عربيتي اتخبطت ..... الحمد لله :((

**goodwave** · 23-03-2008 10:05 AM

أأأأأه نسيت أقولك حاجة.... لازم طبعا ترشي الخبطة وتعدليها....... يعني إنتي تمشي بيها زي الزفت علشان إللي حيشتري يفرح! وكمان مين قالك إن عربية مخبوطة بس فابريكة سعرها مش بيكون أقل من عربية مرشوشة؟ طب ما لازم العربية تترش وطالما رش خوارج لا يعيبها..... وإفرضي جايلها زبزنة بنت طبعا حتقول يااااااااي لما تشوف الخبطة....... وطبعا الخبطة إللي إنتي ممكن تعمليها بألف.... إللي حيشتري حيقولك دي تصليحها حيتكلف خمسة الاف جنية!

توكلي على الله وصلحيها..... بس لو دي اول خبطة سيبيها شوية تاخد العين!

**Karim_Monir** · 23-03-2008 10:06 AM

ما تسكتيش يا نهى على فلوس الفانوس
ده هايعدي ال الف جنية
انا بكرة كلمة هو انت تقبل العوض دي
طبعا ربنا قال العين بالعين والسن بالسن طبعا البني ادام مش زي الجماد
بس ربنا شرعلنا دينا
لكن بقي اللي عايز يعفوا ربنا هو الكريم بس لو في حالة ان اللي قدامك معسر
لاكن طالما موسر يبقي يتادب بالفلوس

**Adham_Sabry** · 23-03-2008 11:28 AM

لازم يا نهى تاخدي مصاريف الإصلاح من الناس دي (وممكن بعد كدة تتصدقي بربعهم مثلا )
من اتلف شيئ فعلية اصلاحه
وعلى فكرة انتي كدة بتعملي معروف للولد دة مش بتضريه ..الفلوس دي ممكن تخلي اهله يخدو بالهم منه وتهوره ده ينتهي مين عارف جايز تهوره ده يؤذيه
انا رأي انك متسكتيش ..
اول حاجه محضر اثبات حاله لو ما فادش مش ها يخسر وممكن تبقي تتنازلي عنه في حاله الصلح
ثانيا تطالبي بمصاريف الأصلاح * 1.5
لأن لو جيت تبيعي العربيه قبل الموضوع ده كان ليها سعر وبعد الموضوع ده وحتي بعد اصلاحها هايكون لها سعر تاني..اعتقد ممكن تقل الف او الفين (غير مصاريف الإصلاح)
خلي اخوكي يكلمهم بهدوء ويشرحلهم الكلام ده .. ان استجابو خير
موضوع السكر وفرد الكاوتش والإنتقام ده غلط
زي ما انتي هاتعملي كده هو ممكن يعمل كده برضه و حقك هايضيع
بس خدي بالك لازم اجراءات سريعة
لازم تخلصي النهاردة يا يمين يا شمال
مينفعش تروحي تعملي محضر في القسم وتقولي ان من اسبوع حصل كنت راكنه و...
الحاجات دي لو تأخرت حقك بيضيع
و قدر الله وما شاء فعل
اللهم اجرني في مصيبتي واخلف لي خير منها

**Adham_Sabry** · 23-03-2008 11:41 AM

انا بقول اول حاجه المحضر لأني حسيت من كلامك ان الناس دول لبط ممكن يهدوكم بكلمتين
ويقلولكم طيب ان شاء الله هانعوضكم .. علي اول الشهر هانعطيكم مبلغ .. يعني يحاولو ينيمو الموضوع اسبوعين ثلاثة والموضوع ينتهي علي كدة..
لو فية صلح يبقي لازم تحرك فعلي ويدفعوا المصاريف علي طول

**ضيفو** · 23-03-2008 11:51 AM

لا إاله الا الله
انا شايفة كل اللى اتكلم اتكلم فى كل حاجة الا ان الولد عنده 11 سنة ودى مش اول مرة يضر عربيتك
ولد زى ده وام زى امه صوتها عالى مش هيتردوا الا بحكم القوى
ازاى عنده 11 سنة ويسوق ولسه هنتاقش نعمله محضر ولا لأ
امال لو قتل حد والعياذ بالله هنعمل ايه
البلد بايظة عشان الظلم ماشى وواخد فى سكته اللى قدامه ومحدش بيرده
لو واحد عنده 11 سنة بيسوق وبيهدل شقى الناس (حتى لو مش شقاينين )ونخاف عليه من بهدلة القسم
امال مين اللى يتبهدل بقى
وبعدين لو دخل القسم هيتبهدل قانونى مش بتتبلى عليه ولا بتلفقيله تهمة
اللى بيسيب حقه الصغير بمزاجه هيسيب حقه الكبير غصب عنه
عمار يا مصر

**وائل عطية** · 23-03-2008 12:12 PM

العين بالعين والسن بالسن والبادي أظلم

**hamedo0** · 23-03-2008 12:28 PM

خلاص يا شباب هي بتقول الموضوع خلص وربنا يعوض عليها بس اخوها يساهم في ثمن الفنوس مش هو مابقبلش العوض يدفع به:D (احنا بنهادى النفوس)

**محمد المشد** · 23-03-2008 12:36 PM

قدر الله وماشاء فعل 000 ولا حول ولاقوة الا بالله العلى العظيم
وياريت يتم تنفيذ قانون المرور الجديد بحزم حتى لا نرى سائقين مهملين او انصاف سائقين او شباب ذو رعونة وهمجية 000 نجاكم الله من كل شر

**mohamed_88sk** · 23-03-2008 12:41 PM

لا حول ولا قوة إلا بالله .... لا جت سليمه الحمد لله
والحمد لله جت على أد كده .. قدر ولطف . يعني على الأقل مكونتيش فيها كان حصلك صدمه أو حاجه لا قدر الله .. تخيلي أنتي كده ومكونتيش فيها أومال لو فيها كان أيه ..
برضو أخوكي كده كويس اللي عمله برضو مهما كانوا جرانكوا وكويس أنكم بدأتوا بالخير والتسامح ...
إي نعم هم أبنهم أستهبل بس برضو معلش بس يارب ميكررش كده تاني وربك يسلمها إن شاء الله ..

الموضوع: عربيتي اتخبطت ..... الحمد لله :((

LinkBack

أدوات الموضوع

عرض

-

-

-

-

-

-

-

-

المواضيع المتشابهه

الحمد لله عربيتي السيراتو اتخبطت

محتاج رأيكم ضروري (عربيتي اتخبطت الحمد لله)

عربيتي اتخبطت اخد عوض ولا لا

عربيتي اتخبطت

عربيتي الأفيو اتخبطت....الحمد لله

الكلمات الدلالية لهذا الموضوع

المفضلات

المفضلات

ضوابط المشاركة