الموضوع: الرخصتين اتسحبوا_وبدون وصل_على ترعة المريوطية.وأتخانقت مع الظابط وكنت هاتحبس.

المشاركة الأصلية كتبت بواسطة i_am_legend

طيب يا جماعة_مين معانا على المنتدى محامى نسألة_طيب أخش على وكيل النيابة أقولة أيه_يعنى ممكن يخفضها مثلا_انا هاروح مرور فيصل.

مرور فيصل ازبل مرور فيكى يا مصر والكوسة هناك بالاقفاص وياريت ماتروحش بنفسك وشوفلك محامى يروح بدالك انت متعرفش ممكن يكون الظابط كتب اية فى التقرير المرفق بالرخصة خاصة انك ظبطته ادام الناس ممكن يكون اتكتب فية اعتداء على الظابط او سب او قصف او اى هبل انتقاما منك علشان كده خلى محامى يروح يجيبهالك علشان لو طلع فيها حوار وكيل النيابة هيحبسك وش انما المحامى هيعرف يتصرف ومعلش يا مان متضايقش نفسك دى ناس مرضى نفسيين وعندهم نقص جامد ....اقولك على موقف حصل مع سائق اتوبيس سياحى فى منطقة ابو الهول كان السائق منتظر المجموعة السياحية وقاعد جوة الاتوبيس ومشغل التكييف عادى يعنى الجو حر قام الظابط الناقص بعت الامين يقول للسائق يطفى الاوتوبيس لحد متيجى المجموعة السياحية السائق قالة لية خير قاله الامين معرفش قام السائق نزل يسئل الظابط .سأله السائق خير يا باشا قاله الظابط يعنى انا ظابط وباشا اقعد فى الحر وانت سواق وقاعدلى فى التكييف اطفى الاتوبيس......ناقصيييييييييي يييييييييييييييييين ومرضى نفسين مش كلهم بس معظمهم بس حط فى دماغك حاجة واحدة ان ربنا الكبير والعظيم وقادر يزلهم

دعوه المظلوم مستجابه

فكرتني بموقف حصلي من اسبوعين

نزلت خمس دقايق وركنت صف تاني في مصطفي النحاس انا عارف انه غلط بس الموضوع كان بسرعة وكنت واقف في حتة مش معطل المرور رجعت بعد الخمس دقايق لقيت الكلبش المتين

ولقيت صول واقف قولتله فك يا عم وندفع الغرامة وخلصونا

قاللي طب عاوزين الرخص قلتله طب فك وخلصنا عقبال ما اجبهالك

المهم فك الكلبش ورحنا للظابط راح واخد الرخصة وقالي 50 جنيه قولتله اتفضل ادي الخمسين جنيه

قاللي لا انا هكتبلك وصل عشان انا ما ينفعش اخد فلوس عشان مامعايش ايصالات

قولتله طب ما دام ما معكش ايصالات بتقولي عاوز الخمسين جنيه ليه قاللي لا ما انت روح ادفع الفلوس في اول عباس الظابط واقف في البنزينة هناك وارحع هتلقيني هنا اديك الرخصة

قولت يا دي العطلة "انا برضة اللي عملت كده في نفسي" قولت اروح اجيب ادفع المخالفة في السريع وارجع بدل ما نضرب مشوار تاني للمرور

روحت دفعت المخالفة ورجعت وكان عباس العقاد ايه قشطة العربيات ما بتتحركش

رجعت ادور علي الظابط ما لقتوش ولقيت امين شرطة قولتله هو فين قالي خد الونش ومشي "يا عيني الراجل سمع كلام - وهو عمال يقولي انا مالي هو مشي انا مالي "

مشيت شوية لقيت عميد واقف في نص الشارع روحت راكن العربية جنبه ونزله ، قولتله يعني الرخص تتسحب وادفع الغرامة ويطلع عيني ورجع ما القيش الظابط كان قال انه مش هيبقي موجود وانا كنت مشيت وشفت اي واسطة تجيبهالي

العميد قالي هو ايم الظابط ايه قولتله وانا ايش عرفني قالي هات الوصل كده بص فيه وقالي هتلقيه بيلف في عباس العقاد

طبعا طبق الاصل العلقة اللي فاتت عباس العقاد ما بيتحركش ولو قعدت كده فيها للساعة 12 بالليل روحت داخل من شارع موازي لعباس وماشي حبة حلوين وراجع عباس تاني، لقيت عسكري قلتله الونش عدي ولا لسه قالي لا ما عداش من ساعتين

روحت نازل من العربية وسايبها قدامه قالي رايح فين قولتله رايح ادور علي الونش ولو حد لمس العربية هنقلك الواحات

المهم مشيت شوية في عباس لقيت الونش روحت رامي نفسي قدامه الظابط قالي خير قولتله عاوز الرخصة قالي طب استني هركن علي جنب

ركن جنب عربية واقفة صف تاني وصاحبها واقف جنبيها قاله حرك العربية عشان ممنوع،قاله انا النقيب مش عارف ايه من قسم مدينة نصر

انا بقي جاتلي الجنونة، يعني هو عشان ظابط يقف مخالف واحنا عشان مالناش حد يطلع ..... ابونا

راح ظابط المرور بص للظابط التاني وقاله لو سمحت بأه تحرك العربية، هو ده اللي هداني شوية، وخت الرخص وقلت توبة صف تاني توبة