه بالآية الكريمة
اما العفش فهو كده كده شرعا من حقها لو حصل لا قدر الله اى حاجة
وايه سبب السؤال الأستغناء عنهم هل خوف من حاجة معينة؟
ولو عايز استفاضة فى الكلام من منظور دينى مش اجتماعى ممكن اجيب لك
فى بلاد عرفها تكتب قايمة وفى بلاد مش بتكتب
ماهو الغرض الاساسي من الاستغناء عنهم؟؟
الاستغناء عن القايمة والمؤخر لن يؤثر كثيرا في عملية الزواج او تيسيره.. حيث ان الدارج ان القايمة والمؤخر من الامور المتعلقة بالطلاق وليست داخلة في صلب الزواج!
ولكن يجب الاخذ في الاعتبار عند تحديد المؤخر انه جزء من المهر او الصداق مستحق للدفع وانه دين على الزوج يسدده حين استطاعته.. ولكنه يكون واجب السداد بحلول احد الاجلين الوفاة او الطلاق..
سبب السؤال أن فى أهل بيغالوا فى المؤخر وبيكتبوا القايمه بأرقام فلكيه ده غير أن فى ناس تكتب كل كبيره وصغيره فى القايمه...إذا كان المؤخر هو باقى المهر بتاع العروسه ولازم يدفع لأنه دين على العريس،فأعتقد أن القايمه حاجه تانيه خالص.
المفروض أن القايمه (لو أتعملت)يتكنب فيها الحاجت اللى العروسه أشترتها عشان تضمن حقها(تقولش داخله حرب ولا حتتجوز نصاب)...ماشى...طب ليه يتكيب فيها بقى الحاجات اللى العريس كمان بيشتريها؟
أنا لما سألت أصحابى وزمايلى فى الشعل لقيت أن فى ناس بتكتب قايمه فعلابالعفش بس (مش طقم شوك وكوبيات ومفارش وكلام من ده).
وفى ناس تانيه مش كاتبه ولا قايمه ولا مؤخر حتى،طب يعنى الأهل اللى مش كاتبين قايمه ومؤخر دول مش عاوزين يحافظوا على حق بنتهم ولا ايه؟
عاوز أعرف أرائكم فى الموضوع ده.
المفروض ان الزوجة لها الحق في الحصول على المهر ويكون حق خالص لها ولا تكلف بالانفاق منه على تأثيث البيت .. يعني تجيب بيه اللي هي عايزاه
وتأثيث بيت الزوجية واجب على الزوج وهو وحده المكلف به وليس على الزوجة اي التزام بتجهيز شيء في البيت..
ونظرا لان في معظم حالات الزواج مش بيندفع مهر انما بيقوم الزوج بتأثيث المسكن بالتالي الاثاث دا بيكون ملك للزوجة ..
علشان كدا بيتكتب في القايمة بالاضافة للاثاث اللي هي جايباه وهي مش مكلفة بيه اصلا..
ياااااااااااااااااااااااا اه لو عملتوها بجد هتبقو بنات مصر الاصليين اللي شربو من نيلها. وافتكرو كويس انك لو عملتيها النهاردة هتتردلك في جوازة اخوكي بكرة. فتساهلو عشان ربنا يسهلكو حالكو والنسبة كبرت اوووووووووووووووووووي والانتاج بقي كتيررررررررررر فخلو بالكو البقاء بقي للاقوي. فبدل مانقول نعدد زوجات عشان نقضي عالعنوسة نتساهل فالطلبات وهنبقي احنا الكسبانين بدل ماندي بنتنا لواحد اكبر منها بكاااااااااام سنة نديها لشاب من سنها وكفاية انها هتبقي الوحيدة في حياته.
ماهو انتا لاااااااااااااااااااااااا ااازم توافقني الراي وتشجع كمان انتا معانا ولا معاهم ياصاحبي. واحب اضيف حاجة لو هما بيعانو العنوسة احنا بنعاني تاخر سن الجواز فالطرفين عندهم مشكلة مشتركة وحلها بسيط اووووووووووووي ( هما عايزين يتجوزو واحنا معندناش مانع:ma: قصدي نفسنا نتجوز ) فنحط ايدينا في ايد بعض :satelite:ونحل المشكلة.
