هو التوكيل ايه اللي جري له

**refattosa** · 06-10-2010 06:05 PM

السلام عليكم

انا من يوم ما جبت العربية و هي زيرو و انا بتعامل مع فرع العبور في كل حاجة , اكلمهم علي 16202 قبل الميعاد

اللي انا عايز اروح فية باربع او خمس ايام بالكتير و احجز ميعاد الصيانة و اروح و كله تمام و ناس كويسين جدا

النهاردة باة ( اللي هو 6/10 ) باكلمهم عشان احجز صيانة ال 60000 لقيتو بيقللي ال اية اول ميعاد فاضي

يوم 20/10 !!!!!!!!!!!!!!!!!!!!!!!!! يعني بعد 15 يوم

انا مش عارف بصراحة اي اللي حصلهم ولا بعد ما باعوا اللوجان و الفلوينس مش قادرين علي العدد

ولا اية مش عارف حاجة تنرفز بجد.

**pioneerahmed** · 06-10-2010 06:26 PM

مادام صيانة عادية يبقى روح فرنش موتورز او الميكانيكيون العرب دول معتمدين من التوكيل

**refattosa** · 06-10-2010 06:40 PM

اولا شكرا ليك علي الرد

الميكانيكيون انا روحتله مرة واحدة في صيانة ال 55 و مع انها ما بيتعملش فيها حاجة ما كانوش عايزين يملوها عشان انا ما بروحش ليهم

في الصيانات العادية .... تخيل و كمان ما استلمش مني العربية يعني لو كانت اتخبطت مثلا او ضاع منها حاجة ما اقدرش اثبت حاجة

و عشر دقايق و كانت العربية خلصانة طبعا ما عملوش حاجة

**ramykimo** · 06-10-2010 07:12 PM

فرنش موتورز كويس فى الحاجات البسيطة دى و اجمل حاجة انك واقف جنب الصنايعى

**Col. Eng. Khaled** · 07-10-2010 02:54 AM

المشاركة الأصلية كتبت بواسطة pioneerahmed

مادام صيانة عادية يبقى روح فرنش موتورز او الميكانيكيون العرب دول معتمدين من التوكيل

المشاركة الأصلية كتبت بواسطة ramykimo

فرنش موتورز كويس فى الحاجات البسيطة دى و اجمل حاجة انك واقف جنب الصنايعى

صيانة 60 ألف كم مش صيانة عادية و لا حاجة بسيطة يا جماعة

الأستاذ صاحب الموضوع ، أرجو إن حضرتك تصبر الله أعلم الدنيا شكلها إيه عندهم .

**أبو أدم** · 07-10-2010 03:59 AM

روح من غير حجز بدري الساعة 8 و ربع صباحا

بس انا ما بحبش الطريقة دة بصراحة الا فى حالة الضرورة

استخدمها لو محتاجها فعلا وضرورى

**chato_eg** · 07-10-2010 10:56 AM

حتى لو رحت الساعة 7 صباحا...مش هيأخدوا العربيات من غير حجز....و ده شىء بيقرروه الساعة 8:30 صباحا....من عدد العربيات الموجودة بالفعل....
و أكيد هتلاقى طابور الساعة 8:30 صباحا....
احجز و روح قبل ميعادك بشوية....و إنت تأخد حقك فى صيانة كويسة و تستلم فى ميعاد معقول....
ثم أنا مش شايف مشكلة فى إن الميعاد بعدها ب 15 يوم....هى العربية مش بتنزف مثلا...عادى لو عملت الصيانة بعد ميعادها إن شاء الله بألف كيلو...

**refattosa** · 08-10-2010 12:13 PM

المشاركة الأصلية كتبت بواسطة col. Eng. Khaled

صيانة 60 ألف كم مش صيانة عادية و لا حاجة بسيطة يا جماعة

الأستاذ صاحب الموضوع ، أرجو إن حضرتك تصبر الله أعلم الدنيا شكلها إيه عندهم .

العقيد / خالد دائما بقرا كل خير عنك من الاعضاء و لكن لم اتشرف بمعرفة حضرتك و شكرا للرد علي موضوعي و كلام حضرتك مضبوط 100% و انا حستني فعلا و اتمني تجيلي الفرصة اني اتعرف علي حضرتك ( من غير سمكرة طبعا) هههههههه

المشاركة الأصلية كتبت بواسطة أبو أدم

هههه .....

كلامك صح يا صاحب الموضوع .......

الناس الدنيا عندهم بقت زحمة اووووووووووووي

اولا : هم ناس محترمة

ثانيا : انا كنت كل مرة احجز عندهم قبلها بيومين ...كذة صيانة ماعدا الاخيرة ...

