محتار و عايز حد يساعدني سريون 1500 أو فيات بونتو إيفو 1400

**mohamedgamall** · 11-12-2010 08:33 AM

المشاركة الأصلية كتبت بواسطة slim_shika

في المختصر السيريون اعتمادية وعملية, الايفو رفاهية.

علامة استفهام.

يعنى ان شايف ان الايفو ممكن تبقى اعطلها كتير اية لازمة الرفاهية لو هتبدل الواحد مع التوكيل او مراكز الخدمة

**mohamedgamall** · 11-12-2010 03:34 PM

انا اسف يا جماعة انا كنت بسال اذا كانت الايفو ممكن تبقى اعطلها كتير مكنتش بقول يعنى انا اسف

**wael17** · 11-12-2010 08:13 PM

المشاركة الأصلية كتبت بواسطة slim_shika

كان فيه موضوع شامل مقارنة بين السيريون و الايفو. بس اتمسح في الوباء.

والنتيجة كانت كالاتي:

السيريون تتفوق في;
- قوة الموتور
- الواسع الداخلي
- التوكيل (خدمة مابعد البيع)
- قطع غيار ارخص
- اعتمادية أعلى
- 4 إزاز كهربة
- فتح تنك البنزين من الداخل

الايفو تتفوق في;
- الخامات الداخلية أفضل (برده مش فرق شاسع)
- option اعلي - blue&me
- أمان نسبيا أكتر (5 نجوم في ال euro ncap و السيرون 4 نجوم)
- ebd
- زرار ال city
- نظام ال eco

.

موافق علي كلامك بس عايز أوضح نقطة مهمة بخصوص الوسع...هي فعلا السيريون قعدتها تدي احساس بالوسع بس ده راجع لارتفاع سقفها حوالي 5 سم عن الايفو لكن غير كده الاايفو أطول ب 43 سم و أعرض ب 2 سم من السيريون...طبعا 40 سم يعتبر فرق كبير قوي في الطول بين عربيتين هاتشباك بس الطول الزيادة في الايفو معظمه في الكبوت و مش مستغل في الكابينة بس شنطة الايفو اكبر شوية من السيريون

**wael17** · 11-12-2010 08:19 PM

المشاركة الأصلية كتبت بواسطة moody1

السيريون احسن موفرة فالبنزين وسع معقول موتور قوى ويابانى

ممكن تكون موفرة لو 1300 سي سي لكن صعب شوية السيريون 1500 سي سي تكون موفرة عن الايفو خصوصا ان الايفو فيها start/stop و eco و دي انظمة لتوفير استهلاك البنزين

الايفو بتعمل معايا 15-16 كم باللتر جوه المدينة و ممكن توصل 20 كم باللتر في السفر

**slim_shika** · 15-12-2010 05:20 AM

المشاركة الأصلية كتبت بواسطة wael17

موافق علي كلامك بس عايز أوضح نقطة مهمة بخصوص الوسع...هي فعلا السيريون قعدتها تدي احساس بالوسع بس ده راجع لارتفاع سقفها حوالي 5 سم عن الايفو لكن غير كده الاايفو أطول ب 43 سم و أعرض ب 2 سم من السيريون...طبعا 40 سم يعتبر فرق كبير قوي في الطول بين عربيتين هاتشباك بس الطول الزيادة في الايفو معظمه في الكبوت و مش مستغل في الكابينة بس شنطة الايفو اكبر شوية من السيريون

في رأي, السيريون عرفت مفهوم جديد لاستغلال المساحة الداخليه.
بس للحياديه:
الوسع الداخلي جاي على حساب الشنطة. البونتو شنطتها اوسع فعلا مفيش كلام.

بس برده السيريون ممكن تتني الكنبة اللي ورا علشان تديك مساحة متقلش عن 600 لتر. والسقف العالي هيبقى عامل برده لو بتنقل حاجات.

**wael17** · 15-12-2010 11:50 AM

المشاركة الأصلية كتبت بواسطة slim_shika

في رأي, السيريون عرفت مفهوم جديد لاستغلال المساحة الداخليه.
.

+111111111
فعلا امبارح بصيت علي سيريون راكنة في الشارع جنب عربيتي عشان اشوف ازاي واسعة رغم فرق الطول الكبير بينها و بين البونتو ايفو و فعلا العربية مصممة بحيث انها تكون كلها كابينة واضح جدا ان اللي عملها قاصد انها تكون واسعة جدا من جوه.... و كبوتها صغير قوي... مش عارف كبوت البونتو الطويل قوي ده جواه ايه؟؟ هم كلهم 77 حصان

**slim_shika** · 15-12-2010 05:20 PM

ههههههههههه والله ضحكتني :)

بس خلي بالك إن لما ينزل منها المالتلي اير ولا التربو هيركبو تحت نفس الكبوت, فـممكن تبقى ديه نظرتهم.