ولما تتردلي في اخويا انا هاستفيد ايه
لو واحدة اتطلقت دلوقتي بعد ما ضيعت احلى سنين عمرها في الزواج وتربية اطفال واستغنت عن فرص العمل عشان تتفرغ لبيتها وزوجها واطفالها
لما تطلق تعيش منين يعني حتى متلاقيش مؤخر يساعدها على الحياة
ولا تلاقي عفش تعيش بيه
واخويا هايفيدني بايه مهو اكيد مليون في المية هايبدي زوجته واطفاله وبيته علياولو ساعدني مرة مش هيساعدني التانية
وللعلم المؤخر دين على الرجل واجب رده في احد الاجلين الطلاق او موت الرجل
وكان الشيخ سامي السرساوي بينصح بسداد المؤخر في حياة الرجل وبدون طلاق لان محدش ضامن لو مات الورثة هايسددوا عنه دين المؤخر ولا لأ
علي فكرة انتي فهمتي كلامي غلط انا قولت نتساهل فالطلبات انما لو استغنيتو عن القايمة والمؤخر ده يبقي كرم كبير (ودلوقتي يعتبر مساعدة كبيرة جدااااااااا لاتمام الزواج بسبب الظروف الصعبة اللي بتعيشها مصر كلها بصفة عامة وشبابها بصفة خاصة سواء بنات او ولاد).
وللعلم انا مرضاش مهماااااااااااااااااااااا كانت ظروفي صعبة اني اتجوز بنت من غير قايمة ومؤخر وكل حقوقها الشرعية ( بس فالمقابل يكون فيه تقدير وعدم مغالاة فالطلبات ). لاني عندي قناعة ان اللي بييجي رخيص بيروح رخيص ومش قصدي اني بشتريها بفلوسي لالالالالالالالالا طبعا قصدي اني تعبت قبل ماوصلها فهحافظ عليها.
اخر حاجة عايز اتكلم فيها بخصوص ( لو حصل طلاق لا قدر الله ) بلاش نسبق بالشر لاننا لو فكرنا فالطلاق والحقوق قبل مانتجوز يبقي بلاش نتجوز احسنلنا واوفرلنا واكرملنا . احنا بنتكلم عالحالات المثالية زواج بين طرفين متفاهمين وعلتين راضيين بالنسب.
وعلي فكرة المؤخر والقايمة مش هما اللي بيامنو مستقبل اللي بتتطلق ممكن اكون كاتبلها ملايين بس بهدلتها معايا ملايين الدنيا متكفيهاش ومش هترضلها كرماتها.
فرجاااااااااااااااااااااا ااااااء بلاش نسبق بالشر لان في جوازات بتبوظ عشان قيمة المؤخر اللي بيتكتب فالعقد ويعدو يقولو ده حبر علي ورق . فمدم حبر علي ورق ليه المبالغة فيه الا بقي لو انتو اصلا معندكوش ثقة ثقة فالشخص اللي هتدوله بنتكو وعايزين تمسكوه بمبلغ محترم فالاكرم ترفضوه احسن.
عارف الموضوع دة كبيييييييير قوى
ولازم تحط نفسك فمكان الطرف التانى
يعنى لو انت اب و بنتك هتتجوز هتضمن منين انة يحافظ عليها ؟؟
مع ان مهما اخدت من ضمنات دة ولا يسوى حاجة جنب ان بنتك تكون سعيدة بس فى حالات فعلا تستاهل انك تعمل كدة وفى حالات ملهاش لازمة الورق دة اصلا خاااااالص لأنة ببساطة ممكن الزوج يزهقها و تخلعة و تتنازل عن كل حاجة فسبيل انها تخلص منة ...
مفيش حاجة مضمونة دلوقتى للأسف لوانت نيتك سليمة هتمضيها و انت عارف ان دة حاجة كدة مؤقتة وبتتنسى ولا ليها لازمة
اما بخصوص المؤخر اخويا لما جة يتجوز قال انا هعمل زى اختى بالظبط كان المؤخر 30 الف وبنفس تمن الشبكة بردو وكل حاجة قال هعمل زى اختى
بص طالما انت داخل نيتككويسة و مطمن اهل العروسة على بنتهم و الله ولا هيفرق اى فلوس عندهم اهم حاجة بيبصولها انها تتستر وتكون سعيدة
وموضوع المؤخر دة فى الشرع ودة بيكون دين عليك لمراتك وكتير من الستات بتسامح فى الدين دة
عارف الموضوع دة كبيييييييير قوى
ولازم تحط نفسك فمكان الطرف التانى
يعنى لو انت اب و بنتك هتتجوز هتضمن منين انة يحافظ عليها ؟؟
مع ان مهما اخدت من ضمنات دة ولا يسوى حاجة جنب ان بنتك تكون سعيدة بس فى حالات فعلا تستاهل انك تعمل كدة وفى حالات ملهاش لازمة الورق دة اصلا خاااااالص لأنة ببساطة ممكن الزوج يزهقها و تخلعة و تتنازل عن كل حاجة فسبيل انها تخلص منة ...
