التيل الخلفي للصني 2005

**cheetos31** · 06-10-2010 01:32 AM

هل يوجد تيل خلفي للصني 2005؟؟؟ انا لسه مغير تيل أمامي في التوكيل بس بعد شهر بسمع صوت تحجير و انا بدوس فرامل كأن التيل خلصان؟!!!

**cheetos31** · 06-10-2010 07:38 PM

??????

**Ahmed.TV** · 06-10-2010 10:03 PM

هو اكيد فى تيل فرامل خلفى للصنى للصنى 2005

بس مقولتناش عربيتك عاملة كام الف كيلو

**egypt0777** · 07-10-2010 09:13 AM

ممكن بس اعرف معنى مصطلح التحجير -- يعنى دواسة الفرامل مش بتجمع معاك بتهرب يعنى ولا بدوس على الدواسة الفرامل تقيلة تحت رجلك

**أحمد علاء** · 08-10-2010 12:44 AM

المشاركة الأصلية كتبت بواسطة egypt0777

ممكن بس اعرف معنى مصطلح التحجير -- يعنى دواسة الفرامل مش بتجمع معاك بتهرب يعنى ولا بدوس على الدواسة الفرامل تقيلة تحت رجلك

بالفعل التحجير جي من اسمه انك تدوس الدواسة الخاصة بالفرامل فلا تتحرك او تتحرك مسافة قصيرة جدا مع عدم فعالية الفرملة بشكل عام في إيقاف السيارة. وعادة ده بيكون في مشكلة في السيرفو الخاص بالفرامل او خرطوم الفاكيوم الخاص بالسيرفو.

بشكل مبسط علشان يصلك إحساس التحجير بطل المحرك ودوس على دواسة الفرامل كذا مرة لحد لما تلاقي ان مشوار الفرامل قصير جدا جدا والدواسة لا تستجيب للضغط

اما ان الدواسة بتهرب فده معناه تهريب في حكم دائرة الزيت الهيدروليكي الخاص بالفرامل وده ممكن يكون بسبب عدم إحكام مسامير تفريغ مساتر العجل من الهواء او تسريب في احد خراطيم زيت الفرامل او خطوط زيت الفرامل, او تهريب من احد مساتر العجل او الماستر العمومي

والتهريب ان الدواسة تندفع بشدة لنهاية المشوار مع الضغط الشديد او المتوسط بدون تأثير فعال على فرملة السيارة.

**Youssef.Awad** · 08-10-2010 01:52 AM

أكيد طبعا يوجد تيل فرامل فى الصنى فى الخلف وهو من نوع الطنابير او الفرامل الانفراجية ومعدل استهلاك التيل الامامى الانضغاطى اكبر بكثير من الخلفية
لذا يرجى مع كل صيانة الكشف عن التيل الامامى او الخلفى