الموضوع: شفتوا ساويرس عمل اية ؟؟ "راااااااجل "

------------------

hahahahaha


تمنع قواعد المنتدى كتابة اللغة العربية بحروف أحنبية
8/10/2010
9:42am
مشرف القسم
20ب

المشاركة الأصلية كتبت بواسطة egyzizo

تصحيح بس ، إن موضوع لافارج لا يخص نجيب ساويرس من قريب أو من بعيد وإنما يخص ناصف ساويرس أخوه، وماكانش كده بالظبط ، لأنه ماباعش شركة الجزائر ولا حاجة إنما الموضوع إنه حول حصته فى كل مصانع الأسمنت الى بيمتلكها (مصنع الجزائر واحد من 20 مصنع فى عشرين دولة بيمتلكها ناصف ساويرس) .. هو حول حصته فى العشرين مصنع دول علشان يستحوذ على لافارج بس هم حددوا حصته في لافارج بـ 20% واشترطوا عليه عدم زيادتها لمدة 3 سنوات ، يعنى الموضوع مش مقصود بيه الجزائر على وجه الخصوص إنما مصنع الجزائر كان ضمن صفقة كبرى يمكن تسميتها بصفقة توسعية لناصف ساويرس مش تصفية، بس شكلها برضه جت على قفا نجيب أخوه.

تمام ياباشا شكراً للتوضيح, بس المهم ان الجزائريين خدوها من ناحية ان مصانع الاسمنت راحت منهم في اللأخر لفرنسا , دة الشق اللي يخصهم و مايخصهمش ان كانت بيع وللا مشاركة و لا حصة في استحواذ مع لافارج, المهم ان المصنع راح للافارج


وأنا مش معاك ان فيه علامات استفهام على ثروة ساويرس وإنما أعتقد أن يده نظيفة وبعيد عن أى شبهات لأن فيه ناس كتير واقفين له على الواحدة ومش هيعتقوه لو مسكوا عليه حاجة.

الله أعلم

المشاركة الأصلية كتبت بواسطة ghazy12

يا جماعة الخير... اصلاً شركة لافارج شركه فرنسيه 100% و ليها
فروع و مصانع في دول كتيييييير حول العالم, و مجال تخصصها في صناعة الاسمنت
و الجبس و بعض مواد التشييد... و هي الان عضو في مجموعة شركات
سينت جوبين العالميه...

اللي اعرفة ان "سان جوبانsaint goban " دي بتعمل زجاج و من اكبر مصانع الزجاج في العالم و في اوروبا, معظم زجاج السيارات في اوروبا منها اول مرة اعرف انهم ليهم في الاسمنت و مواد البناء كمان


انا عايز افهم بس... يعني ايه سواء نجيب او نصيف خد الشركه و باعها
للفرنسيين..!!!!!!!!!!!!!!!! ما هي اصلاً فرنسيه..!!!

يعني الجزائر مثلاً ماتعرفش ان لافارج فرنسيه..!!! او سينت جوبين فرنسيه..!!!

هو باع مصانع الاسمنت الوطنية الجزائرية للافارج مش فرع من لافارج في الجزائر باعه للافارج

بالنسبه لثروة سويرس... على حد علمي ان عائلة ساويرس من زمان اغنياء
و جزء كبير من ثروة نجيب او نصيف او اخواتهم هو ما إلا ورث عن ابوهم
و هما شغلوا الفلوس دي في بيزنس و شركات و بورصه, مع الجانب
الاهم و هو العلاقات و النفوذ, فتوحشت ثروتهم بالشكل الحالي ده...

تمام بس ثروة ابوهم اللي هوة كان اصلا يعمل في المقاولات في الصعيد و في ليبيا (أنسي ساويرس) لا تقارن ب واحد على مليون من ثروة الابناء و الثروات دي توسعت بشكل غريب خلال ال 15 - 20 سنة الماضية و بالاخص بشراء و اقتناص صفقات حكومية باسعار بخسة



و سيبك من الكلمتين اللي عن الوطنيه اللي بيقولهم في كل برنامج دول.
لان ساويرس عارف يكسب الناس ازاي, و هو في الاخر ((بيزنس مان))
مش رجل سياسه, ولا ليه فيها اصلا...

