الموضوع: أية المقاس المناسب ل lcd لأوضة 4 فى 4 ؟؟؟

المشاركة الأصلية كتبت بواسطة ashouhdy

تصدق وتؤمن بالله !! انا بعد ماجبت ال40 وشفت روعتها وانبهرت بيها قلت كنت حوشتت كمان 2000 جنية و جبت ال 47 !!!!!!!!!!!!!!!!!!!!!!!!!!!!!!!!!!!!!!!!!!!!!!!!

أنا لسة كنت عايز أقولك اشتري أكبر حاجه ..أنا عندي شارب 47 بوصه والمسافه بيني وبينه أقل من 3 متر ، بس داه علشان البلاي ستيشن ..وزي ما أدهم قال lcd ملوش أي تأثير علي العين ...مبروك على ال-40 بوصه ..إستمتع بيه دلوقتي وربنا يديلك وتجيب الاكبر

لو معك بقي فلوس زياده لازم تجيب بها home theater كويس لأن داه هيفرق معك في الافلام ولو بالذات اكشن كتير أوي

المشاركة الأصلية كتبت بواسطة ashouhdy

انت جيييتلى نجدة من السما والله انا كنت ذعلان جدا عشان طبعا صورة الوصلة ذفت هى والرسيفر العادى ذفت ذفت ع الشاشة ال40بوصة الseries5 دى

انا روحت سئلت ذى ماقلت .... لقيت كمان رسيفر hd ..........


فية طرق كتير لتوصيل الصورة من الرسيفر للشاشة اسوأهم انك توصلها وصلة ايريال rf الافضل منها الكومبوزيت فيديو الي هي ال rca الصفراء افضل نسبياً بكتير

انما الافضل ان حضرتك توصلها بوصلات الكومبونانت اللي هي 3 وصلات component video - 3 rca دي بتبقى 3 وصلات ار سي اية للصورة فقط (غير الصوت) دي بتدي نقاء افضل للصورة من لكومبوزيت فيديو و انا موصل بيها الشاشة عندي المهم انها تكون في الرسيفر, هي بتبقى 3 الوان اصفر و اخضر و ازرق زي بتاعه البرجيكتور

ولو جبت رسيفر فية وصلة hdtv (high defention video output يبقى افضل بس خللي بالك القنوات اللي البث بتاعها اساساً hd نادرة جداً في الوقت الحالي (اغلبهم اوربت و شو تايم او اية ار تي فقط) و لكن في المستقبل متوقع انها تزداد انتشاراً


تصدق وتؤمن بالله !! انا بعد ماجبت ال40 وشفت روعتها وانبهرت بيها قلت كنت حوشتت كمان 2000 جنية و جبت ال 47 !!!!!!!!!!!!!!!!!!!!!!!!!!!!!!!!!!!!!!!!!!!!!!!!

هههه انا جبت ال 47 بوصة و بعد شوية قلت لنفسي ياريتني جبت ال 50 بوصة هههههههه هو دة الطمع البشري دايما الواحد يفكر في الاكثر

المشاركة الأصلية كتبت بواسطة fadod

أنا لسة كنت عايز أقولك اشتري أكبر حاجه ..أنا عندي شارب 47 بوصه والمسافه بيني وبينه أقل من 3 متر ، بس داه علشان البلاي ستيشن ..وزي ما أدهم قال lcd ملوش أي تأثير علي العين ...مبروك على ال-40 بوصه ..إستمتع بيه دلوقتي وربنا يديلك وتجيب الاكبر
لو معك بقي فلوس زياده لازم تجيب بها home theater كويس لأن داه هيفرق معك في الافلام ولو بالذات اكشن كتير أوي

بصرة , انا برضة عندي ال 47 و المسافة بيني و بينها حوالي 3 متر تقريباً برضة و مركب عليها هوم ثياتر 5.1 و فية محطات معينة بيبقى الصوت فيها دولبي ديجيتال زي الافلام الاجنبي في فوكس او ام بي سي لكن في الافلام العربي و غيرها مافيش اي فرق لان بث الصوت فيها اصلاً ستيريو 2 تشانل صوت فقط

