الموضوع: أية المقاس المناسب ل lcd لأوضة 4 فى 4 ؟؟؟

مقاس 24 بوصه ال سى دى

المشاركة الأصلية كتبت بواسطة ashouhdy

السامسونج دة جى معاة fm transmittor لل h.theater عايز اعرف هل فى هوم ثييتر بأف أم ريسيفر ولا لأ عشان كدة انضف كتير مفيش اسلاك او كعبلة !!!

دي علشان لو عندك اي سيستم صوت فية راديو اف ام سواء كاسيت سي دي او هوم ثياتر تسمع صوت الشاشة في محطة اف ام, بس هنا الصوت بيبقى ستيريو يعني 2 تشانيل, انما الصوت الدولبي ديجيتال بيبقى 6 قتوات 5.1 يعني 5 قنوات سماعات + قناة للصب ووفر و دي اللي بيدي صوت مجسم و بيفرق كتير في افلام الأكشن بالذات

اي سيستم هوم ثياتر محترم بيبقى فية راديو اف ام و بالتالي تقدر تسمع فية صوت الشاشة
بس ماهو في الاخر انت واخد الصوت بكابل من الرسيفر للشاشة
و لما بتوصل هوم ثياتر انت بتاخد كابل من الرسيفر للهوم ثياتر مش للشاشة يعني انت لغيت الكابل من الشاشة ووصلتة بالهوم ثياتر فا مش فارقة و كدة كدة فية كابل طالع من الرسيفر للصوت, بس حاتستمتع بصوت دولبي ديجيتال 5.1 مش مجرد صوت ستيريو زية زي اللي تسمعه في كاسيت بسماعتين




انت فعلا كلامك مظبوط بس دلوقتى فى الجديد فى game mode فى ال lcd عشان يسرع الحركة لكن حكاية ان مضر لو ثبت الصورة اعتقد الكلام دة فى البلازما بس عشان بتتحرق

لا شاشات ال LCD Liquid Crystal هي اللي ماتستحملش تثبيت الصورة لفترة اكتر من 7 دقايق و دي مكتوبة عندي في كتالوجها و حاتلاقيها في كتالوجات الشاشات

و برضة لا زالت استجابة شاشات ال LCD Responce Time أقل من شاشات البلازما و التليفزيونات العادية حتى, و دة عيب شاشات ال ال سي دي من اول ما عملوها برغم انهم قدروا يطوروها و يقللوا الزمن دة بس لسة فية وقت استجابة بيوصل في احسن الاحوال 3 مللي ثانية و دة كويس جدا انا لما جبت شاشتي كانت احسن زمن استجابة في وقتها من سنتين و كان 5 مللي ثانية




الريسيفر اللى بقولك علية دة بيتوصل ب HDMI CABLE يعنى اعلى حاجة اسأل عنة

انا موصل الشاشة عندي HDMI بال DVD بس الصورة انا واخدها من الرسيفر بكابلات كومبونانت لأن زي ماقلت لك مافيش لسة بث محطات بصورة HDMI الا في قنوات قليلة جدا و معظمها مشفرة زي الشو تايم و اية ار تي و اوربيت

على فكرة كابلات ال HDMI غالية جدا و انا في الاخر انا ندمت اني جبتة (ب120 - 150 جنية تقريباً) لأني مش شايف اي فرق في وضوح الصورة بينة و بين الكومبونانت لأن لازم الفيلم يكون متسجل HD و البث يكون HD مش بس الرسيفر

المشاركة الأصلية كتبت بواسطة ashouhdy

@adham

فعلا لفيت ع النت بخصوص الترانسميتور و لقيت نفس كلامك انة 2 تشنالز بس فى راديو شاك بيقولى عندة bose 5.1 ch. بال أف أم !!!!!!!!! حروح اشوف الكلام دة صح ولا لأ !

ياباشا الارسال الي طالع من الشاشة اصلا بيبقى 2 تشانلز لأن الاف ام ماينفعش غير انها تكون ستيريو و كمان صوت ارسال التليفزيون ستيريو , يبقى الشاشة مش حاتجيب صوت دولبي ديجيتال من مصدر ارسال و لا فية ارسال اف ام دولبي ديجيتال

و السيستم البوز (غالي جداً) اللي بيتكلموا عنة بيبقى فية جهاز الصوت (ترانسميتر) بيرسل ارسال لاسلكي في 5 قنوات صوت و السماعات (بتاعته) بتستقبلها, انما مش حاياخد صوت ستيريو من اف ام طالع من الشاشة و يحولة ل 5.1 دولبي ديجيتال,

على فكرة انظمة الصوت المحترفة مابتفضلش ابداً ارسال صوت لاسلكي, لأنة بيبقى محدود الباند ويدث و عرضة لأي انترفيرنس

يعني مش حايجيب طبقات الصوت كلها (من 20 هيرتز ل 20 كيلو هيرتز) و بيتأثر من اي مسببات خارجية زي موبايل او تليفون لاسلكي او غيرة

و بالتالي ينتفي الغرض منة كنظام صوتي محترف يعطي صوت نقي

البياع بتاع راديو شاك مافهمش قصدك, و خللى بالك الناس دي بقت بتفتي كتيرو مبقوش زي زمان من ساعه ما بقيتش اديهم تريننج من اكتر من 3 سنين و مابقاش فية حد عندهم فاهم اوديو يفهمهم اصلاً