الموضوع: اشتريت سيريون مستعملة عايزة نصيحتكم

اولا مبروك
ثانيا
المفروض تغيرى السيور والفلاتر والزيوت
لان مش عارفين اتغيروا امتى

ممكن تروحى التوكيل تشوفى history الصيانات عندهم ايه
اغلب التوكيلا كدة بس اتاكدى من حد سيريونى

الافضل اما تمشى تقفلى السنتر
لان فيه حوادث سرقة بتحصل لو حد حاطط شنطة لاب توب او شنطة حريمة تلاقى حد فتح الباب خد الحاجة وجرى
واعتقد ان ده هيقفل الشنطة كمان

المشاركة الأصلية كتبت بواسطة naadnoda

السلام عليكم
ارجو الساعدة

انا اشتريت سيريون 2008 XL عاملة 71400 ك شامبين

ده بقى كل اللى اعرفه عنها +انها يابانى+انه مغير الجنوط نمرة اكبر و لسه مغير الكاوتش
انا اشتريتها من تاجر معرفة
بس هو لما اشتراها من المالك لم ياخذ منه اى بيانات و لا حتى كتالوج و لا كان بيعمل صيانة فين و لا اى معلومة
اغير زيت امتى
سير كاتينة امتى
كان بيعمل صيانة فى التوكيل و لا لاء
فعلا مش عارفة اى حاجة و على فكرة انا لسه هاتعلم السواقة و زوجى هو اللى بيسوقها فى الويك اند(احنا اشتريناها يوم 29\9\2010)

ياريت حد يقولى ايه الفرق بين XL , GXL
و هل توجد فتحة للشنطة من الداخل و لالاء .لانى اكتشف ان طول ماالعربية مفتوحة الشنطة اى حد ممكن يفتحها من ورا

و ياريت كمان حد يعرفنى اىه المطلوب منى اغيره الفترة الجاية و فين و بكام و ازاى احافظ عليها
و ازاى اقدر اشارك معكم ؟(ملاك السيريون)

عارفة انى طلباتى كتير بس انا عايزة افهم
فى انتظار ردودكم الكريمة

اولا مبروك العربيه
بس ما قلتييش حالتها ايه بالظبط وسعرها كام (اصلها ماشيه كتير بصراحه 71400 في سنتين )

الفرق الاساسي والرئيسي بين ال XL والفئتين التانين (GL GLX )
هو الفتيس الاتوماتيك

بعد كده كده يزيد موديل الGLX عن ال GL
جنوط اسبور مقاس 14 (بس نفس مقاس الكاوتش التعبان 175/65
اسبويلر خلفي على الشنطه
فرامل ABS +EBD
كاسيت سي دي مدمج في التابلوه (بس اوديو مش MP3
مقبض الباب من الداخل نيكل
بس كده ده الفرق بين الفئات المختلفه

بالنسبه للصيانه طبعا الافاضل تطلعي على التوكيل وتسالليهم على فايل للعربيه اذا كان موجود تعرفي منه الصيانات اللي تمت
او الافضل تروحي للتوكيل تكشفي عليها كويس ويقوللك ايه اللي عايز يتغير بالظبط
سير الكاتينه جنزير مابيتغيرش اصلا بس بيتراجع عليه تقريبا كل 100 الف

بالنسبه للشنطه بصراحه دي ميزه جمده جدااااا
اولا مفيش عربيه هاتش باك (تقريبا ) في فتح الشنطه من الداخل
وكده افضل انها مع السنتر بدل ما كل ماتعوزي تفتتحيها تنزلي من العربيه وتفتحيها بالمفتاح (في عربيات كده)

بالنسبه للسرقه لا اعتقد ان في حد هيفتح الشنطه ويسرق حاجه وانت قعده فيها ومش هتاخدي بالك
لان اصلا اول ما الشنطه تفتح هتحسي انك بقيتي قعده في الشارع
بالاضافه الى ان الشنطه اصلا تقيله مش سهله يعني ان حد يفتحها في لحظه لدرجه انه يسرق ويجري دي مستحيله
لكن لو على السرقه العاديه والعربيه ركنه يعني دي بقه الميزه الكبيره جدااااااااا
ان عمر ما حد هيقدر يفتح الشننطه اصلااااا لانها ملهاش مفتاح من بره زي باقي العربيات
يعني من الاخر اللي عايز يسرق الشنطه والعربيه مقفوله لازم يفتح العربيه الاول بعكش العربيه اللي الشنطه ليها مفتاح ممكن تتفتح منه لوحدها
طبعا ده رأيي شايف انها ميزه حلوه اوي

العرببيه ممازه جدا الحمد لله وواسعه طبعا زي ما اكيد لحظتي وحجمها ممتاز والنزين استهلاكه حلو اوي
وكمان سحبها ممتاز جدا (بشد على طول مع عربيات 1600 )

حاجه اخيره بس ياريت تشوفي الجنط اللي راكب مقاس كام بالظبط والكاوتش مقاش كام

وربنا يبارك لكي فيها ان شاء الله
بالنسبه للمشاركه القسم هنا للاسف مات اكلينكيا
بس لو في اي موضوع في دماغك عايزه تعمليه هتلاقينا صحينا تاني ان شاء الله