رجة على سرعة 100

**abdelaziz-waleed** · 21-03-2008 08:16 PM

السلام عليكم ورحمة الله وبركاته
عندي سؤال يا جماعة لو سمحتم
انهاردة كنت مسافر بالعربية بس لاحظت حاجة غريبة
اول ما السرعة تيجي 100 بالظبط الاقي رجة في لعربية وتروح اول ما السرعة تبقى 110 او اعلى او تقل عن 100 بردو مافيش رجة تفتكرو ممكن تكون محتاجة ترصيص؟؟

تنبيه يا جماعة اللي هايسافر الصعيد على الطريق الغربي في تصليحات على الطريق القادم من الصعيد والعربيات بتستهبل وتمشي عكس على الطريق المتجه للصعيد المكان بالظبط بعد نقطة مرور العياط او قبل بحر يوسف تقريباً بحوالي 20 كيلو او قبل بني سويف بحوالي 70 كيلو وممكن بيشوي يكون عارف المكان ده بالظبط ويوصفه لنا احسن

**جمال** · 22-03-2008 01:16 AM

دى اعراض احتياج السيارة لترصيص العجل

**YaSSerwIN** · 22-03-2008 10:11 AM

رعشة من 70 إلى 100 بتبقا محتاجة ترصيص قدام رعشة بعد ال100 بتبقا محتاجا ترصيص ورا

**MEDO80** · 22-03-2008 05:25 PM

اكيد عاوزة ترصيص و خصوصا العجل الي قدام

**ramyso4** · 22-03-2008 05:33 PM

el raga feen fel derekseyoon wala el 3arabeya kakol
?

**abdelaziz-waleed** · 22-03-2008 06:48 PM

المشاركة الأصلية كتبت بواسطة ramyso4

el raga feen fel derekseyoon wala el 3arabeya kakol
?

الف شكر على اهتمامكم يا جماعة
الرجة بتبقى في العربية ككل وفعلاً انا ناوي اغير الكاوتش لأن تاريخ انتاجه 2003

**peranha** · 22-03-2008 08:30 PM

المشاركة الأصلية كتبت بواسطة hazem_khidr

طالما الرجه بتيجي علي سرعه و بتروح يبقي الكاوتش مش كويس.
بس قبل ما تغير كاوتش في احتمال تاني ضعيف بس برضه نقوله للامانه لاني مركبتش العربيه بتاعك و مش حقدر احكم عليها.
غير زيت الفتيس مش تزوده و شحم الكبالن .
لو لسه موجوده يبقي كده عيب كاوتش.
بدل مواضع الاطارات و جرب لو لقيت الرعشه راحت يبقي من الكاوتش و بنسبه كبيره الكاوتش الامامي

صح يا باشا كلامك ..انا حسيت برفه قبل كده وانا في اسكندريه الصحراوي وافتكرتها ترصيص وعبال ما وصلت الساحل الشمالي الكوبلن اليمين فلسع والحمدلله كنت دخلت القريه .. فممكن الكبالن تعمل رفه