كاسيت يشغل mp3 واسطوانات لرينو 2006

**sadness** · 06-10-2010 02:38 PM

احب اقول اولا انى بجد ف المنتدى حاسس انى وسط اخواتى بجد انتوا ناس محترمه ياوحوش رينو برغم انى مشاركاتى مش كتير لانى لسه شارى رينو 2006 هاتش باك خليجى بس كنت عاوز اركب لها كاسيت جديد يشغل mp3 واسطوانات ويقرأ من الفلاشه وكده وانا بصراحه معرفش حاجه عن الاجهزه دى وكنت عايزكوا تدلونى ع جهاز يكون نضيف وسعره كويس ويتوافق تشغيله مع الدراع اللى ف الطاره

اسف للاطاله وبرجاء المساعده وشكرا ياوحوش

**bobo2009** · 06-10-2010 02:49 PM

اى جهاز بايونير هيبقى حلو يبقى فيه usb زى الفل بس مفيش كاسيت هيبقى متوافق مع الدراع

لو شيلت الكاسيت لغيت الدراع ملوش لزمة

**midohits** · 06-10-2010 03:26 PM

صح ممكن تلاقي اي كاسيت جديد او جهاز ديفي دي كامل جديد بس مش هيشتغل مع دراع العربيه تقضيها بقه يدوي او بريموت

وانا كنت هعمل كده بس بيني وبينك قولت لأ الدراع اشيك واسهل بكتير

واهلا بيك معانه ونورت يا جميل

**Ahmed Selim** · 06-10-2010 03:27 PM

كان فيه موديلات لبايونير من كام سنة متوافقة مع دراع التحكم بس للأسف كنت سألت عليها و طلعت مش بتنزل فى الشرق الأوسط كله.

**chato_eg** · 08-10-2010 12:14 AM

حلين مالهومش ثالث لتشغيل الذراع...
يا تشترى الكاسيت الأصلى إللى بيشغل MP3 ب 4400 جنيه من التوكيل...
يا تجيب أى ماركة محترمة و على رأسهم Pioneer و من بعدها الناس التانية زى Kenwood, Sony, Blaupunkt, ...etc
, تجيب له حاجة اسمها Adaptor ...علشان يشغل الذراع مع الكاسيت الجديد..و ال daptor ده بيكون من إنتاج صانع الكاسيت...و ضرورى تتأكد إنه بيشتغل مع العربيات الرينو من سنة صنع 2004 - 2008 ...علشان مش أى adaptor هيمشى مع أى عربية
و للعلم ال adaptors مش بتتباع فى مصر...لو رحت لمحل كاسيتات ممكن تسمع أرقام زى 850 جنيه علشان هايجيبه مخصوص لك...أو ممكن تجيبه بنفسك من الخارج و برضه الأسعار مش متواضعة
راجع المشاركة دى على سبيل المثال...
http://www.nilemotors.net/Nile/3872913830-post60.html

**chato_eg** · 08-10-2010 12:21 AM

أنا طبعا من مؤيدى الحل الثانى لإن تكلفة
Head Unit من Pioneer بأربعة سماعات برضه Pioneer متوافقة مع الميجان مع ال adaptor ممكن يكون بال 4400 بتوع الحل الأول....
بصراحة و من الناحية العملية....سعر الأصلى عالى بشكل غير طبيعى...مش متخيل واحد يدفع 4500 جنيه فى Head Unit بإمكانيات الأصلى المتواضعة...مهما كان صوته حلو و شكله الأفضل جماليا و الصوت بيزيد مع السرعة و لما تشغله الصوت له limit عند درجة 15 ....مش 4500 جنيه برضه..!!

**drsmsm** · 08-10-2010 03:55 AM

انت يا سيدي هات الكاسيت اللي نفسك فيه

و ادخل على الموقع ده
Car Audio, car radio, car security, car navigation, in-car entertainment, GPS satnav, stereo, speakers, amplifiers, subwoofers @ In-Car Express
و قوله يبعتلك ال Adapter لمصر
حتبعتله الفلوس في البنك
وهو يبعتلك الAdaptor بالبريد
بس ما تنساش تجيب الوصلة بتاعته