فوجئت انى ادامى بتاع 10 ايام او 15 يوم....

لما روحت لاقيت الدنيا زحمة فعلا

ثالثا : لسة بردة باخد العربية فى خلال ساعة ونص ساعتين ودة حاجة كويسة جداا رغم الزحااااااام

............

المشكلة بقى مش فى ميعاااااد الحجز المشكلة ...انى باحجز بدري 8.5 لما اروح القاهم خدوا اللى جه بدري عنى بدقيقة حتى لو مش حاجز

ودة نقطة مضيقانى جدا ... ولما غلست شوية وقولت لهم انا حاجز من اسبوعين علشان ابقى اول واحد ...

هدونى والعربية خرجت بعد ساعة وربع تقريبا ..........وشكرا رينو العبوووووور

والمفرووووض يصلحوا النقطة دة احسن بعد كدة الواحد يصلى الفجر ويطلع عليهم ولا حجز ولا يحزنون

كلام حضرتك مضبوط فعلا و شكرا لردك

المشاركة الأصلية كتبت بواسطة chato_eg

حتى لو رحت الساعة 7 صباحا...مش هيأخدوا العربيات من غير حجز....و ده شىء بيقرروه الساعة 8:30 صباحا....من عدد العربيات الموجودة بالفعل....
و أكيد هتلاقى طابور الساعة 8:30 صباحا....
احجز و روح قبل ميعادك بشوية....و إنت تأخد حقك فى صيانة كويسة و تستلم فى ميعاد معقول....
ثم أنا مش شايف مشكلة فى إن الميعاد بعدها ب 15 يوم....هى العربية مش بتنزف مثلا...عادى لو عملت الصيانة بعد ميعادها إن شاء الله بألف كيلو...

اولا شكرا لرد حضرتك علي موضوعي

ثانيا انا ما اتكلمتش عن العربية خالص حتي عنوان الموضوع عن التوكيل اللي فرحان اوي بالمبيعات الرهيبة و في نفس الوقت ما
بيعملش مراكز جديدة عشان تستوعب الزيادة دي فتكون النتيجة
هي الزحمة و تغيير النظام اللي الملاك القدام متعودين عليه
و بعدين انا ممكن اكون مسافر بالعربية سفرية طويلة و مضبط
نفسي ان اعمل الصيانة قبل ما اسافر و احجز في نفس الوقت اللي متعود علية و افاجا بان اول ميعاد بعد 15 يوم..... اتمني تكون حضرتك فهمتني

**chato_eg** · 08-10-2010 08:48 PM

مبن قال إنهم مش عاملين حسابهم...؟؟
لو حبيت تشوف شكل فرع أبو رواش...هو فيه مبانى قائمة و له سور...لكن لسه ما نقلوش....
طبعا أنا حاسس بالمشقة الزائدة إللى بيواجهها العملاء....
إللى مصبرنى حاجتين....
1- إنهم فعلا بيحاولوا يطوروا و يحسنوا من أدائهم و يستغلوا المساحات المتاحة و بألمس التحسينات كل 3 شهور لما أروح عندهم فى المقطم....العبور هما إللى بيتعبونى نفسيا...كل التقدم إللى أحرزوه شاشة lcd و البيانات إللى عليها مزورة و الإعلانات المكررة أصابتنى بال........*
2- مقارنة بالوضع عند التوكيلات الأخرى...eim لا يزال على رأس القائمة

يمكن الوحيدين إللى تحس إنك فى مكان تانى هو فرع دايهاتسو فى أبو رواش....لا فى عملاء ..و كافيتيريا شكلها شيك و لا كإنك فى starbucks و منطقة لهواة ال Playstation و قعدات متنوعة....فعلا شىء جميل...بس إللى أعرفه إن القطع أسعارها فوق المتوقع..لكن خدمتهم كويسة حسب ما أسمع

-

الموضوع: هو التوكيل ايه اللي جري له

LinkBack

أدوات الموضوع

عرض

-

-

-

-

-

المواضيع المتشابهه

ايه نوع زيت الموتور اللي بيستعملوه فى التوكيل؟

تلفون أو عنوان المعارض او التوكيل اللي الاقي عندهم byd f3 زيرو؟؟

الصيانات اللي عدم عملها في التوكيل تطلع من الضمان.....

التوكيل اللي في الصحراوي هيكون فاتح يوم الثلاثاء

حد معاه رقم موبيل المهندس مينا اللي في التوكيل؟

الكلمات الدلالية لهذا الموضوع

المفضلات

المفضلات

ضوابط المشاركة