إستفسار بخصوص فيرنا أتوماتيك 2004

**أبو عمار المصرى** · 21-03-2008 10:02 AM

أنا أنضميت حديثا لمنتدى الهيونداى حيث أنى كنت عضو معروف فى منتدى السيارات الصينى
و لسة شارى عربية فيرنا 1600 أتوماتيك مو 2004 و سمعت أن هذا الموديل تقفيل كورى بالكامل فهل هذا صحيح وهل هناك مشاكل معية حد سمعها فى هذا الموديل... و عموما هى عاملة 60 ألف كيلو و صيانتها بالتوكيل و كاوتشات جديدة و رشة رفرفين بالتوكيل أيضا و تحتاج تغيير مساعدين خلفى ( لسة ضارب حديثا حيث لم يبدأ فى الترشيح) و أشتريتها بالعافية ب 53750 ألف جنيه فما رأيكم و ما تعليقاتكم

**bassam nagy** · 21-03-2008 10:42 AM

الف مبروك على العربية ربنا يباركللك فيها ويديك خيرها ويبعد عنك شرها
السعر كويس
تقريبا تقفيل مصرى ومش متاكد
الف مبروك العربية وانضمامك منتدى هيونداى

**أبو عمار المصرى** · 22-03-2008 11:54 AM

متشكر على ردك وإهتمامك و ربنا يكرمك على مساعدتك ليا بس أرجو معرفة موضوع التقفيل الكورى دا هل فى حد متأكد منه مية فى المية و ليا تعليق صغير..... لماذا منتدى الهيونداى لماذا منتدى الهيونداى لا توجد به ردود سريعة و تعليقات كثيرة مثل منتدى الصينى (رغم فارق عدد الأعضاء الرهيب بين الأثنين)

**thatha** · 22-03-2008 11:57 AM

شوف انا سالت في التوكيل واحد في المبيعات عن الفيرنا الكوري .قالي طول عمرها مصري.والله اعلم

**أبو عمار المصرى** · 22-03-2008 12:10 PM

عموما أنا كان معايا أكسنت 2006 و كان تقفيلها سىء جدا جدا و لكن أنا شايف إن الفيرنا اللى معايا ما شاء الله تقفيلها نضيف جدا بالنسبة لللأكسنت لذلك أنا صدقت موضوع التقفيل الكورى دا و متشكر لللأعضاء بسام و ظاظا كتييييييييير

**Ahmed Anwer** · 22-03-2008 01:03 PM

اعتقد في فيرنا كوري ،،

بس مش عارف تفاصيلها سنة كام و كده ،،

اللي كانت بتتباع ب تسعين الف

**liquidator** · 22-03-2008 01:06 PM

الفرنا اللي معاك لو مكتوب عليها من ورا verna تبقي مصري و لو مكتوب عليها Accent تبقي كوري !! ما تستغربش بس الفيرنا دي أصلا أكسنت 2003 بس لان غبور كان لسه بينزل الأكسنت 99 بعد ما وقف انتاجها في كوريا اضطر يديها اسم فيرنا بس هي في الأساس أكسنت 2003 , فأكيد لو من كوريا هاتبقي مكتوب عليها أكسنت مش فيرنا ...

**Ahmed Anwer** · 22-03-2008 01:09 PM

المشاركة الأصلية كتبت بواسطة liquidator

الفرنا اللي معاك لو مكتوب عليها من ورا verna تبقي مصري و لو مكتوب عليها Accent تبقي كوري !! ما تستغربش بس الفيرنا دي أصلا أكسنت 2003 بس لان غبور كان لسه بينزل الأكسنت 99 بعد ما وقف انتاجها في كوريا اضطر يديها اسم فيرنا بس هي في الأساس أكسنت 2003 , فأكيد لو من كوريا هاتبقي مكتوب عليها أكسنت مش فيرنا ...

نق نق نق نق ،،

عادي ماالعربية بيتحط عليها اي اسم و هيا خارجة من المصنع ،،

حسب البلد اللي رايحاله و ساعتها مكنش ينفع غبور يسميها اكسنت عشان كان مازال بيجمع الإكسنت القديمة

طب ما الفيرنا فيفا اسمها في الهند اكسنت

و بتنزل مصر مكتوب عليها فيرنا

**liquidator** · 22-03-2008 01:14 PM

أصل أنا شوفت عربيات كتير فيرنا في مصر مكتوب عليها أكسنت و كانت كلها تقفيل كوري و ده اللي أكدلي معلوماتي ... ما أعتقدش انها هاتخرج من كوريا باسم فيرنا .. علي فكره النيو أكسنت في الهند بتنتج باسم فيرنا برده رغم انها أكسنت... و بتيجي من كوريا باسم أكسنت ...

**أبو عمار المصرى** · 22-03-2008 01:21 PM

اعتقد في فيرنا كوري ،،

بس مش عارف تفاصيلها سنة كام و كده ،،

اللي كانت بتتباع ب تسعين الف

على فكرة اللى معايا إستلام 2 - 2004 و كانت بالحجز ب 87 ألف و بتتباع فى المعارض فورى ب 93 ألف جنيه فسؤالى هل هذه هيا الكورى فعلا