شفتوا ساويرس عمل اية ؟؟ "راااااااجل "

**aly_hosny** · 07-10-2010 09:02 PM

المشاركة الأصلية كتبت بواسطة shadygalal669

انا قريت انه قال موبينيل خارج الصفقه دي لان موبينيل حسب كلامه انه خاض بسببها صراع كبير ضد فرانس تليكوم و البقاء على موبينيل قرار عاطفي بحت

انا مفهمتش ال قريته اوي
بس ال عرفته ان كدا بقى حق فرانس تيليكوم تاخد موبينيل على 240 السهم حاجة كدا يعني

**ahmed1981** · 07-10-2010 10:12 PM

المسألة في الحرج السياسي بين مصر والجزائر بعد الأحداث

لذلك فمن الصعب أن تقوم مصر بأي عمل سياسي ليحل تلك المشكلة

لكن الشريك الروسي ليس بينه وبينهم حرج

مثلاً لو الجزائر أممت الشركة المصرية هناك ماذا ستفعل مصر إقتصادياً هنا في مصر
المشكلة أنه لا وجود لأي نشاط إقتصادي عامةً للجزائر في مصر
لذلك فهي تستقوي على مصر وتحاول لوي ذراعها

لكن لو نظرنا للعلاقة الإقتصادية بين الجزائر وروسيا

هناك صفقة طائرات روسية للجزائر بمبلغ مليار دولار
وصفقة رادار روسية للجزائر بمبلغ 500 مليون دولار

بمعنى أن روسيا لو وجدت أي محاولة تلاعب أو لوي زراع من الجزائرين ستقرص لهم آذانهم قرصة محترمة جداً
وهيرجعوا يبدوا الأسف

هكذا فكر سويرس والله أعلم

**Adham** · 07-10-2010 10:24 PM

المشاركة الأصلية كتبت بواسطة mynameh

كان فية مشاكل بينة " شركة جيزي " و الجزاير
و الشركة كانت بتكسب كويس اوي

و بعد اللي حصل في ماتش الجزاير
الجزاير طمعت في الشركة عشان مكاسبها كويسة

استنجد بمصر و لا حد من اللي هنا عملو حاجة

ام عمل حوار الاندماج بين شركتة و شركة روسية
فالطبيعي ان جيزي تبقي بتاعتهم
ام اية اللي حصل :
رئيس ثاني اكبر دولة في العالم راح بنفسو الجزاير عشان يحل المشكلة

و مفيش اي نتيجة لحد دلوقتي عن النتائج
بس بصراحة حركة جامدة
و كمان انا بعتبرو انضف رجل اعمال في مصر حاليا عشان كدة ربنا يوفقة في الحركة دي

حضرتك الجزائر ناويين ياخدوا الشركة ياخدوها و حايشتروها بالشفعه و بالتقييم اللي هما حايحددوة مش تقييم ساويرس من خلال احلامة و أمنياتة و رئيس وزراء روسيا اللي راح ساويرس يرمي الشركة في عبة و يتحامى في جلابيتة مش حايخلص الموضوع برغم كل العلاقات الطيبة بين الجزائر و روسيا بس هما مش عبط, و سيبك من المحلسة بتاعه ساويرس و لعبة على وتر الوطنية علشان هو مايهموش الا يكوش عالفلوس

لأن الموضوع لية ابعاد تاني مش موضوع ماتش كورة

لان شركات مصرية كتير تانية موجودة و شغالة في الجزائر و مافيش اي مشاكل بينهم و بين الحكومة (مثال: حديد عز و المقاولون العرب و اوراسكوم للإنشاء و الصناعه بتاعه نصيف اخو نجيب ساويرس)

الموضوع ان ساويرس اشتري مصانع اسمنت من الحكومة الجزائرية و باعها بعد فترة لشركة فرنسية (لافارج على ما أذكر) و دة جنن الحكومة الجزائرية لأنهم اساساً مكانوش راضيين يبيعوها للفرنساويين (الجزائر كانت محتلة من فرنسا فوق ال 100 سنة) و بالتالي الموضوع فية حساسية كبيرة لبيع اي ممتلكات ليهم, زي بالضبط كدة لو حد (من اي جنسية عربية ) اشترى ارض في سيناء و راح باعها لإسرائيل البلد كلها حاتقوم علية و حايبقى عدو الشعب وقم واحد و دة اللي حصل مع ساويرس