و طبعا علشان تاخد صوت دولبي ديجيتال لازم الرسيفر اصلا يكون فية خرج صوت دولبي ديجيتال Dolby Digital DTS و دة بيبقى وصلة Coaxial او وصلة Fiber Optic بتوصلهم Home Theatre (Home Cenima) , او يكون فية خرج 6 قنوات صوت معموللهم بروسيسنج جاهزة 5.1 من ضهر الرسيفر

بس خللي بالك من حاجتين بخصوص لعب البلاي ستيشن PlayStation او الفيديو جيمز Video Games عامه على شاشات الLCD , اولاً حركة الصورة السريعه مش بتبقى كويسة على الال سي دي و غالبا بتلاقي الصورة ببتتكسر شوية

وثانياً ان تثبيت الصورة دقايق (لو سيبت الجيم و قمت من قدام الشاشة) مضر جداً للشاشة LCD

الافضل في الجيمز هو البلازما Plasma Screens لانة بيبين الحركة السريعه بصورة افضل (استجابتة لسرعه الحركة افضل) و مش بيتأثر بثبات الصورة نسبياً زي ال LCD

مقاس 24 بوصه ال سى دى

المشاركة الأصلية كتبت بواسطة ashouhdy

السامسونج دة جى معاة fm transmittor لل h.theater عايز اعرف هل فى هوم ثييتر بأف أم ريسيفر ولا لأ عشان كدة انضف كتير مفيش اسلاك او كعبلة !!!

دي علشان لو عندك اي سيستم صوت فية راديو اف ام سواء كاسيت سي دي او هوم ثياتر تسمع صوت الشاشة في محطة اف ام, بس هنا الصوت بيبقى ستيريو يعني 2 تشانيل, انما الصوت الدولبي ديجيتال بيبقى 6 قتوات 5.1 يعني 5 قنوات سماعات + قناة للصب ووفر و دي اللي بيدي صوت مجسم و بيفرق كتير في افلام الأكشن بالذات

اي سيستم هوم ثياتر محترم بيبقى فية راديو اف ام و بالتالي تقدر تسمع فية صوت الشاشة
بس ماهو في الاخر انت واخد الصوت بكابل من الرسيفر للشاشة
و لما بتوصل هوم ثياتر انت بتاخد كابل من الرسيفر للهوم ثياتر مش للشاشة يعني انت لغيت الكابل من الشاشة ووصلتة بالهوم ثياتر فا مش فارقة و كدة كدة فية كابل طالع من الرسيفر للصوت, بس حاتستمتع بصوت دولبي ديجيتال 5.1 مش مجرد صوت ستيريو زية زي اللي تسمعه في كاسيت بسماعتين




انت فعلا كلامك مظبوط بس دلوقتى فى الجديد فى game mode فى ال lcd عشان يسرع الحركة لكن حكاية ان مضر لو ثبت الصورة اعتقد الكلام دة فى البلازما بس عشان بتتحرق

لا شاشات ال LCD Liquid Crystal هي اللي ماتستحملش تثبيت الصورة لفترة اكتر من 7 دقايق و دي مكتوبة عندي في كتالوجها و حاتلاقيها في كتالوجات الشاشات

و برضة لا زالت استجابة شاشات ال LCD Responce Time أقل من شاشات البلازما و التليفزيونات العادية حتى, و دة عيب شاشات ال ال سي دي من اول ما عملوها برغم انهم قدروا يطوروها و يقللوا الزمن دة بس لسة فية وقت استجابة بيوصل في احسن الاحوال 3 مللي ثانية و دة كويس جدا انا لما جبت شاشتي كانت احسن زمن استجابة في وقتها من سنتين و كان 5 مللي ثانية




الريسيفر اللى بقولك علية دة بيتوصل ب HDMI CABLE يعنى اعلى حاجة اسأل عنة

انا موصل الشاشة عندي HDMI بال DVD بس الصورة انا واخدها من الرسيفر بكابلات كومبونانت لأن زي ماقلت لك مافيش لسة بث محطات بصورة HDMI الا في قنوات قليلة جدا و معظمها مشفرة زي الشو تايم و اية ار تي و اوربيت

على فكرة كابلات ال HDMI غالية جدا و انا في الاخر انا ندمت اني جبتة (ب120 - 150 جنية تقريباً) لأني مش شايف اي فرق في وضوح الصورة بينة و بين الكومبونانت لأن لازم الفيلم يكون متسجل HD و البث يكون HD مش بس الرسيفر