الموضوع: حد يشوفلنا حل في موضوع الشمس دا؟

فالأول وحشتوني جدا كان بقالي فترة مطحون بس الحمدلله روقت شوية

يومين الحر اللي فاتو دول انا طبعا اتروقت بسبب اللون الاسود للعربية بس برضو لازلت مقتنع انه ارحم من ألوان كتير وهقولكو ليه بعدين المهم الدنيا بتبقي فرن والتكييف لذيذ وكل حاجة بس بياخد وقت علشان يطلع الصهد دا

وكنت في المهندسين كده ورا نادي التوفيقية ولاقيت حد عنده ستارة خلفية قطعة واحدة ومعاها ستارتين جانبيتين بس قالي دا بتاعت لانسر بس فيه للهوندا سيفيك ٢٠٠٧ وكانت عنده وخلصت وبقالي اسبوع بكلمه ومفيش رد
حد يعرف اجيبها منين ؟

وموضوع الفاميه دا كمان سايبه اخر حل ومش عارف اركب اي درجة وبحس انه مش حلو علي السيفيك بس لو هينفعني في موضوع الشمس دا هركبه طبعا؟

اما بالنسبة لموضوع الأسود كنت راكن ادام الميرلاند وكنت رايح لدكتور في روكسي بس قلت اركن بعيد وبعد ما ركنت لاقيت واحدة بتركن جنبي بميجان حمرا ربنا ينتقم منها (الست مش العربية علشان شاركي ميزعلش مني)
وديييب راحت خابطالي المرايا وطلعت ودخلت 5 مرات وانا قاعد اتفرج قلت مش مشكله الحمد الله والمرايا محصلهاش حاجة فعادي وانتابني شعور ان الست دي ولو ربنا كرمها وخلصت قبلي مشوارها هتعلم علي العربية وفعلا دكتوري اتأخر جدا رجعت لقيتها حكت زاوية الاكصدام وشاليتلي جزء من الدهان وسابتلي جزء من دهانها الاحمر الجميل....وفايدة الاسود انو بصراحة علي الرغم من ازالة الدهان الا ان اللون اللي تحت اسود برضه ودا المصلحة الوحيدة ويا رب تخف شوية لما اروح المعها بواكس...وربنا يرحمنا من اتوبيس الهيئة ومن ست سايقة(مقولة مشهورة لسواقين التاكسي)

لو بتفكر في موضوع الستاير .... أنا عمري ما شفتها متركبة علي سيفيك و مش قادر أتخيل شكلها .... المهم أنك تتأكد أنها بتاعة العربية عشان بتكون متفصلة علي قد الزجاج علشان متكنش (مكرمشة) لو كانت بتاعة عربية تانيه .... و كمان هتدايقك لو فاتح الزجاج من صوت الهوا جنب ودنك ..... و بالنسبة للفاميه فا أنا شفتها متركبة علي واحدة سوداء و كان جايب نيكل بسيط علي الباب تحت الزجاج بطول البابيين كان منظرها كويس .... بس كان ناقصها جنط نيكل d:

و بالنسبة للستاير فا هتلاقيها عند أرابكم ان شاء الله