**mazagngi2010** · 07-10-2010 11:34 PM

المشاركة الأصلية كتبت بواسطة Adham

حضرتك الجزائر ناويين ياخدوا الشركة ياخدوها و حايشتروها بالشفعه و بالتقييم اللي هما حايحددوة مش تقييم ساويرس من خلال احلامة و أمنياتة و رئيس وزراء روسيا اللي راح ساويرس يرمي الشركة في عبة و يتحامى في جلابيتة مش حايخلص الموضوع برغم كل العلاقات الطيبة بين الجزائر و روسيا بس هما مش عبط, و سيبك من المحلسة بتاعه ساويرس و لعبة على وتر الوطنية علشان هو مايهموش الا يكوش عالفلوس

لأن الموضوع لية ابعاد تاني مش موضوع ماتش كورة

لان شركات مصرية كتير تانية موجودة و شغالة في الجزائر و مافيش اي مشاكل بينهم و بين الحكومة (مثال: حديد عز و المقاولون العرب و اوراسكوم للإنشاء و الصناعه بتاعه نصيف اخو نجيب ساويرس)

الموضوع ان ساويرس اشتري مصانع اسمنت من الحكومة الجزائرية و باعها بعد فترة لشركة فرنسية (لافارج على ما أذكر) و دة جنن الحكومة الجزائرية لأنهم اساساً مكانوش راضيين يبيعوها للفرنساويين (الجزائر كانت محتلة من فرنسا فوق ال 100 سنة) و بالتالي الموضوع فية حساسية كبيرة لبيع اي ممتلكات ليهم, زي بالضبط كدة لو حد (من اي جنسية عربية ) اشترى ارض في سيناء و راح باعها لإسرائيل البلد كلها حاتقوم علية و حايبقى عدو الشعب وقم واحد و دة اللي حصل مع ساويرس

نفس اللى قلته هنا كويس انى لقيت واحد معايا على الخط

**Adham** · 07-10-2010 11:56 PM

المشاركة الأصلية كتبت بواسطة بحري

أنضف رجل أعمال من جهة إيه بالضبط؟؟!!!
مش فاهم الإطلاقات الواسعة جدا دي معتمدة على أي أساس

ساويرس معروف بمكرة و كهنة و مايهموش الا مصلحتة الشخصية, و لا يقارن بكثير من رجال الاعمال المحترمين امثال فريد خميس او البليدي او ابو العينين او السلاب او احمد بهجت او منصور او شفيق جبر او طاهر حلمي او على فهمي او عيسى عليش و ماجد نديم او غيرهم كتير

انما ممكن نصنفة هو و أحمد عز و و ايوب عدلي و غبور و محمد متولي و حرفوش انهم فئة واحدة من رجال اعمال استوحشوا و استفحلت ثرواتهم في فترة بسيطة بشكل يضع تحتها علامات استفهام كثيرة

حكاية انضف دي ماعتقدش بسبب انة بيستحمى كتير مثلاً

**mazagngi2010** · 07-10-2010 11:57 PM

[QUOTE=Adham;3873106323]

انا بحكم طبيعه عملي لفيت في دول كتير عربية و اجنبية, لكن اقسملك ما لقيت مكان المصري محبوب و متكرم فية (لة كرامه عند اهلها) زي الجزائر بخلاف كل الدول التانية من الامارات لليبيا للسعودية للكويت لغيرهم

متفق جدا معاك فى الموضوع ده بس تفتكر بعد الاحداث الاخيره اللى حصلت هيكون فيه نفس المعامله لان جايللى شغل فى الجزاير وبفكر 100 مره دلوقتى

**Adham** · 08-10-2010 12:11 AM

المشاركة الأصلية كتبت بواسطة mazagngi2010

[/size][/color]

متفق جدا معاك فى الموضوع ده بس تفتكر بعد الاحداث الاخيره اللى حصلت هيكون فيه نفس المعامله لان جايللى شغل فى الجزاير وبفكر 100 مره دلوقتى

اعتقد دلوقتي بعد كل القلق في الكورة و السياسة و الاقتصاد الأمور اختلفت

بس لو انت في حالك و شايف شغلك و مالكش دعوة بحد و مابتنزلش بالليل تمشي لوحدك مافيش مشكلة هههههههه
بالذات لو شغلك في الجزائر العاصمة مش في وهران او اي مدينة تانية