مفيش حاجة مضمونة دلوقتى للأسف لوانت نيتك سليمة هتمضيها و انت عارف ان دة حاجة كدة مؤقتة وبتتنسى ولا ليها لازمة
اما بخصوص المؤخر اخويا لما جة يتجوز قال انا هعمل زى اختى بالظبط كان المؤخر 30 الف وبنفس تمن الشبكة بردو وكل حاجة قال هعمل زى اختى
بص طالما انت داخل نيتككويسة و مطمن اهل العروسة على بنتهم و الله ولا هيفرق اى فلوس عندهم اهم حاجة بيبصولها انها تتستر وتكون سعيدة
وموضوع المؤخر دة فى الشرع ودة بيكون دين عليك لمراتك وكتير من الستات بتسامح فى الدين دة
بما انك كتبيتي المشاركة مرتين يبقي انا هحييكي مرتين عالرد بتاعك جدا ياسوما.
لان فعلا هو ده اللي بتكلم فيه اهم حاجة الطرفين يكونو متفاهمين والعيلتين يكونو راضيين بالنسب وكل حاجة بعد كدة سهلة.
انا عندي مبدء بستخدمه في حياتي ( شغلي - شراء - بيع ....) وان شاء الله لما اجي اتجوز وهو ( انا عاوز وانتا عاوز يبقي ان شاء الله هنوصل لبعض انما لو انا عاوز وانتا قافش يبقي فرصة سعيدة جدا ).
انا كمان مش مع المغالاة
وعموما قيمة الفلوس بتقل بمرور الزمن
يعني من 10 سنين اللي كان مؤخرها 10 الاف جنيه لو اتطلقت دلوقت ال 10 دول ميجبوش مش هايكفوها مصاريف 10 شهور
وبردو انا عارفه ان الرجل الي كاتب على نفسه مؤخر وقايمة كبيرة لو مش متقي ربنا في زوجته قادر يخليها تقول حقي برقبتي وتتنازل عن كل شيء
وبعدين موضوع الثقة في اللي جاي يتقدم يجي منين
معلش يعني مهو كل حالة زواج فاشلة بدأت بثقة في الرجل وبعدين الخلافات اللي بتتولد بينهم سواء الرجل مخطيء او ست بتغير النفوس والقلوب والرجل دائما اقوى سواء بتحكمه في الست او في سوء المعاملة
والرجل قادر على ان يعيد ترتيب اوراقه من جديد وبدأ بحياة جديدة واسرة جديدة حتى ان كلفه ده فلوس تاني
لكن الست لو اتجوزت حتى شهر واحد وخلفت طفل واحد خلاص فرص انشاء حياة جديدة وزوج جديد بقت صعبة وهي الخسرانة حياتها
فهل خسارة الحياة والعمر من قبل الزوجة تضاهي خسارة فلوس من قبل الرجل ؟؟!!
انا متفق معاكي جدااااااااااااا في كل اللي قولتيه بس احب اوضح وبشدة ان الراجل مفيش فلوس هتمسكه وهتجبره انه يعاملها كويس يعني لو مكنش من جواه (راجل محترم):verygood: واعترف ان اسلوب معاملة المراة احترام وفن لازم كل الشباب والرجالة يتعلموه (طبعا بتكلم عن معاملة نوعية معينة من السيدات انما السيدات اللي لسانهم متبري منهم دول بقي ليهم تكتيك تاني موجود برده :shyy:بس زي ماقولت بلاش نسبق بالشر).
ففي رايي الشخصي المتواضع ان كللللللللللللللل شيء فيه احتمالية الفشل والنجاح بس نعمل اللي علينا ونتوكل علي الله ونسيبها لله.
في ايدنا نسهل جوازة نسهلها ومنعقدهاش بقي بطلبات مبالغ فيها وقايمة تهد الحيل ومؤخر يخرب بيوت بحجة اننا بنامن مستقبل بنتنا لاء كدة انتو بتنهو زواج بنتكو قبل ماتبدءوه.
