الموضوع: لماذا لا يرد مصنع نسيان مصر على رسائل العملاء

المشاركة الأصلية كتبت بواسطة ekmarei

الامر لله
الله يكرمك استاذ احمد حضرتك فعلا من الناس المحترمين جدا فى هذا المنتدى و الى بتحاول تساعد اى واحد محتاج خدمة انا ديما بلاقى مشاركاتك فى اى موضوع بيطرح هنا لازم تكون ليك مشاركة مفيدة فعلا للشخص الى بيسأل عليها
انا سؤالى يا استاذ احمد لنيسان صنى السوبر صالون
انا محتاج اللون الابيض فرش بيج و اتصلت حضرتك بالعالمية ( احمد مرعى ) ردهم ان مافيش اللون الابيض رغم ان السبع فى القاهرة قالى اجيبهالك و طبعا الوقت الحالى العربية عليها طلب و ناقصة فى السوق زى ما حضرتك عارف و التسليم انت وحظك فى اللون لاكن انا مش مستعجل قد ما انا حابب انى اجيب المواصفات الى فى بالى حتى لو شهرين مش مشكله فكنت عايز اعمل كونتك مع المصنع مباشرة على ان يكون التسليم عن طريق الوكيل العالمية لاكن ارسلت اكثر من رسالة على الايميل دون رد لا كن ححاول على الرقم بتاع حضرتك تانى يوم الاحد وربنا يسهل

الحمد لله بقدر الامكان بنحاول نساعد بعض , ونقف جنب بعض , الواحد مدين للمكان ده عشان اتعرف منه بشخصيات محترمة زيكم , وان ليه اسرة واصدقاء كبيرة اسمها نايل موتورز
والواحد سعيد بوجوده معاكم لانكم تستاهلوا كل خير فعلا
وتحت امر اى عضو او صديق واخ هنا فى اى خدمة

بص بقا اولا انت لازم تصبر كدا كدا عشان الهوجة دى تعدى , لان فى ضغط على الموديلات 2011 , فاستنى الفترة دى تعدى بس , واكيد بعد كدا حيتوفر الالوان الصعبة اللى كل بيدور عليها
وبعدين انت ليه مش سالت فى مودرن وعندك كمان عبد اللطيف جميل , وكلهم فى اسكندرية
وخالى بالك المصنع لو حكتله على الموضوع بتاعك , حياخد رقمك ويتصل باى موزع معتمد من اللى قولتلكم عليهم , ويخلى حد من المندوبين يكلموك , فهى هى
عشان كدا كلم مودرن او اى موزع معتمد اخر , بس اصبر الهوجة دى لما تعدى
ولو بعد كدا بردوا مش لقيت اللون بعد فترة من اسكندرية , كلمنى وانا اسالك هنا فى اتو ايجيبت والموزعين اللى هنا ولما نلاقى اللون ونتاكد انه متوافر فعلا , اقولك عشان تيجى تخلص فيه
المهم بس اصبر الوقت ده يعدى عشان فى ضغط على الانتاج وفى كل الالوان كمان
وتحت امرك فى اى خدمة
واتشرفت بمعرفتك يا فندم
واهلا بكل اهل اسكندرية الغالين