المشاركة الأصلية كتبت بواسطة pedro732000

ياجماعه برده هانرجع نقول واقفات الجزاير مع مصر فى 73 كان فيه فوج بيدافع عن السويس فوج مدفعية
واحنا ساعدناهم فى التحرير
ولكن اللى بيحصل فى ماتشات الكورة ده قلت ادب من هنا وهنا
وانا بحب واحترم الجزائريين

فعلاً هم وقفوا جنبنا كتير في الحرب و بعد 67 ارسلوا سربين طيارات ميج حديثة لدعم القوات الجوية اللي كل طياراتها اتدمرت عالارض و مش بس كدة دول كانوا بطيارينهم و اطقمهم و في حرب 73 كان فية اكثر من 2000 ضابط و جندي جزائري في الخطوط الخلفية , يعني دورهم مكانش محوري بس الاسم ان الناس دي ساعدتنا برضة زي ماوقفنا جنبهم سنين في حربهم من اجل الاستقلال من الاحتلال الفرنسي و دعم المقاومة الشعبية و مساندة في المحافل الدولية, ايام عبد الناصر طبعاً

و فعلاً الناس دي ماسمعناش منهم كلمة انهم اصحاب فضل و لا غيرة الا بعد الماتش المشئوم دة بخلاف غيرهم اللي كان كل دورهم اقتصادي و محدود و تلخص في انهم وقفوا بيع البترول للغرب اسبوعين و ماسكينها زلة و عاملين فيها اصحاب افضال و دينهم جميل في رقبتنا ليوم الدين

**Egyzizo** · 08-10-2010 03:23 AM

الموضوع ان ساويرس اشتري مصانع اسمنت من الحكومة الجزائرية و باعها بعد فترة لشركة فرنسية (لافارج على ما أذكر) و دة جنن الحكومة الجزائرية لأنهم اساساً مكانوش راضيين يبيعوها للفرنساويين (الجزائر كانت محتلة من فرنسا فوق ال 100 سنة) و بالتالي الموضوع فية حساسية كبيرة لبيع اي ممتلكات ليهم, زي بالضبط كدة لو حد (من اي جنسية عربية ) اشترى ارض في سيناء و راح باعها لإسرائيل البلد كلها حاتقوم علية و حايبقى عدو الشعب وقم واحد و دة اللي حصل مع ساويرس

تصحيح بس ، إن موضوع لافارج لا يخص نجيب ساويرس من قريب أو من بعيد وإنما يخص ناصف ساويرس أخوه، وماكانش كده بالظبط ، لأنه ماباعش شركة الجزائر ولا حاجة إنما الموضوع إنه حول حصته فى كل مصانع الأسمنت الى بيمتلكها (مصنع الجزائر واحد من 20 مصنع فى عشرين دولة بيمتلكها ناصف ساويرس) .. هو حول حصته فى العشرين مصنع دول علشان يستحوذ على لافارج بس هم حددوا حصته في لافارج بـ 20% واشترطوا عليه عدم زيادتها لمدة 3 سنوات ، يعنى الموضوع مش مقصود بيه الجزائر على وجه الخصوص إنما مصنع الجزائر كان ضمن صفقة كبرى يمكن تسميتها بصفقة توسعية لناصف ساويرس مش تصفية، بس شكلها برضه جت على قفا نجيب أخوه.

وأنا مش معاك ان فيه علامات استفهام على ثروة ساويرس وإنما أعتقد أن يده نظيفة وبعيد عن أى شبهات لأن فيه ناس كتير واقفين له على الواحدة ومش هيعتقوه لو مسكوا عليه حاجة.

-

الموضوع: شفتوا ساويرس عمل اية ؟؟ "راااااااجل "

LinkBack

أدوات الموضوع

عرض

-

-

-

-

المواضيع المتشابهه

_""""""""الاسطورة لكزس gs الكوبيه تنتظركم في عام 2013 """"""""_

""""""""ارقى مايتعلمه الانسان فى الحياه""""""""

الحكومة بتفلس""""تخفيض حوافز الاطباء """خلوها تخرب""

الحقنى يا استاذ سبعاوى """"""""""""""""""""""""""""""""""""""

يا جماعه محتاج مساعده سريعه لضيق الوقت """"""""""""""

الكلمات الدلالية لهذا الموضوع

المفضلات

المفضلات

ضوابط المشاركة