وفالاخر خاااااااااااااااالص زي مالولد بيختار عروسته وبيفرزها ويجيب اصلها وفصل من حقكو انتو كمان تفرزو العريس اللي جاي وتقلبوه عالجنبين كمان. بعد كدة لو رضينا بيه مبدءيا كشخصية واصل وفصل كلها بعد كدة حاجات بسيطة مهمااااااااااااااا كانت طلباتكو مش هتكون اغلي من بنتكو.
وهنهي بموقف صغير حصل لواحد صاحبي برده واجه مغالاة فالطلبات فبعد مطفح الكيل من اهل عروسته قال لوالدها ( ياااااااااااااااااااااااع م الحاج انتا بتتكلم في شبكة ايه ومهر ايه وعفش ايه دنا هاخد بنتك منك ولو سمعت كلامك وجبت اللي كل اللي انتا عاوزه وجيت بعده بيوم واحد قولتلها انا مزنوق وعايز دهبك وهي مرضتش هجيبهالك بشنطتها معززة مكرمة لانها متلزمنيييييييييييييييييش مادام مش هتشيل معايا زلاتي).
على فكرة الموضوع ده أول ما بأسمعة بيجيلى قرف فظيع وباحس إن عايز أرج.....
العائلات اللى ليها أصل وعينيها ماليانة (مش لازم على فكرة يكونوا أغنياء) عمرها ما تعمل كده
اساسا المؤخر دا جزء لا يتجزأ من الصداق وهو دين على الزوج يحل أجله حال توفر قيمته مع الزوج ومش صحيح زي قالت بعض الآنسات هنا إن أجل الدين ده يحل إما بوفاة الزوج أو بالطلاق "لأنه أصلا مالوش علاقة بالطلاق" ، وبما انه جزء من الصداق "كثر او قل" فده ينفي تفسير بعض الآنسات لقايمة العفش على أنها بديل للمهر لإن هنا المهر مؤجل في صورة مؤخر صداق ، وبالتالي أنا بالتأكيد مع المؤخر في حالة عدم دفع مهر مع عدم المغالاة فيه ، لكن فكرة القايمة دي مستحيل أقدر أقتنع بيها باي حال من الأحوال.
تحياتي.
المؤخر شرعا هو جزء من المهر يتم تاخير سداده نظرا لعدم قدرة الزوج على دفعه بشكل فوري يعني أول ما يتوفر مع الزوج فلوس لازم يدفع المؤخر وده مالوش علاقة أساسا بالطلاق "قصدي إن مش لازم الإنتظار للطلاق أو الوفاه لدفعه"، ولما تكتب على نفسك مؤخر ده معناه إنك كتبت على نفسك دين بقيمة المهر و بالتالي ماينفعش نقول إن القايمة بديلة عن المهر ، ولو أنا مش عارف اعرض الفكرة بشكل واضح ممكن حضرتك تقولي أيه النقطة اللي مش مفهومة وانا أحاول أوضحها .
تحياتي.
لا ياباشا تسلم ايدك اوي كدة وفعلا اول مرة اعرف ان المؤخر دين وواجب سداده وملوش علاقة بالطلاق يعني حتي لو مفيش طلاق يلزم دفعه فهمت صح كدة ولا ايه؟؟؟؟؟؟؟؟؟
تاني نقطة (اعذرني بقي بس فعلا نقاط مهمة) ليه انتا معترض في اووووووووول مشاركة ليك عالقايمة وهل هي فعلا متحلش محل المهر بمعني اني بدل ماادفعلها فلوس اشتريلها بيها عفش واكتبهم باسمها في صورة ( القايمة ) وتبقي من حقها.
مؤجل الصداق : دين في ذمة الزوج ، وحق من حقوق المرأة على زوجها ، ومرجع استيفائه إلى الشرط حين العقد إذا وُجد ، أو إلى العرف السائد بين الناس في مجتمع الزوجين ، المعمول به لديهم بلا نكير ؛ إذ المعروف عرفا كالمشروط شرطا .
فإذا اشترط في العقد أن المؤخر يحل في أجل معين ، بعد سنة أو سنتين ، أو أقل من ذلك أو أكثر ، فالواجب على الزوج أن يوفيه في الأجل المحدد له ، وألا يماطل زوجته به ، وهو في ذلك كسائر الديون التي لا يحل لصاحبها أن يماطل صاحب الحق ، إذا حل أجله ، وكان قادرا على الوفاء.
