جنط عادي ولا شنبر

**AlmAhAtmA** · 20-03-2008 11:27 AM

الحمد لله رب العالمين
قدر الله و ما شاء فعل

فقدت واحد من جنوط العربيه
نتيجه حفره مستخبيه

و السؤال
اجيب جنط عادي و اخليه الاستبن
ولا اركب شنبر لكاوتش الجنط المكسور

انا من رايي اجيب جنط عادي
بس منين بكام و ايه اللي اخد بالي منه و انا بشتريه

**AlmAhAtmA** · 20-03-2008 04:40 PM

استكمالا للموضوع
انا اتصلت بالتوكيل
و قالوا لي ان ما ينفعش اجيب اي جنط حديد و اركبه
و الجنوط الحديد عندهم 13 بس
و الجنط الجديد ب 2500 جنيه ايوننننننن ب 2500 جنيه ايوننننن الجنط الواحد
لكن قالوا لي ان التامين ممكن يغيره
و كلمت كونتاكت و قالوا لي كلمنا يوم السبت

السؤال لحد ما اجيب الجنط اركب شمبر للمكسور علشان يكون معايا استبن ولا اعمل ايه

**hazem_khidr** · 20-03-2008 09:57 PM

ازيك يا ابو هاني واحشني و الله :)
بص يا سيدي ممكن تجيب شنبر للجنط اللي عندك و تعمله استبن
لو التامين ما غيروش ليك و لقيت فكره الشنبر مش نافعه(الشنبر بينام او اي شئ )
هات جنط حديد و اعمله استبن مافيش مشكله طالما الاستبن بتركبه لحد ما تصلح الفرده المخرومه و تقوم مرجعه الشنطه تاني و تركب الفرده الكويسه.

**Karim_Monir** · 20-03-2008 10:33 PM

هاني حبيب قلبي
معلش قدر الله وما شاء فعل
سيبك من حوار الشنبر ده حوار فاشل هايعوملك العربية ويبوظلك اتزانها تماما
كلم كونتاكت وهما ملزمين يغيرولك الجنط بتاعك بواحد جديد اصلي
بس بصراحة الفطيم مفتريين قوي
ده جنط الميجان ب 1200 باين او 1300
لكن هوندا بتستهبل ده غير الضريبة طبعا
المهم كونتاكت يجبولك واحد ومعلش يا حبيبي المؤمن مصاب دايما
واشوفك على خير يا غاللي
وما تدخلش في حوار الشنبر ده خالص
دي مش تاكسي يا حبي

**Karim_Monir** · 20-03-2008 10:35 PM

اه صحيح
يا ريت تجيبلك كومبيرسور هواء حتى ولو ابو 60 جنية من اي ماركت بنزينة عشان لو عجلة نامت لا قدر الله تقومها على طول لحد ما توصل اقرب مركز خدمة
وبرضه هايغنيك انك تنزل الاستبن اساسا الا في الطوارئ زي بتاعت الجنط اللي باظ ده

**Karim_Monir** · 21-03-2008 02:04 AM

على فكرة انا كلمتك عشان كنت في سبينس وكانو عاملين عرض على واحد صيني وكنت برضه قريت موضوعك وانا في سيتي ستارز من على الابتوب عشان كنا قاعدين انا وميمو بنظبط حاجات
ولما دخلنا وشوفت العرض على الكمبيروسور كلمتك اقوللك علية
وقبل ماتكلم حفناوي قاللي ماتكلموش مش هايرد عليك
قولتلوة اول ما يشوف رقمي هايرد;)
بس انت مارديتش:(
ومحمود شمت فيا يابن امي:(
معلش ليا عندك حق عرب:(

**CryptonX** · 21-03-2008 02:26 AM

تمن الجنط مش مبالغ فيه ولا حاجة - علشان دي اثمان الجنوط " المحترمة " الحقيقية برة .
خش علي اي موقع بتاع جنوط " امريكي مثلا " و حتلاقي ان رخض طقم حيعدي ال 6000 جنيه بالراحة .

و على فكرة جنوط بيجو 307 16 بوصة الواحد ب 2900 جنيه مصري
و جنوط الجراند بونتو 15" -ايطالي - الواحد ب 2600 جنيه مصري .

بالنسبة لموضوعك
كونتاكت ملزمين بالتغيير
انا لي واحد صاحبي عمل حادثة ببجو 307cc و جنط 16 بتاعه اتعوج
اتغير في التأمين بدوم جدال نهائي .