الموضوع: اشتريت سيريون مستعملة عايزة نصيحتكم

المشاركة الأصلية كتبت بواسطة bmya

اولا مبروك العربيه
بس ما قلتييش حالتها ايه بالظبط وسعرها كام (اصلها ماشيه كتير بصراحه 71400 في سنتين )

الفرق الاساسي والرئيسي بين ال xl والفئتين التانين (gl glx )
هو الفتيس الاتوماتيك

بعد كده كده يزيد موديل الglx عن ال gl
جنوط اسبور مقاس 14 (بس نفس مقاس الكاوتش التعبان 175/65
اسبويلر خلفي على الشنطه
فرامل abs +ebd
كاسيت سي دي مدمج في التابلوه (بس اوديو مش mp3
مقبض الباب من الداخل نيكل
بس كده ده الفرق بين الفئات المختلفه

بالنسبه للصيانه طبعا الافاضل تطلعي على التوكيل وتسالليهم على فايل للعربيه اذا كان موجود تعرفي منه الصيانات اللي تمت
او الافضل تروحي للتوكيل تكشفي عليها كويس ويقوللك ايه اللي عايز يتغير بالظبط
سير الكاتينه جنزير مابيتغيرش اصلا بس بيتراجع عليه تقريبا كل 100 الف

بالنسبه للشنطه بصراحه دي ميزه جمده جدااااا
اولا مفيش عربيه هاتش باك (تقريبا ) في فتح الشنطه من الداخل
وكده افضل انها مع السنتر بدل ما كل ماتعوزي تفتتحيها تنزلي من العربيه وتفتحيها بالمفتاح (في عربيات كده)

بالنسبه للسرقه لا اعتقد ان في حد هيفتح الشنطه ويسرق حاجه وانت قعده فيها ومش هتاخدي بالك
لان اصلا اول ما الشنطه تفتح هتحسي انك بقيتي قعده في الشارع
بالاضافه الى ان الشنطه اصلا تقيله مش سهله يعني ان حد يفتحها في لحظه لدرجه انه يسرق ويجري دي مستحيله
لكن لو على السرقه العاديه والعربيه ركنه يعني دي بقه الميزه الكبيره جدااااااااا
ان عمر ما حد هيقدر يفتح الشننطه اصلااااا لانها ملهاش مفتاح من بره زي باقي العربيات
يعني من الاخر اللي عايز يسرق الشنطه والعربيه مقفوله لازم يفتح العربيه الاول بعكش العربيه اللي الشنطه ليها مفتاح ممكن تتفتح منه لوحدها
طبعا ده رأيي شايف انها ميزه حلوه اوي

العرببيه ممازه جدا الحمد لله وواسعه طبعا زي ما اكيد لحظتي وحجمها ممتاز والنزين استهلاكه حلو اوي
وكمان سحبها ممتاز جدا (بشد على طول مع عربيات 1600 )

حاجه اخيره بس ياريت تشوفي الجنط اللي راكب مقاس كام بالظبط والكاوتش مقاش كام

وربنا يبارك لكي فيها ان شاء الله
بالنسبه للمشاركه القسم هنا للاسف مات اكلينكيا
بس لو في اي موضوع في دماغك عايزه تعمليه هتلاقينا صحينا تاني ان شاء الله

:b4_282:

شكرا على ردك حالتها ممتازة و سهرها 58 الف علشان من تاجر و لازم يكسب طبعا
و فعلا اقنعتنى بموضوع الشنطة ده فعلا و جهة نظر ممتازة
بالنسبة للجنط هو نمرة اكبر من المقاس الاصلى مش عارفة كام بالضبط

انا زعلت لما قولتلى مات اكلينكيا طيب قولى ممكن نصحيه ازاى و انا معاك

المشاركة الأصلية كتبت بواسطة توفيق طة

بالنسبه للمشاركه القسم هنا للاسف مات اكلينكيا
هههههه كنت هاأقولها.. بس مين يحس ومين تأخذة الحمية ؟؟؟ يحضرنى عبد الحليم حافظ فى أغنيتة المشهورة


خسارة خسارة فراقك ياجارة

تحيـــــــتى لك أخى شريف:ta_clap[1]:

ايد على ايد نقدر نصحيه تانى

المشاركة الأصلية كتبت بواسطة bmya

استاذنا توفييق باشا منور يا فندم وزي ما حضرتك عارف انا حاولت كتير بس مفييييييييييييش فايده على رأي سعد بك

انا معاكم حاولوا تانى

المشاركة الأصلية كتبت بواسطة mohamed_rhem

حبيبي قلبي العميد بتاعنا

صحتك عاملة ايه

عضو جديد والكل بيرحب بقه في الاول كده يعني

بالنسبة للعربية موضوع النقاش

لازم تروح التوكيل في صيانة ال 80 الف وافضل انها تتم بدري شويه عند 75 الف

وتحول الضمان بأسمها الفترة اللي باقيه

وطبعا المفتاح السحري نايل موتورز لمحمد عبدالصمد مدير مركز ابو رواش حيعمل الواجب وزياده

شكرا لردك طيب ممكن اعرف اقدر اوصله ازاى و تقريبا المفروض يكون معايا كام قبل ماروح التوكيل

المشاركة الأصلية كتبت بواسطة a.saad

history الصيانة
فى التوكيلات التانية مجانى
وممكن تعرفيه بالتليفون كمان
انا على فكرة كلامى هيكون عام لانى مش سيريونى
انا كياوى

شكرا على ردك

المشاركة الأصلية كتبت بواسطة slim_shika

الكبير بتاعنا عميد ديهاتسو بنفسه... واحشني يا أستاذي جدا ونفسي أشوفك...

بالنسبة لصاحبة الموضوع أي استفسار إن شاء هتلاقي إجابة وبالتجارب وساعات بالصور...مبروك على حضرتك..

شكرا على ردك بس اى استفسار الاقيه فين بالظبط