فإذا لم يحدد أجل معين لسداد مؤخر الصداق ، فإن المطالبة به تكون عند الفرقة بطلاق أو نحوه ، أو عند موت أحد الزوجين ؛ فإن مات الزوج أولا : حق للزوجة أن تأخذ من تركته مؤخر صداقها ، قبل إخراج وصيته ، أو توزيع تركته على الورثة ، ثم تأخذ نصيبها من التركة كاملا ، إن بقي شيء فيها .
وإن كانت الزوجة هي التي ماتت قبل زوجها : فلورثتها أن يأخذوا نصيبهم في مؤخر الصداق ، كغيره من أموالها ، ويوزع عليهم بحسب نصيبهم في الميراث ، بمن فيهم الزوج .
قال ابن القيم رحمه الله :
" فصل : تأجيل جزء من المهر وحكم المؤجل... الذي اتفق الزوجان على تأخير المطالبة به ، وان لم يسميا أجلا ، بل قال الزوج مائة مقدمة ومائة مؤخرة ؛ فإن المؤخر لا يستحق المطالبة به إلا بموت أو فرقة . هذا هو الصحيح ، وهو منصوص أحمد فإنه قال في رواية جماعة من أصحابه : إذا تزوجها على العاجل والآجل ، لا يحل الآجل إلا بموت أو فرقة . واختاره قدماء شيوخ المذهب والقاضي أبو يعلى ، وهو اختيار شيخ الاسلام ابن تيمية ، وهو قول النخعي والشعبي والليث بن سعد .. " انتهى . " إعلام الموقعين " (3/81) .
وزي ما قولت سمعت فتوى من الشيخ السرساوي بينصح الرجال بسداد الدين اثناء حياته لانه مش ضامن بعد موته الورثة هايسددوا عنه ولا لا
أنا اساسا معترض على القايمة في حد ذاتها لإن العفش اللي بيتجاب بشكل مشترك بين الزوجين بيدخل شقة الزوجية مش الزوج مثلا بياخده لحسابه ، واللي بيطالبوا بالقايمة بتبقى بحجة ضمان حق الزوجة في العفش في حالة الطلاق ، طيب هل الزوج بيمضي الزوجة على قيمة الشقة اللي بتبقى بمئات الالوف واللي ممكن الزوجة تاخدها لو كانت حاضنه في حالة الطلاق ، أما مسالة إنها تحل محل المهر دي محتاجة رأي شرعي مع العلم ان الزوج بيكتب على نفسه دين بباقي المهر في صورة المؤخر ، وشرعا ثأثيث منزل الزوجية بالكامل على العربس "لكن في حدود إمكانياته" بس في معظم الأحوال الاثاث بيكون مشترك بين الزوجين وغالبا فواتير جميع المشتريات بتكون بإسم الزوجة .
تحياتي.
فعلا اجراءات الزواج و مصاريفه هي سبب الفساد في البلد جي!!! انا شاب عايز اتجوز يعني مش كفايه ايجار شقه ب 1000 جنيه و اللا مقدم شقه ب 40 الف او 60 الف و اللا شقه تمليك ب 150 الف لأ العفش لازم مش عارف من فين و ب 60 الف كمان و لو عموله مبيقلش عن 30 الف و اجهزه ب 10 الاف كمان و تشطيب الشقه ب 20 الف كمان و بعد كل ال العشرات الوف دي ييجوا يخنقوا عليك بدهب ب 20 الف و مهر 50 الف و قايمه ب 100 الف !!!
ليا واحد صاحبي كان شغال في الامارات و كان خاطب و جهزوا الشقه و كل حاجه و لما فاض بيه و فضلوا يخنقوا فيه راح خاطب فليبينيه!!!