+1

لكن على مستوى البيزنس... هو رجل اعمال ذكي جدااا, و ناجح جدااا في رأي

يعرف من اين تؤكل الكتف, بس مش مهم كتف مين

عموماً لعبة روسيا في رأي مش هتدخل على الجزائر و ماظنش هتجيب نتيجه و الله اعلم

+1 تاني برضة انا من رأي حضرتك في دي

تحياتي للجميع...

المشاركة الأصلية كتبت بواسطة egyzizo

يا باشمهندس غازى الوضع كما يلى : نصيف ساويرس عنده شركات أسمنت كتير فى دول كتير ، والشركات دى مستقلة ماكانش ليها دعوة بلافارج خالص ، فهو فى صفقة اندماج نقل حصته فى كل المصانع دى إلى لافارج ، فشركة لافارج هتستفيد بأنها هتتوحش وكيانها هيكبر ، ونصيف هيستفيد بأنه هيبقى من ملاك لافارج ، فإدارة المصانع دى والعلامة التجارية أصبحت (لافارج) ونصيف أصبح مالك فى لافارج.
كده نصيف عمل صفقة خالصة مخلصة وطلع باللى هو عاوزه.
جه بقى حظ أخوه الأسود أن كان من ضمن العشرين مصنع اللى عند نصيف ، مصنع أسمنت الجزائر ، ومن ضمن الصفقة انه هيخضع لإدارة لافارج زى المصانع اخواته، ولافارج دى الجزائر بتكرهها كره العمى وبتكره اللى جابوها ، وزاد الطينة بلة موضوع الماتش وتوتر العلاقات اللى مش باين له نهاية فحصل اللى حصل واللى نجيب بيحاول يفلفص منه بأقل قدر من الخسائر.
+1

وبالنسبة للعبة روسيا ، فأنا افتكر انها هتنجح لأن روسيا لديها الكثير الذى يمكن أن تضغط به على الجزائر عكس مصر.

ماعتقدش ان روسيا حاتقدر تخلص الموضوع

المشاركة الأصلية كتبت بواسطة ghazy12

ده كلام جميل جدااا... لان الكلام في الاول كان غريب ان ساويرس باع (لافارج) للفرنسيين..!!!

ياباشا محدش قال انة باع لافارج للفرنساويين, و انما انة اشتري مصنع اسمنت في الجزائر و باعه (او تنازل عن حصتة بشكل او بأخر ) لشركة فرنسية اللي هيه لافارج

المشاركة الأصلية كتبت بواسطة adham

الموضوع ان ساويرس اشتري مصانع اسمنت من الحكومة الجزائرية و باعها بعد فترة لشركة فرنسية (لافارج على ما أذكر) و دة جنن الحكومة الجزائرية لأنهم اساساً مكانوش راضيين يبيعوها للفرنساويين

المشاركة الأصلية كتبت بواسطة ghazy12

ههههههههههههه... مين قال نصيف..!!! هي كانت (( نظيف )) في دماغي و حصل لبس, و مش
عارف ايه اللي جاب نظيف في دماغي اصلاً..!!!! بس اهو رئيس الوزراء بردو, و ربنا يــ....... خليهولنا :)))

معلش يا باشا... غلطه مطبعيه...

ربنا يرحمنا و ينضف البلد من كل غير نظيف

الراجل ده انا بحترمه جدا فاكرين اللي حصل مع اوراسكوم في العراق لما الحكومة مرضيتش تدفع الفدية و هو دفع و انقذ المهندسين المصريين اللي شغالين معاه راجل بيخاف علي رجالته سمعت ان السفير المصري اندبح ساعتها علشان مصر مرضيتش تدفع الفدية بنااخ علي رجالتنا بردو