**amrseba** · 15-12-2010 08:26 PM

يا ابو مارتين عيب عليك اذا كان انتا لما شوفتها معايه فى الدقى قولت احسن من السيريون فى كل حاجه عادا الماتور و الزجاج الكهربا الخلفى الى معرفش مصيرى معاك بس انا بقول ان السيريون فئه و البونتو ايفو فئه تانيه السيريون مهما كانت فئه الابونتو كلاسيك هيا طبعا رائعه و انا بحبها جدا وانت حببتنى فيها جدا يا مارتين و احسن من البونتو كلاسيك بس برده انك تبقى ماشى بعربيه فئه منها ب 65 الى هيا وان فاعتقد ان البونتو احسن بس لو ليك فى الشد و عربيه جميله برده يبقى السيريون بس برده اوتوماتيك و ديولوجيك فرق تكنولوجيا رهيب كفايه الاوبشن و الخامات و الفيتيس و البلو اند مى و حاجات كتييييييييييييييييييييييي يير

**slim_shika** · 15-12-2010 09:00 PM

إنت هتقولني كلام يا عمورة...

أنا عمري ماقولت إن الايفو أحسن من السيريون! ولا عمرها هتطلع من بوقي كلمة زي ديه.

كلاسيك إيه ياعمورة اللي فئة السيريون؟ صباح الفل. الكلاسيك فئة البيكانتو - سلاريو - i10 . الايفو فئة السيريون - جتز - i20 .

حوار بقى الدوال لوجيك والأوتوماتيك العادي ,مش هقولك غير كلمة واحدة, شوف ده جت منه شكاوي اد إيه, وده اد إيه.

عيب عليك على فكرة, بس لما أشوفك..:)

**wael17** · 15-12-2010 09:04 PM

المشاركة الأصلية كتبت بواسطة amrseba

يا ابو مارتين عيب عليك اذا كان انتا لما شوفتها معايه فى الدقى قولت احسن من السيريون فى كل حاجه عادا الماتور و الزجاج الكهربا الخلفى الى معرفش مصيرى معاك بس انا بقول ان السيريون فئه و البونتو ايفو فئه تانيه السيريون مهما كانت فئه الابونتو كلاسيك هيا طبعا رائعه و انا بحبها جدا وانت حببتنى فيها جدا يا مارتين و احسن من البونتو كلاسيك بس برده انك تبقى ماشى بعربيه فئه منها ب 65 الى هيا وان فاعتقد ان البونتو احسن بس لو ليك فى الشد و عربيه جميله برده يبقى السيريون بس برده اوتوماتيك و ديولوجيك فرق تكنولوجيا رهيب كفايه الاوبشن و الخامات و الفيتيس و البلو اند مى و حاجات كتييييييييييييييييييييييي يير

الراجل ماقلش انها وحشة

هو قال ان السيريون افضل في
قوة الموتور (معاه حق طبعا خصوصا اننا بنتكلم عن سيريون 1500)
- الواسع الداخلي (مايختلفش عليها اتنين...السيريون عبارة عن كابينة كبيرة و طالعلها كبوت و 4 عجلات صغيرين)
- التوكيل (خدمة مابعد البيع) (ماسمعتش شكاوي من توكيل دايهاتسو...و ربنا يسهل و اوماترا يتحسن)
- قطع غيار ارخص (غالبا ارخص)
- اعتمادية أعلى (هي دي النقطة اللي ممكن نختلف معاه فيها....بس غالبا سليم شيكا صح برده

)
- 4 إزاز كهربة (طبعا هو عارف الايفو كويس و منشن علي عيوبها...ماشي يا عم سليم)
- فتح تنك البنزين من الداخل (نفس الكلام)

و حكاية انهم مش من نفس الفئة لا يمنع اننا نقارن بينهم و نقول مميزات كل واحدة

يعني انا ممكن اقول الايفو احسن من الفيرنا...و غالبا كل الناس هتوافق بس ما ينفعش حد يقولي لا الفيرنا سيدان و فئة اعلي من اليفو

الموضوع: محتار و عايز حد يساعدني سريون 1500 أو فيات بونتو إيفو 1400

LinkBack

أدوات الموضوع

عرض

-

-

-

-

المواضيع المتشابهه

محتار بين دايو لانوس 2 / فيات بونتو / فيات بترا ؟؟؟

فيات بونتو إيفو 2012

فيات بونتو إيفو أعلي فئه كسر زيرو - مساعدة في السعر

فيات بونتو ايفو و سيريون 1500

عايز حد يساعدني بونتو موديل 95 ولا ابيزا 94

الكلمات الدلالية لهذا الموضوع

المفضلات

المفضلات

ضوابط المشاركة