معلش سؤال للإخوة ذوي الخبرة والعالمين ببواطن الأمور المكلكعة دي..دلوقتي أنا لو اشتريت كل شيء في البيت من أوله لآخره ومكلفتش أهل العروسة مليم أحمر، هل أنا ملزم برضه إني أمضي على قايمة؟ ويبقى إيه وضع المهر والمؤخر ساعتها؟
اصلا الستات دي عاوزه تضرب
انا كاتب علي نفسي مؤخر 20 الف
واما جينا نكتب الكتاب
المأذون قال المقدم كام
من عبطي قلتله اي حاجه
راح كاتب 2 جنيه
وياريته ما كتب
عاوز اقولكو ان البت مراتي بتموت في حاجه اسمها حاجات حلوه
وكل شويه تقلب الفكه اللي في جيبي وتاخدهم تجيب بيهم حاجات حلوه
وفي الاخر تقولي انا لسه مخدتش ال2 جنيه
كل ده ولسه مسددتش حاجه من ال20 الف
وقبل ما اكتبهم قالتلي ياعم اكتبهم وانا ابقي اتنازلك عنهم بعدين
وبعد ما كتبنا الكتاب قالتلي لا مش حتنازل
اما تدهوملي حشتري بيهم جيلي كولا
والنبي دي اعمل فيها ايه
وامنها علي عيال ازاي دي
اما ارجع من الشغل الاقيها هيا وابنها بيتخانقوا علي مصاصه مثلا
قال مؤخر وقايمه قال
الحمد لله اني مكتبتش قايمه
الحمد لله
ولا تكتب قايمه طبعا لان انتا كده ماشي حسب الشرع
بس لازم تديها مهر
حتي ولو مبلغ صغير
لانه ركن من اركان الزواج
ولو قلت مثلا 5000 مهر مثلا ومش معاك غير 2000
يبقي تديها ال2000 في ايديها هيا مش ابوها
ويتبقي عليك 3000 مؤخر لازم تسددهم
معاك ال5000 كلهم يبقي مفيش مؤخر
المهر ( مقدم + مؤخر ) دا حاجة شرعية و يجب العمل بها لانها حق شرعي من حقوق الزوجة و لكن مع عدم المغالاة
القايمة عرف و تقاليد اجتماعية سائدة في المجتمع من قديم الازل و دة مش معناه انها لازم تطبق و لكن برضو تطبيقها لا يعيب اللي بيطبقوها لانها نوع من انواع الحفاظ على حقوق الزوجة
أنا مش قصدي إني مش هدفع مهر أو مؤخر، أنا فاهم طبعاً إنهم حق شرعي، أنا بس بسأل في الحالة دي هل هيكون المهر رمزي ولا برضه زي أي مهر بتساهم بيه العروسة في الأثاث؟
مشكلة حوار الجواز ده إنه منطقة رمادية grey area على رأي الأجانب، يختلط فيها الدين والشرع بالعرف والعادات والتقاليد بشكل ميخلكش تعرف إيه الصح وإيه الغلط وإيه الواجب وإيه اللي يمكن الاستغناء عنه وتفضل تايه!
انا راى الشخصى ان فى الجواز بالذات نمشى بالشرع المؤخر حق من حقى اخده ومن حقى اسامح فيه واتنازل عنه
اما القايمة دى اسفة عيب انها تتطلب اصلا
المؤخر و القايمة عرف و عادة و من حقوق الزوجة
بس برضه لازم اهل الزوجة مايطالبوش العريس حاجات اكتر من طاقته او يرهقوه بحاجات ممكن الاستغناء عنها
طالما عرف وعادة فقط فبصراحة أنا مش هعملها..بجد حاجة مهينة جداً كأنك رايح تشتري حاجة بالتقسيط وبتمضي على نفسك كمبيالة!
وبعدين إذا كانت لضمان حقوق الزوجة فإيه بالظبط في معاهدات الجواز دي يضمنلي حقي أنا؟ :shine[1]:
أنا بسأل بجد والله، إيه اللي يضمن للراجل إنها هتطلع طيبة وبنت حلال ومش هتغلبه وتقرفه في عيشته؟
بجد الواحد كان زمان ليه آراء تقدمية عن الجنس اللطيف ووضعه في المجتمع، بس كل لما الواحد يكبر يكتشف إن الراجل مضغوط برضه وطلعان عينه زيهم ويمكن أكتر!
مفيش حاجة تضمن للست حقوقها لو الرجل مش اصيل وابن اصول
لا قايمة ولا مؤخر ولا شقة تمليك ولا شيكات على بياض ولا حتى رصيد في البنك
ياما رجالة قالوها بالفم المليان انا هخليكي تقولي حقي برقبتي
ويقرفها في عيشتها وتتنازل عن كل حاجة عشان تخلص منه وممكن كمان تديله فلوس من جيبها
اما اولاد الحلال بيتقوا ربنا ولو حس ان العشرة مستحيلة بيسرحها باحسان
[QUOTE=remomemo;3873100817]انا راى الشخصى ان فى الجواز بالذات نمشى بالشرع المؤخر حق من حقى اخده ومن حقى اسامح فيه واتنازل عنه
اما القايمة دى اسفة عيب انها تتطلب اصلا[/QUOTE
:B4_388:
طب ما هو فيه بنات أهو مش موافقه على القايمه!!!!!!
ياترى هيا متنازله عن حقها ولا مش عارفه حقوقها أصلا.